Urban Decay Ocho Loco 2 24-7 Glide-On Eye Pencil Set Review / ريفيو مجموعة اربان ديكاي اقلام 24-7

Thursday 26 December 2013

كيف حالكم ياحلوات

اليوم البوست حيكون عن واحدة من مجموعات اربان ديكاي اللي نزلت مؤخرا . الصراحة اكتر مجموعة كنت متحمستلها هيا مجموعة الأقلام دي.

المجموعة متكونه من ثمانية اقلام بحجم كامل و خمسة منهم ألوان حصرية للمجوعة ، الأقلام حقت اربان ديكاي بالنسبة ليا هيا أفضل تركيبة جربتها ،كريمية ،سهلة في الاستخدام ،ضد الموية وثباتها عالي جدا.

من زمان وأنا استعمل اللون الأسود وهو المفضل عندي اسمو بريفرجن ، وبالنسبة ليا القلم دا من الأساسيات اللي مااستغني عنها لأنه مرا ثابت و أفحم اسود جربته. و طلع من ضمن الأقلام في المجموعة فحمسني اكتر.

4 comments Beauty

مشتريات و ريفيو بسيط باليتات نارس / mini haul and review nars palettes

Tuesday 17 December 2013

كيف حالكم ياحلوات واحشتوني كتيييير

اليوم البوست حيكون عن مشترياتي البسيطة و كمان ريفيو سريع لأني استخدمت الباليتز ليا فتره.

دايما في أي ماركة مكياج احسن فرصة تجربي منتجاتهم لمن يسوو باليتات او كوليكشنز فيها اكتر من شي، عشان تعرفي اش اللي يناسبك وترتاحي عليه قبل لاتاخدي الفل سايز.

ماركة نارس اشتهرت كتير ببودراتهم سواء الشادوز أو البلاشرات . وكل فتره تنزل كوليكشنز وباليتات فيها اكتر المنتجات مبيعا.

يمكن كمان كيم كانت من اسباب شهرة البلاشرات لانها تحب تستخدم اللون Orgasm في لوكات كتير .وهو لون مشمشي على وردي وعليه شيمر ذهبي.

هنا صورة كيم حاطه منه

قبل فتره نزلوا نارس باليتين جميلين طلبتهم و حاقولكم رايي فيهم ،،،

الباليت الاولى

At First Sight Eye And Cheek Palette

4 comments Beauty

Too Faced Pretty Rebel Eyeshadow Palette Review / ريفيو توفيسد بريتي ريبل باليت

Monday 4 November 2013

كيفكم ياحلوات

او شي مرا اعتذر اتاخرت عن التدوينه، إن شاء الله المواضيع القادمة تعجبكم وتنبسطوا معاها..

اليوم البوست عباره عن ريفيو باليت توفيسد الجديدة نزلت الخريف دا اسمها بريتي ريبيل، الباليت اول ماشفتها ماكنت مرا متحمسة لها بس بعد ماشفت الريفيوز و السواتشات في النت انبهرت .

كيف الباكيجينج بس، مرا جميل صح ؟

اذا كنتي تحبي الالوان اللي تجي زي الوان الاحجار الكريمة وتحبي الشادوز اللماعه واهم شي حابة تغيري عن النيوتشرالز انصحك وبقوه تجربيها.

2 comments Beauty

Hourglass Ambient Lighting Palette Review / ريفيو اور قلاس امبينت لايتينق باودر باليت

Wednesday 23 October 2013

كيفكم ياحلوات

اليوم الريفيو حيكون عن بودرة اور قلاس الاشهر اللي اسمها امبينت لايتنق باودر.

اور قلاس من الماركات الهاي اند الفخمه جدا اللي ماتتلاقى في أي مكان، يعني حتى هنا في بريطانيا تتباع فقط في ببيس ان كي، ليبرتي وسلفردجز.
وطبعا ممكن نجيبها من حبيبنا النت اون لاين.

طيب الباودر دي اش قصتها ؟؟؟

الحلوة اللي انشأت شركة اور قلاس لمن كانت صغيره كانت مامتها ماتحط في بيتها الا لمبات ورديه لانه اللمبات الوردية تعزز شكل البشره وتخليها احلى وانعم. فكانت حاطة في بالها كيف الاضاءه ممكن تغير شكل الوجه والمكياج بشكل كامل سواء تجمله او العكس.

