No7 Makeup review تقرير مكياج نمبر سفن

السلام عليكم بنات 

معاكم مرمر و دي اول تدوينه ليا ... اتمنى تعجبكم  وتستفيدوا 

حتكلم اليوم عن تجربتي مع ماركه مكياج نمبر 7 من صيدلية بوتس 

جربت عدد طيب من المنتجات وحابة أعطيكم رأيي الشخصي , و إزا في أي واحدة جربت منتج تاني ياريت تكتب لنا عن تجربتها عشان نستفيد كلنا ... ونشتري زيادة هههههه 

الفاونديشن أو كريم الأساس 

No7 Stay Perfect Liquid Foundation

عدد الدرجات 17 درجه  

درجتي هي 

Warm Ivory

هوا ببساطة كريم اساس مناسب لجميع انواع البشرة , واهم ميزه فيه انو يقعد لفتره طويلة ويعطي تغطيه كاملة وصحية .

 رأيي فيه انو مرا ممتاز.و في درجات كثير يعني أكيد حيكون  في لون مناسب ليكي في الكوليكشن . وكمان في اس بي اف يعني علشان الوقاية من الشمس . 

بالنسبة للسعر .. أنا اخدت المنتجات من بووتس بريطانيا بس أتوقع انو نفس السعر هنا في بووتس السعودية , أنا حكتب لكم الأسعار في بريطانيا و ححول السعر للسعودي لأنو حيكون شي قريب أكيد ( قصة حياتي ههههه ) طيب نرجع 

للفاونديشن   حقنا سعرو 14 باوند يعني تقريبا 84 ريال 

أهم المميزات :-)

تغطية كاملة و حلوة , ومناسب لجميع انواع البشره

العيوب :-(

الصراحة مالقيت أي عيب بس ممكن في ناس يحبو تغطية مرا عالية و مايناسبهم لأنو تغطيتو عالية بس على طبيعي يعني مو زي الماسك على الوجه .

احمر الخدود أو البلاشر الباودر

No7 Natural Blush Tint Powder

عدد الدرجات : 5 درجات

الدرجات اللي عندي

Coral Flush

Cool Pink

دي البلاشرات الباودريه وتتناسب اكتر شي مع البشرة العادية والدهنية . بس ممكن استخدامها لجميع أنواع البشرة .

رأيي فيه انو حلو و هادي والوانو مرا سهله في الدمج والاستخدام يعني تقدري تحطي طبقه خفيفة للنهار و تتقلي شويه في الليل .

الوانو جميييله و الكميه اللي تجيكي في العلبة كبيره وتكفيكي مدة طويلة .

بالنسبة للسعر 8 باوند يعني تقريبا 48 ريال 

أهم المميزات :-)

الوان ثابته و واضحه وسهلة في الدمج

العيوب :-(

مالقيت عيب 

احمر الخدود أو البلاشر الكريمي

No7 Natural Blush Cream

عدد الدرجات : 3 درجات

الدرجة اللي عندي

Maple Silk

دي البلاشرات الكريمة وتتناسب اكتر شي للبشرة العادية والجافة .

رأيي فيه انو حلو ومريح وسهل في الدمج , يعطي مظهر ديوي وصحي للبشرة , انا عشان جهة خدودي جافة فمره ناسبني .

بالنسبة للسعر 8 باوند يعني تقريبا 48 ريال 

أهم المميزات :-)

ثابت و ناعم ويعطي مظهر صحي لامع للبشرة

العيوب :-(

الوانو جدا محدودة و قليلة

احمر الخدود الاصباع أو الستيك

No7 Blush Tint Stick

عدد الدرجات : 3 درجات

الدرجة اللي عندي

Clove

دي البلاشرات تجي تركيبتها مابين الباودر و الكريم . يعني بتتناسب مع جميع أنواع البشرة .

رأيي فيه انو منتج حلو و تصميم العلبه مريح وسهل ( زي الروج ) , اللون مرا سهل في الدمج و واضح .

بالنسبة للسعر 9 باوند يعني تقريبا 54 ريال 

أهم المميزات :-)

انو بين الباودر و الكريم يعني حيناسب جميع أنواع البشرة . جودتو عالية وسهل في الاستخدام

العيوب :-(

الوانو جدا محدودة و قليلة

الإضاءه الكريميه

No7 Skin Illuminator Radiance Boosting Beauty Fluid

دي صورة من النت توضح شكلو من جوا

عدد الدرجات : 2 درجة

الدرجة اللي عندي

Peach

دي إضاءه لكن على تركيبة كريمية و شكلها زي المعجون , من راسها لو انفتحت في فرشاة عشان تساعد على الدمج .

رأيي فيه انو حلو ومره يعطي مظهر صحي وديوي للبشره , بس الباكجينج سيء جدا لانو كل ماتضغطي يطلع كمية كبيره من المنتج انتي ماتحتاجي الكميه دي , و التحكم في الكميه مرا صعب .

