Liquid Lipstick Series : SEPHORA / سلسلة الأرواج السائلة المطفيه : سيفورا

كيفكم ياحلوات

طمنوني كيف رمضان والصيام معاكم ؟ ان شاء الله كله تمام و ربي يتقبل منا ومنكم الصيام والقيام و الاعمال الصالحة.

اليوم حابه اتكلم عن الجزء التالت من سلسلة الارواج السائلة و حيكون المرة دي عن ارواج سيفورا الثابته.

اذا تحبوا تتطلعوا على الجزء الاول حتلاقوه هنــــــا ، والجزء التاني هنــــــا.

ارواج سيفورا تعتبر من الاقدم في السوق وللان ماشاء الله محافظه على مكانها و معظم المرات بلاقيها سولد اوت حتى من الافرع الكبيرة.

منتجات سيفورا بشكل عام جميلة وكأي براند في منها الحلو و اللي مو مرا. اهم شي قبل ماتقرري انك تاخدي اي منتج تقري عنه مزبوط وتشوفي ريفيوهات عشان لاتتورطي فيه.

اسم الروج

SEPHORA COLLECTION Cream Lip Stain

عدد الدرجات في الموقع

14 درجة

سعره

14 دولار.

بالريال تقريبا 75 ريال.

الرابط

http://www.sephora.com/cream-lip-stain-P281411?skuId=1646777&icid2=D%3Dc6%3Asephora_collection_lp_bestsellers_carousel_us%3Ap281411

تركيبته

كريميه ناعمة.

ميزاته

من ارخص الارواج السائلة و في نفس الوقت بجودة جدا عالية.

ثباته جدا عالي تقريبا نفس ثبات كات فون دي اللي اتكلمت عنه في البوست السابق.

مريح في الاستخدام بعد ماتحطيه خلاص ماتحسي فيه لانه ينشف بخفة.

يعطي طبقه قويه و صريحه للون من اول مسحة.

مجموعة الالوان حلوة و فيها فينش مطفي و ساتين.

ريحته حلوة كأنها فانيليا.

الابليكيتور مريح وسهل في الاستخدام.

عيوبه

الدرجات الحلوة دايما تخلص و تاخد وقت لمن يرجعوها.

بشكل عام

جودتها جدا عالية وسعرها حلو.

الدرجات اللي عندي

من اليسار

04 endless purple

لونه موف عميق يميل للوردي.

سواتش من النت

 

http://beentheredonethatgotthelipstick.blogspot.com/2013/02/my-sephora-love-continues-sephora-cream.html

13 Marvelous Mauve

من اشهر الدرجات عندهم و اللي دايما تخلص ، اذا لقيتوه خدوا منه حبتين ههههههه.

لونه موف على بني مع وردي ، جدا جميل و يناسب كل الوان البشرة.

سواتش من النت

02 Peach Tart

لونه مشمشي على نيود.

سواتش من النت

الصوره الاولى على اليسار

http://www.loveandmarmalade.com/2015/08/sephora-cream-lip-stain-swatches-review.html

09 Watermelon Slice

لونه فريش كورالي يعني بين الوردي و البرتقالي.

سواتش من النت

01 Always Red

اللون الاحمر الكلاسيكي ، جدا فخم و جميل واللي يزيد فخامته تركيبته المطفيه.

سواتش من النت

http://www.changmakeup.com/new-page/

اتمنى التدوينة عجبتكم واستفدتوا منها ،نشوفكم على خير التدوينه القادمة.

12 comments Beauty