طبعا كلنا عارفين اهميه الاضاءه في المكياج لانه ممكن الشغل يكون بيرفكت ومع الاضاءه السيئة كلو يبان سيء.

البودرة فكرتها انها سيتنق باودر مو اضاءه ، يعني بعد ماتحطي الفاونديشن و الكونسيلر تحطي على وجهك بالكامل و راح تعطي وجهك اضاءه مناسبة، سواء كنتي تحت الاضواء او تحت الشمس او في أي ظرف راح تعطيكي الإضاءة الصح.

1 comment Beauty

إدام صيني بالدجاج / chinese chicken

Monday 21 October 2013

كيفكم ياحلوات

من زمان مانزلت وصفة أكل، فاليوم حتكون التدوينة وصفة لزيزة لإدام صيني بالدجاج.

الوصفة مرا يمي انصحكم تجربوها خصوصا لو تحبوا الاكل الصيني مرا حتعجبكم.

نبدأ بسم الله بالمقادير و الطريقة

المقادير

1 comment cooking recipes

MAC RiRi Woo Lipstick/lip pencil Review / ريفيو روج وقلم الشفايف ريري وو من ماك

Wednesday 16 October 2013

كيفكم ياحلوات

اليوم البوست خفيف وصغنون، حيكون ريفيو عن منتجين من مجموعه ريانا الجديدة للخريف من ماك.

اوكي نبدأ بسم الله

أول شي قبل لااتكلم عن المنتج نفسه ابغا اتكلم عن الباكجينج، اول ماشفته لاشعوريا طلعت كلمة واااو ، زي ماتلاحظوا كلها روز قولد و مكتوب عليها بالبنك، تحسي تفاصيله انيقة. على فكره انا مو معجبه بريانا بس الباكيجنج شدني و تقريبا هوا السبب اللي خلاني اتحمس للمجموعه.

المجموعه نزلت في بريطانيا قبل اسبوعين تقريبا ، الجميلة وفاء من ذا ارتيستك هاند اتواصلت مع ماك وقالوا لها انه حتنزل في السعوديه إن شاء الله على اخر شهر نوفمبر.

المجموعه فيها منتجات ليتمد وفيها منتجات موجودة اصلا بس اعادوا تسويقها.

1 comment Beauty

Beauty Blogger Tag

Thursday 10 October 2013

كيفكم ياحلوات

اليوم البوست عباره عن تاغ البيوتي بلوغلر

الجميلة بيوتي انجل هيا اللي ارسلتلي التاغ ، تقدروا تشوفوا اجوبتها على المدونة تبعها

http://beauty7122.blogspot.co.uk

اوكي نبدأ بسم الله بأسئلة التاغ

سمِ روتين جمالي نادراً تسويه؟

ماسك الشعر ، مااحب احط ماسك في شعري الا في النادر لانه طبيعة شعري دهني فمع الماسك دايما يدهن زيادة.

هل غسل فرش المكياج حاجة دورية بالنسبة لكِ ؟

ضروري جدا جدا ، سبوت كلين كل مااستعملها و دييب كلين كل شهر.

قد ايش تقعدي بطلاء أظافر مشوه؟

1 comment Beauty

August/September Favorites 2013 / مفضلات شهر اغسطس و سبتمبر 2013

Monday 7 October 2013

كيكفم ياحلوات

اليوم البوست عن مفضلاتي لشهراغسطس و سبتمبر لانه شهرين فالمفضلات شويه طويلة ،

يلا نبدأ بسم الله

اول شي حبدأ بمفضلات المكياج و هي الاكتر

elf Studio Baked Blushes Rich Rose

بلاشر من إلف مرا جميل ، اللون واضح و مايفتت يعني مو باودري، يبان طبيعي على البشره ويعطيها لمعه خفيفة و صحيه.

اللون بني على برتقالي بس لمن تحطي على خدودك يبين كورالي برتقالي مايبين بني.

من العيوب فيه الباكيجنج مو عملي و لازم تتطلبيها اون لاين.