بالنسبة للسعر 11 باوند يعني تقريبا 66  ريال 

أهم المميزات :-)

يعطي مظهر صحي و ناعم على البشرة

العيوب :-(

الباكيجينج سيء , و الفرشاه اللي معاه غير مستخدمة 

الأرواج أو الحمرة زى مااحب اسميها ههههه

في عدد من التركيبات المختلفة من الحمرات 

أول وأشهر تركيبة عندهم  

No7 Moisture Drench Lipstick

عدد الدرجات 33 درجة

الدرجات اللي عندي

Waterlilly

Romantic

Siren

Mulberry

Sugar Plum

Coral dream

Glam

التركيبة دي فيها نسبة ترطيب , ودي أهم لاين من الحمرات عندهم عشان كدا ألوانها كثير وتناسب كل الأذواق .

رأيي فيهم ممتازين و جودة عااالية و كثير بنات يقارنوها بماك , مشكلتي معاه إني حسيتو شوووويه ناشف لشفايفي لانو شفايفي مرا ناشفة في الأساس , يمكن إذا ماكانت ناشفة كدا كان زبط معايا أكتر , بس بالرغم من كدا مرا احبها لانو ثباتها عالي والألوان مرا مركزه مو خفيفه .

بالنسبة للسعر 9.5 باوند يعني تقريبا 57 ريال 

أهم المميزات :-)

الالوان جدا بجمنت مركزه , ثباتها عالي جدااا 

العيوب :-(

جاف شويه

ثاني تركيبة

No7 Sheer Temptation Lipstick

عدد الدرجات : 14 درجة

الدرجة اللي عندي

Attract

لاحظو حقي من الكوليكشن القديم لانو لون الباكجينج مختلف

التركيبة دي شيير وتلمع و ترطب يعني اشبه انو يكون قلوس .

رأيي فيه انو حلو و مريح في الاستخدام و موتقيل يعني حتى اللون يجي فاتح شوي لأنو قلوس فيعطي منظر طبيعي اكتر .

بالنسبة للسعر 9.5 باوند يعني تقريبا 57 ريال 

أهم المميزات :-)

يعطي منظر طبيعي وصحي للشفايف .

العيوب :-(

ريحتوو ماعجبتني ( عندي مشكلة مع الروائح ااااه )

تالت تركيبة

No7 Stay Perfect Lipstick

عدد الدرجات : 15 درجة

الدرجة اللي عندي

Cherry

التركيبة دي من النوع الثابت جدا و مافيها أي لمعه اقرب للمات يعني.

رأيي فيه انو ثابت و الوانو قويه و مركزه بس لأنو من النوع الثابت و شفايفي من النوع الجاف فسار منظرو عليا جدا جاف يعني لازم أغطيه بقلوس .

بالنسبة للسعر 9.5 باوند يعني تقريبا 57 ريال 

أهم المميزات :-)

الوان مركزه وثااابت جدا .

العيوب :-(

جدا جاف و يبين الشفايف متشققه بالذات لصاحبات الشفايف الجافة

 

رابع تركيبة

No7 Poppy King Lipstick

عدد الدرجات : 4 درجات

الدرجة اللي عندي

Glamour

التركيبة دي صممتها الاسطوره بوبي كينج خصيصا لنمبر سفن , وصممتها بحيث تكون الألوان الأساسية اللي ماتستغني عنهم المرأة .

رأيي فيه انو مرا مركز وحلو , ومرطب ممتاز مايجفف الشفايف أبدا رغم انو اللون واااضح . الصراحة بالنسبة ليا دي اكتر تركيبة حبيتها .

بالنسبة للسعر 10.95 باوند يعني تقريبا 66 ريال 

أهم المميزات :-)

ألوان مركزه وثابت ومرطب

العيوب :-(

العلبة مرا صغيرة

 

الروج الثابت أو دهان الشفايف .. باين ترجمه قوقل هههههه )

No7 Stay Perfect Lip Lacquer

عدد الدرجات : 6 درجات

الدرجة اللي عندي

Sugar Mauve

دا منتج للشفايف بس مو حمره ولاقلوس نقدر نقول شي بينهم , لأنو زي مو ملاحظين انو له نهايتين النهاية الأولى هو الحمره وهو اللي فيه اكبر كميه من اللون , و الثاني هوا القلوس اللماع . طبعا لازم تستخدميهم مع بعض لانو لو استخدمتي الحمره لحالها بتلصق حتقولوا ليش ؟؟ لانو دي التركيبة اللي مرا تثبت على الشفايف و لاتروح بالمويه و لا الأكل .

رأيي فيه انو مرا مريح في الاستخدام , ومرطب مايجفف الشفايف و اللون مرا ثابت و ناعم .

بالنسبة للسعر 10.75 باوند يعني تقريبا 64.5 ريال 

أهم المميزات :-)

ألوان ثابته مولازم تعيدي عليه كل شويه

العيوب :-(

مااقدر استخدم اللون لحالو و مافي ألوان كنير

 

اقلام الجمبو المرطبه

( جديد )

No7 High Shine Lip Crayon

عدد الدرجات : 5 درجات

الدرجات اللي عندي

Berry

Delicate Pink

دا منتج شبيه بالتشوبي ستيك من كلينيك ( يعني بديل ممتاز و رخيص ) , هوا عباره عن أقلام كبيره للشفايف ألوانها واضحة و ترطيبها جدا جدا عالي .

