Benefit Roller Lash Mascara … Is It Worth It ? \ بنفت رولر لاشز ماسكرا ... هل تستاهل ؟

كيف حالكم ياحلوات

اليوم حاتكلم عن ماسكرا بنفت الجديدة اللي هي رولر لاشز ، الكونسبت الاساسيه من الماسكرا انها تعمل كيرل للرمش يعني ماتحتاجي تستخدمي (عقاصة الرموش) << يارب اسمها صح ههههه ، وانها تثبت لفة الرمش و وتغطيها ل 12 ساعة تقريبا .

طيب هل الكلام دا صح ؟

اول شي شوفوا الفرشة مرا غريبه مقوسه و نحيفة ، تغطي كل الشعرات اللي في الرمش حتى من جوا اللي عند مدمع العين.

Read more »

1 comment Beauty

Boots Beauty haul UK 2015 \ مشترياتي من صيدلية بوتس بريطانيا 2015

كيف حالكم ياحلوات

اليوم حتكون التدوينه في موضوعنا المفضل وهو مشتريات ، ياحبنا نحن البنات في السوق و المشتريات هههههههه.

المهم المشتريات دي كلها تلاقوها في موقع بوتس البريطاني و هو من اكتر المواقع اللي احب اقلب وأحوس فيها لاني اعشق شي اسمه بوتس ، ( ااااه يابوتس لندن ) ..

تقدروا تتطلبوا عن طريق بريد ارامكس شوب اند شيب

كان في عرض وقتها على كل المكياج انه تلاته بسعر اتنين وبدون مايتقيدوا بماركه معينه ، العرض مرا حلو ومغري.

فالبوست ماشاء الله فيه كميه مكياج نوعا ما كتيره فحبيت اقسم الصور انه كل براند لحالها اسهل و ارتب

هنا الحلوين مع بعض

ونبدأ بسم الله بميبلين

من فوق لتحت

Read more »

2 comments Beauty, haul

ريفيو البي بي كريم من تارت \ Tarte amazonian clay BB tinted moisturizer review

كيف حالكم ياحلوات

اليوم الريفيو حيكون سريع و خفيف عن البي بي كريم تنتد موسترايزر من تارت ، بصراحة انا مو من الناس اللي تتحمس على البي بي كريم كتير بس دا شدني لأنه كريم مرطب ملون في نفس الوقت يعني نوعا ما حسيته عناية بالبشرة و مكياج.

من الأشياء اللي عجبتني فيه انه خالي من الزيوت ، يعني محا يترك هديك اللمعة المزعجة على الوجه بالعكس اعطاني لمعه بس لمعه النضارة (الديوي لوك). وكمان محا يكتم الوجه و يطلع حبوب.

مرا يندمج بسهوله وكانك قاعدة تحطي كريمك المفضل ، و بالنسبة لتغطيته فهي خفيفة إلى متوسطة ، و الكريم في نسبة حماية من الشمس اس بي اف 20 وتعتبر نسبة كويسة .

اللي خلاني أحس اني قاعدة احط عناية ببشرتي اكتر من انه مكياج ، انه فيها المكونات دي :

Read more »

Leave a Comment Beauty

March Favorites 2015 / مفضلات شهر مارس 2015

كيفكم ياحلوات ، اليوم حأتكلم عن مفضلاتي لشهر مارس و ممكن نقول مفضلاتي للفتره للي فاتت لاني نوعا ما علقت على المنتجات دي كتير.

و بدون مقدمات طويلة نبدأ بالمفضلات المكياجية

الارواج اللي حبيتها من اليسار

Cover Girl Lip Perfection Lipstick ravish 308

لونو على توتي موف ( توتي من التوت لول ) ،  لونه قوي وتركيبته مريحه في الاستخدام ، اللون بيرفكت للعمل و الدوام لانه كلاسيكي و يناسب أغلب الوان البشرة.

بصراحة مااتوقعت احب روج من كفر قيرل بس من جد مرا انصحكم فيه.

Read more »

1 comment Beauty