صورة سواتش من النت (اول واحد من اليمين)

2 comments Beauty

Soap and Glory addiction final part/ ادمان سوب اند قلوري الجزء الأخير

Wednesday 2 October 2013

كيفكم جميلاتي

قبل شويه نزلت الجزء الثاني وجاني حماس انزل الجزء الاخير لانه قصير وخفيف

الحزءالاول هنا

الجزءالثاني هنا

في الجزء دا حتكلم عن المكياج و الاشياء اللي استخدمتها من عندهم وخلصت من عندي

اوكي نبدا بسم الله

المكياج

دي مجموعه المكياج

زي ماتلاحظوا ماجربت كتير زي منتجات الجسم

Soap & Glory Super-Colour Sexy Mother Pucker Lip Gloss

1 comment Beauty

Soap and Glory addiction part two/ ادمان سوب اند قلوري الجزء الثاني

كيف حالكم ياحلوات

اليوم بكمل معاكم الجزء الثاني من سلسلة ادماني لسوب اند قلوري

الجزء الأول هنا

في الجزء التاني حتكلم عن المنظفات والمقشرات

اوكي نبدأ بسم الله

دي مجموعتي الجميلة

المنظفات

Soap & Glory Peaches and Clean 3-in-1 Wash-off Deep Purifying Cleanser

1 comment Beauty

Soap and Glory addiction part one/ ادمان سوب اند قلوري الجزء الأول

Thursday 26 September 2013

كيفكم ياحلوات

اليوم البوست بالنسبة ليا كان مرا يحمس ، لاني احب احب احب شي اسمه سوب اند قلوري، احبهم من كله سواء من منتجات الحمام والجسم والعناية بالبشرة وموخرا المكياج .

بداية قصة الحب ههههه

سوب اند قلوري من الماركات اللي اكتشفتها من زمان حتى قبل لااقرا عنهم أي ريفيو ولا عرف عنهم شي، مرا كنت اعاني من جفاف يدي ودخلت اتفرج على كريمات اليد في بوتس وجات عيني على الهاند فود ، طبعا يحقلي هههه الباكجينج يجنن و كمان الاسم حسسني انو دا الشي اللي يدي تحتاجه من جد . حطيت من التستر وخرجت وطبعا ولاساعه رجعت اخدته لانو سوا يدي ناعمه مرا وريحتها جنان .

بعد الهاند فود سار عندي ادمان خلاص وبدي اجرب منهم كل شي و الصراحة كل مااجرب شي يحببني فيهم اكتر مافي شي ماعجبني من عندهم للان.

حاتكلم معاكم عن مجموعتي من سوب اند قلوري في منتجات جربتها و في منهم لسا ماجربتهم وفي منهم خلصته وكررته.

لانه مجموعتي كبيره شويه فقسمت البوستات الى ثلاثه اجزاء

2 comments Beauty

تجربتي مع مكياج سلييك / My experience with sleek makeup

Thursday 19 September 2013

كيفكم ياجميلات

اليوم بأشارككم الكوليكشن تبعي اللي من سليك و اقولكم رأيي وتجربتي معاهم، كتير بنات طلبو مني البوست دا لانو يبغو يطلبو بس محتارين، إن شاء الله البوست يفيدكم و يساعدكم .

طبعا اللي مو عارف سليك هيا ماركة بريطانية موجودة في محلات سوبر درق في بريطانيا، و كتير تاجرات ساروا

يوفروها لانو الطلب عليها كثير .

انا عن نفسي جربت بلاشرز و شادوز و كيت الحواجب والكونتور

(ترا انا بلشر كوين اعشق شي اسمو بلاشر يعني لو قالولي اختاري مستحضر مكياج واحد في الحياة حاختارالبلشر اكيد)

طيب حبدأ بالبلشرز

بس ابغا اوضح نقطة مهمة

انا بشرتي لونها ميديم يعني بيج غامق شويه

هوا الألوان تناسب كل الوان البشره لانها مرا واضحة ومركزة بس لو تحبي تاخدي شي بالضبط يناسب لونك افضل انو

لو كنتي بيضا مرا اختاري المشمشي

بشرتك ميديم اختاري البرتقالي او الوردي الروزي

بشرتك غامقة اختاري الاحمر او الارجواني

طيب نشوف البشلرز عن الفلسفة الزايدة ههههه

6 comments Beauty

laura mercier almond coconut milk souffle body creme review / ريفيو سوفليه الجسم من لورا مرسييه باللوز وحليب جوز الهند

Friday 13 September 2013

كيف حالكم ياحلوات

اليوم حسوي لكم ريفيو عن البودي سوفليه من لورا مرسييه ،، اوكي نبدا بسم الله

السوفليه من لورا مرسييه انتشر موخرا في عالم اليوتيوب والتدوين ، فمرا اتحمست اجربه خصوصا اني لو تعرفوني احب شي اسمه زبدة جسم وترطيب لانو بشرة جسمي جافة ،ومع الجو البارد بتسير جافه اكتر .

