My DFMA experience \ تجربتي مع أكاديمية التجميل دي اف ام اي

كيف حالكم ياحلوات واحشتوني .. كنت قلتلكم في البوست السابق هنا اني سجلت في اكاديمية متخصصة للمكياج في 

بريطانيا . 

الهدف من الكورس هو التدريب و التأهيل 

للعمل كاستشارية مكياج و خبيرة تجميل

 و الحصول على شهادة معتمدة من هذه الأكاديمية

والتي تحصل على هذه الشهادة بإمكانها التدريب في أي أكاديمية تجميل

و أيضا تقديم بروبوزال لستايل المكياج الذي سيستخدم

في حفلات عروض الأزياء أو التصوير الاحترافي

وأكيد أن تقييمها لمنتجات المكياج سيكون بمصداقية احترافية يضمنها المعهد

والأهم هو اسداء النصائح و التعليمات للمهتمين في مجال المكياج

 سبحان الله بعد تجربتي خلال الكورس معاهم شعرت بأهمية وفائدة التعلم من الخبراء مباشره.

و شعرت بالفرحة والفخر لاني اتاكدت اني انتمي لعالم المكياج , وعرفت كيف يبدع الإنسان لمن يحب ويعشق عمله.

  في اول يوم زرتهم اتفاجات من المستوى الراقي سواء في المعاملة اللطيفة من الادارة و المدرسين , او في تجهيز المكان بالأدوات والمستحضرات اللازمه. 

رحت بدري وصورت المكان

الكلاس كان فيه بس 8 بنات , انا لمن سجلت كنت في قائمة الانتظار الحمد لله اني اتاكدت فيها 

و زودوا كل طالبة بمجموعه مكياج متكاملة و كانت اغلبها من ماك 

دي صور من مجموعتي 

 مع البداية الحلوة دي حسيت بالحماس اكتر

 وخلال الدورة استفدت واتعلمت الكثير والكثير والكثير

 حاتكلم معاكم عن تجربتي عشان تستفيدوا معايا 

حأاحاول اختصر اهم الاشياء لانو ماشاء الله مرا كان انتنس ومليان معلومات. و راح اقسم البوست على ثلاثة اجزاء عشان لايسير البوست طويل مرا .

في الكورس درسنا خبير تجميل فرنسي و خبيرتين بريطانيتين

الخبير الفرنسي :

Daniel hermy

Makeup artist + photographer

http://www.danielhermy.com/folio/index.html

https://twitter.com/DanielHermy

https://www.facebook.com/danielhermy?ref=ts&fref=ts

الخبيره البريطانية :

Lyndsey Harrison

Celebrity Hair + Makeup artist

http://lyndseyharrison.com/

http://www.youtube.com/user/lyndseyloo1

https://twitter.com/LyndseyHarr1son

https://www.facebook.com/pages/Lyndsey-Harrison-Hair-stylist-Make-up-artist/190215357681515?fref=ts

الخبيره البريطانية :

Jane Aspinall

TV Makeup artist

https://www.facebook.com/jane.aspinall.77

اوكي نبدأ بسم الله

حبدأ بالأشياء اللي اتعلمناها من الخبير الفرنسي

الخبير داني كان اكتر انسان شفتو شغوف بالماكياج و عالم الماكياج والألوان , يحب يعطي ويعلم بطريقة غير معقولة , يقعد ورانا الين يتاكد اننا اتقنا المهارات كلها , غير التيبز والتريكز اللي اعطانا هيا المعتمدة على خبرته الطويلة في دا المجال .

داني اعطانا نصائح كتيرة كيف تصير الوحدة خبيرة تجميل و استشارية مكياج محترفة

   
الموضوع الأول

flawless face   

الفلو لس فيس

و أول نصيحة هي قبل لاتبدأي في أي مكياج تأكدي انك تحطي انتي بكتيريا وتنظفي يدك مزبوط.

وبعدها حددي الفاونديشن المفضل عندك (بالطريقة دي حتعرفي نوع البشرة و نوع التغطية المناسبة)

إذا كنت حاطة ماكياج استخدمي منظف بالقطن ، وأثناء التمسيح حسي بالعظام اللي في الوجه عشان حيساعدك تعرفي فين تحطي الماكياج بعد كدا سواء للوجه أو العيون . 

حطي على يدك مرطب و دفيها شويه و اعملي ترطيب للوجه و نفس الوقت مساج خفيف بالطريقة دي حتحسي بالعظام اكتر .

يفضل تستخدمي منظفات وكريمات غالية وفخمه  .

بعد كدا حطي الفاونديشن و وزعيه باستخدام فرشاه شعرها سينثتيك مو شعر طبيعي ( السنثيتك احسن في توزيع الكريم والطبيعي 

احسن للبودرة ) .

شركات رشحها في الفاونديشن

By Terry

NARS

اوكي بعد كدا تحطي الكونسيلر . شويه تحت العين و على العيوب في الوجه و توزعيها بفرشاه سينثتيك كمان .

شركات رشحها في الكونسيلر

 By Terry

بعد كدا استخدمي فرشاه بشعر طبيعي ووزعي الباودر وزعيه من فوق لتحت ( بالطريقة دي حتا لو في شعر في الوجه حيهبط محا يبيبن واضح ) .

البودره ضروريه لكل انواع البشره حتى الجافة بس اهم شي ماتكون في مكوناتها تحتوي على التالك.

بعد كدا بودرة لتحت العين  ( رشح لورا مرسييه سيكرت برايتننغ باودر ) .

دا بالنسبة للاساس

نجي للبلاشر و الكونتور

البلاشر

لو كان الوجه مدور حاولي تخلية من جنب العين لاعلى الخد .

لو كان الوجه طويل والخدود مختفيه خليها تبتسم و حطيه على تفاحه الخد .

البرونزر ( الكونتور )

من تحت عظمه الخد الين نص الخد ( شوفو الصوره اوضح من كلامي اكيد هههه )

رشح فرشاه نارس حقت الكونتور مرا فضيعة  وتسهل الكونتور مرا .

بعد كدا علمنا على تعبئة الحواجب بطريقة طبيعيه واستخدم باودر .

الموضوع التاني

 smokey eyes

السموكي اي

في كلاس تاني علمنا السموكي أي , علمنا اللي نستخدمو بشكل يومي يعني نقدر نحطه أي يوم واي وقت ,و السموكي بشكل فاشوني ( حق عروض الأزياء و الفوتوشوت).

طبعا من أهم أسرار نجاح السموكي أي هوا استخدام الفرش المناسبة والصحيحة

و تركيب الرموش المناسبة

وابدا لاتحطي ايلاينر مع فليك لو تبغيه من جد سموكي , حطي ايلاينر بس بدون فليك

ححط لكم صور عشان توضح الفكره

السموكي اليومي أوسموكي للمناسبات

  

السموكي الفاشوني المودرن

هنا استخدمنا تقنية اخفاء الحواجب بالغراء والكونسيلر التقنية دي كانو يستخدموها أيام الثلاثينات ( حاتكلم عنها بالتفصيل في البوست القادم إن شاء الله )

من اكتر دور الأزياء اللي تستخدم التقنية دي هيا كريستان ديور و دي صور من عروضهم  

إن شاء الله عجبتكم المعلومات واستفدتوا منها

                              

البوست الجي إن شاء الله حأكلمكم عن مكياج فتره الثلاينات , ومكياج العروس .

اموااااااه

مرمر

7 comments lifestyle