Boots Beauty haul UK\ مشترياتي من صيدلية بوتس بريطانيا

كيف حالكم ياحلوات واحشتوووووني

اليوم البوست حيكون عن مشترياتي من صيدلية بوتس بريطانيا .. في بعضها متوفر في بوتس هنا والبعض التاني لا فلازم الاون لاين :-\

زي ماتلاحظوا مافي من المشتريات ولا حاجه مكياج المرة دي المشتريات اغلبها عناية بالبشره بما انه بشرتي كانت تعبانه شويه الفترة الماضية فكانت محتاجة شوية حب و اهتمام .

اغلب المنتجات لسا ماجربتها فمااقدر اقولكم رايي فيها الان ، بس ان شاء الله لمن استخدمها فتره و تبين النتيجة حقولكم على طول .

طيب نبدا بسم الله

حبدأ مع منتجات سوب اند قلوري بما انها الاكتر

Soap & Glory & Orangeasm Body Wash

سمعت كتير يوييوبرز يتكلموا عن الشاور الجل الجديد من سوب اند قلوري ، وانا زي ماتعرفوني اعشق شي اسمه سوب اند قلوري فاخدته عشان اجربه ، ريحته مو نفس ريحتهم اللي متعودين عليها ، الريحه جي فيها نكهة الحمضيات المنعشه (برتقال و ليمون) ، يعني مرا حلو ومناسب لترويشات الصباح اللي تبغي تنتعشي وتفوقي فيها .

Soap & Glory Make Yourself Youthful Rejuvinating Eye Cream

كريم العين من مجموعه ميك يورسيلف يوثفل ، انا كنت ومازلت استخدم كريم الليل و السيروم من نفس المجموعه و مرا ناسبتني فعشان كدا قررت اكملهم فاخدت كريم العين ، السوبر سيروم ،السيروم الاوريجنال ، السي سي كريم و كريم واقي الشمس .

لو تلاحظوا انه اسمها ميك يور سيلف يوثفل فهي مخصصة للنضاره و محاربه التجاعيد ، الحمد لله ماعندي تجاعيد بس الوقايه دايما افضل من العلاج .

Soap & Glory Make Yourself Youthful Super Serum

اسمه مره يحمس سوبر سيروم ، انا جربت السيروم العادي ممتاز فقلت اكيد السوبر سيروم يكون احسن نجرب ونشوف.

Soap & Glory Make Yourself Youthful CC Cream Superfluid SPF15

السي سي كريم اختصار كولور كوريكتور يعتي تصحيح اللون ، فما نتوقع منه تغطية كبيره قد مانتوقع مظهر طبيعي و بشره تنور ، على فكره دا اول سي سي كريم استعمله.

Soap & Glory Make Yourself Youthful Rejuvenating Facial Serum

السيروم اللي كررته للمره التانيه ، مرا حلو و خفيف يرطب و ينعش البشرة و دا المطلوب.

انا استخدمه بس في الليل لانه ماعندي الصباح وقت :-\

Soap & Glory Make Yourself Youthful Sunshield Superfluid SPF50+

انا في العادة مو مرا مع السن بلوك بس اللي لفتني في دا انو سن بلوك اس بي اف 50 ، مرا اتحمست اجربه  و طلبته يارب يطلع جميل .

على فكرة لمن جاني اتفاجات بتركيبته ، مرا سائل و خفيف بعدين قريت طلع انه هو بالعنية عملوه خفيف عشان ماتحسي بطبقة السن بلوك المزعجة.

Soap & Glory No Clogs Allowed Super Self-Heating Deep Pore Detox Mask

الماسك دا اخدته على مدح العسل وفاء ، دا رابط مدونتها لازم تشيكو عليه ماشاء الله عليها كميه جمال.

http://theartistichands.blogspot.com/

الماسك دا منظف عميق للمسامات و ينظف التي زون عشان يشيل الدهون الزايدة اللي تسبب الرؤوس السوداء.

Soap & Glory Scrub Your Nose In It Special Pore Refining Formula AHA Facial Scrub

مقشر خاص فقط بمنطقة التي زون و خصوصي الانف ، ينظف المسامات بعمق و يزيل الدهون الزايدة و الرؤوس السوداء.

Soap & Glory The Ultimelt Deep Purifying Hot Cloth Cleanser

منظف بتقنية القماش الحار ههههه  كيف بس ترجمتي ، هو منظف يومي للبشرة بس الفكرة انك تفركي وجههك فيه و بعدين يجي معاه قطعه قماش تبلليها بمويه دافيه وتمسحي المنظف .

سمعت عنه مدح كتير في اليوتيوب انه كيف يزيل المكياج بامتياز و كيف يترك الوجه نظيف فاتحمست اجربه خصوصا انه المنظفات بنستعملها بشكل دائم.

ودا كان اخر منتج من سوب اند قلوري .

Origins Drink Up Intensive Overnight Mask

لو تعرفوني من اول حتعرفوا انه بشرتي جافة مختلطه و مايله اكتر للجفاف خصوصا في منطقة الخدود و الفم و الجبهه ، الانف بس عندي شويه دهني . فالماسك دا فكرته مرا عجبتني ، هو مخصص للبشره الجافة تحطي منه طبقة خيفة على الوجه قبل النوم و تنامي و تصحي تلاقي البشره شربته و كلها رطوبه و حيويه.

جربته تقريبا 3 مرات و للان مرا عاجبني خصوصا الايام اللي تكون فيها بشرتي مرا جافة احط منه وانام و هو يسوي شغله.

Indeed Labs Hydraluron moisture boosting mask

هنا ماسك للبشره الجافة العطشانه ، يحتوي على الهيدرولونيك اسيد المعروف بالترطيب ، اخدته من كتر المدح عليه وعلى السيروم تبعه في اليوتيوب ، اذا تتابعوا يوتيوب اكيد انكم عرفتوه .

لسا ماجربته ومتفائلة انه ممتاز.

Indeed Labs hydraluron moisture boosting facial serum

دا هو السيروم حق الماسك ، المدح اللي اخده شي مو طبيعي و اتمنى يكون قد المدح ، خاص للبشره الجافة والعطشانه. دحين انا باستخدم سيروم سوب اند قلوري بس اخلصة ابدأ في دا إن شاء الله .

دي كانت مشترياتي من بوتس ، اتمنى البوست عجبكم واستفدتوا منه

نشوفكم على خير في التدوينة القادمة



11 comments Beauty, haul