رأيي فيه انو ممتااااز بالذات لأني دايما ادور على اي شي في ترطيب , كيف لو في لون واضح كمان ولمعه حلوة . مرا حبيتو   قلوووووب .

بالنسبة للسعر 9 باوند يعني تقريبا 54 ريال 

أهم المميزات :-)

ترطيب عالي مع الوان واضحه ولمعه تجنن

العيوب :-(

لانو مرطب مرا فمضطره أعيد عليه كل شويه , و مافي ألوان كنير

 

اقلام تحديد الشفايف

No7 Precision Lips Pencil

عدد الدرجات : 6 درجات

الدرجة اللي عندي

Blush

لاحظو حقي من الكوليكشن القديم لانو لون الباكجينج مختلف

هنا عبارة عن أقلام تحديد الشفايف العادية .

رأيي فيه انو عادي جدا مافي زيادة عن أي ماركة جربتها .

بالنسبة للسعر 6.75 باوند يعني تقريبا 40.5 ريال 

أهم المميزات :-)

جودتو حلوه ومايحتاج براية

العيوب :-(

غالي شويه بالنسبة لدرج ستور ميك اب

الشدو الكريمي

No7 Stay Perfect Eye Mousse

عدد الدرجات : 6 درجات

الدرجة اللي عندي

Bronze

الشادوهات الكريمية زي ماتلاحظوا انو شكلها مو علبة قزاز مدورة . علبتها زي القلوس و لها ابليكيتور زي القلوسات و تركيبتها زي الموس .

رأيي فيه انو منتج عادي . هوا اللون اللي اخترتو كان تقريبا احلى لون يعني مالقيت لون تاني شدني , تركيبتو حلوة وسهل في الدمج و يعطي العين لمعه خفيفة وحلوة تعطي منظر صحي للعين . وتقدري توزعيه باليد .

بالنسبة للسعر 8 باوند يعني تقريبا 48 ريال 

أهم المميزات :-)

سهل الاستخدام و ممكن استخدام أصبع اليد في الدمج , يعطي منظر لامع بس بشكل صحي للعين

العيوب :-(

انو تركيبتو موس , اتمنيت يكون كريمي اكثر

اقلام العين

في منها تركيبتين

No7 Metallic Eyes Pencil

No7 Stay Perfect Amazing Eyes Pencil

عدد الدرجات : 5 درجات

عدد الدرجات : 6 درجات

الدرجات اللي عندي

Blue Grey

Blackest

Camouflage

Brown

Green

Blue

Purple

اقلام العين دي تركيبتها ميتاليك , يعني فيها لمعه خفيفة .

رأيي فيه انو ناعم و حلو وممكن يستخدم كشدو كريمي أو بيس لأنو مرا ناعم زي الزبدة وسهل في الدمج .

بالنسبة للسعر 6.5 باوند يعني تقريبا 39 ريال 

أهم المميزات :-)

سهل في الدمج . ناعم و ممكن استخدامو كشدو كريمي

العيوب :-(

انو في لمعه خفيفة في تركيبة الميتاليك

 

المناكير

No7 Stay Perfect Nail Color

عدد الدرجات : 41 درجة

الدرجات اللي عندي

Highland Mist

Damson Dream

رأيي فيه انو عااادي مرا مافي شي مميز و في الوان تحتاجي طبقة و الوان تحتاجي طبقتين  , بس اللي شدني فيه التشكيلة الواسعة من الألوان يعني إلا ماتلاقي لون حيعجبك .

بالنسبة للسعر 6 باوند يعني تقريبا 36 ريال 

أهم المميزات :-)

تشكيلة الألوان مرا كبيره ومتنوعه 

العيوب :-(

انو يتقشر بعد يومين تقريبا

 

التوب الكوت

No7 Stay Perfect Nail Top Coat

رأيي فيه انو حلو , يجف بسرعه و يعطي لمعه للظفر .

بالنسبة للسعر 6 باوند يعني تقريبا 36 ريال 

أهم المميزات :-)

يجف بسرعة و يعطي لمعه حلوة للظفر

العيوب :-(

مالقيت عيب .

منتجات نمبر سفن في بووتس

http://www.boots.com/en/No-7/No7-Make-up/

بشكل عاااام الماركة جدا ممتازة وأنصحكم تجربوها , الجودة عالية و مايسبب أي مشاكل للبشرة , بالنسبة ليا المنتجات عاجبتني مرا و بعضها أفكر اشتريها ثاني لأنها ممتازة .

أتمنى إنكم استفدتوا من أول تدوينه ليا ,, احتاج دعمكم و تشجيعكم

ازا أي احد عندو ملاحظات أو اقتراحات بليز قولولي

شكراااااااااااا لكم جميعا اموااااااااه

مرمر 

34 comments Beauty