1 comment Beauty

My DFMA experience final part \ تجربتي مع أكاديمية التجميل دي اف ام اي الجزء الأخير

Tuesday 10 September 2013

كيف حالكم عسولات

اول شي اعتذر عن التاخير في تنزيل المدونة لاني الاسبوعين اللي فاتو كنت شويه مشغولة . وإن شاء الله اعوضكم بتدوينات اكتر و أحلى .

اوووكي نبدأ بسم الله

اخر يوم الاكاديمية يجيبوا لنا العارضات و نشتغل عليهم و بعد كدا جلسة تصوير مع المصور . وفي الأخير يسير

توزيع الشهادات.

قبلها بكم يوم اعطونا ارقام تلفونات العارضات عشان نتواصل معاهم ونتعرف عليهم،العارضة حقتي مره طيبه وهادئة اسمها لورا.

ححط لكم معلومات المصور

Roger Charles

Photographer

Roger Charles photography

http://rogercharlesphotography.co.uk

https://twitter.com/rogercphoto

https://www.facebook.com/rogercphoto

المصور ماشاء الله مرا متمرس وفاهم شغله . طبعا أعطانا كم تريك مفيدين جدا اثناء التصوير .

انصحكم تشوفوا الصور في موقعوا جدا جميلة .

كلكم اكيد مستيتن الصور النهائية للعارضة حقتي ومتحمسن تشوفوا اللوك اللي سويته لها .

لمن جيت اختار اللوك اللي ابغا اسويه افتكرت كلام المدرب الفرنسي لمن قالنا حاولوا تختاروا شي يعكس طبيعتكم وبيئتكم، طبعا اول شي جا في بالي المكياج العربي، الايلانير العريض الرموش الطويلة والمجوهرات الذهبية .

8 comments lifestyle

My DFMA experience part 2 \ تجربتي مع أكاديمية التجميل دي اف ام اي الجزء الثاني

Tuesday 27 August 2013

كيف حالكم ياحلوات

اليوم حتكلم عن الجزء الثاني من تجربتي في اكاديمية دي اف ام أي , و زي ماوعدتكم في البوست السابق حاتكلم عن مكياج ايام الثلاثينات و مكياج العروس .

اوكي نبدأ بسم الله

الموضوع الأول

مكياج الثلاثينات

اعطتنا هوا الخبيره

Lyndsey Harrison

دي الخبيره لزوزه ونعومه تتاكد في كل خطوة اذا فهمنا ولا لا . يعني معانا ستيب باي ستيب .

بيانات الخبراء تلاقوه في اليوست السابق

مكياج الثلاثينات كان اهم شي فيه الحواجب الرفيعه مرا و الشفايف حمرا وغامقة ومرسومه مزبوط والرموش كثيفة و طويلة . طبعا مافي احد يستخدم المكياج دا دحين الا في عروض الأزياء و الفوتوشوت .

اول تقنية استعملناها هي اخفاء الحواجب و استخدمنا الغرا , الغرا ابو اصباع اللي كنا نستعملوا في المدرسة . اول شي تسوي كل خطوات الفلولس فيس و دي اتكلمت عنها في البوست السابق , بس توصلي لمرحلة الكونسيلر وقفي . تجيبي الغرا و تبدأي تمشي على حواجبك الين تسير حواجبك مسطحة فلات تماما وانتبي لاتكتري يروح الغرا يتكتل , بعد مااتأكدتي انو الحواجب سارت فلات جيبي الكونسيلر وغطي الحواجب تماما بالكونسيلر , بعد كدا ارسمي حواجب تانية بلون غامق زي قلم كوفي من ماك بس ارسميه فوق الحواجب الأصليه عشان تسير المسافة بين حواجبك وعينك واسعه .

ودا فيديو يوضح اكتر :