اهلين بالحلوات
Showing posts with label lifestyle. Show all posts
Showing posts with label lifestyle. Show all posts
مشتريات البلاك فرايداي و السايبر مانداي لسنة 2017 / Black Friday & Cyber Monday Haul 2017
Friday, 9 February 2018
2018 Planners .. ban do OR Kate Spade ? / مقارنة اجندة كيت سبيد وبان دو لسنة ٢٠١٨
Sunday, 31 December 2017
Healthy Banana Bread Recipe / وصفة كيكة الموز الصحية
Sunday, 26 November 2017
جانب مختلف من حياتي .. تعاون مميز .. 8-8-2017 / The Other Side Of Me Special Collaboration
Tuesday, 8 August 2017
مشترياتي من موقع فانيلا و رأيي فيها / Vanilla haul & First impression
Thursday, 27 July 2017
ايش في شنطة العيد ؟ \ What's In My Eid Bag ?
Saturday, 24 June 2017
2017 planners \ أجندات عام 2017
Tuesday, 27 December 2016
كيفكم ياحلوات
فيديو اليوم حيكون عن اختياراتي لأجندات عام
2017
الله يجعلها سنة خير و بركة وسعادة ويحققلنا
فيها كل اللي نتمناه واكتر .
مشاهدة ممتعة ...
شكراااااا لدعمكم المتواصل و نشوفكم على خير
الفيديو القادم.
Happy Birthday + New Look
Friday, 30 May 2014
كيف
حالكم ياحلوات
أول شي
واحشتوووووني ، اعتذر على الانقطاع الفترة الماضية عن مدونتي كانت عندي ظروف خاصة
سامحوني .. بس إن شاء الله محا اسيبكم مدة طويلة تاني .
اليوم حبيت
أشارككم فرحتي باكتمال سنة على المدونة ،لأنه لولا الله ثم دعمكم و تشجيعكم ماكنت استمريت،
فشكرا لكم ياأحلى متابعات .
وأحب
اشكر و من كل قلبي زوجي لوقوفه معايا و تشجيعي في كل خطوة في مدونتي ، وأهلي
لدعمهم المتواصل ليا اني استمر واكمل . أحبكم ، الله يخليكم ليا يارب.
بهذه المناسبة
السعيدة أتغير كم شي في المدونة و إن شاء الله أشياء تحمس و تفرح
أول شي
زي ماتلاحظوا سار عندي لوغو رسمي يمثلني بكل تفاصيله وألوانه
.png)
ايش
رأيكم مرا تعبر عني .. صح ؟؟
تاني شي
الديزاين حق صفحة المدونة أتغير بالكامل ، وأحب اشكر (هيا) لأني تعبتها من جد الين
نوصل للنتيجة الحلوة اللي شايفينها، (هيا) من ازوق واطيب البلوغرز اللي اتشرفت بمعرفتها ، هنـــا
مدونتها لاتفوتكم.
مرا
تانية احبكم ....
نشوفكم
على خير في التدوينة القادمة
My DFMA experience final part \ تجربتي مع أكاديمية التجميل دي اف ام اي الجزء الأخير
Tuesday, 10 September 2013
كيف حالكم عسولات
اول شي اعتذر عن التاخير في تنزيل المدونة
لاني الاسبوعين اللي فاتو كنت شويه مشغولة . وإن شاء الله اعوضكم بتدوينات اكتر و
أحلى .
اوووكي نبدأ بسم الله
اخر يوم الاكاديمية يجيبوا لنا العارضات و نشتغل عليهم و بعد كدا جلسة تصوير مع المصور . وفي الأخير يسير
توزيع الشهادات.
قبلها بكم يوم اعطونا ارقام تلفونات العارضات عشان نتواصل معاهم ونتعرف
عليهم،العارضة حقتي مره طيبه وهادئة اسمها لورا.
ححط لكم معلومات المصور
Roger Charles
Photographer
Roger Charles photography
المصور ماشاء الله مرا متمرس وفاهم شغله . طبعا أعطانا كم
تريك مفيدين جدا اثناء التصوير .
انصحكم تشوفوا الصور في موقعوا جدا جميلة .
كلكم اكيد مستيتن الصور النهائية للعارضة
حقتي ومتحمسن تشوفوا اللوك اللي سويته لها .
لمن جيت اختار اللوك اللي ابغا اسويه
افتكرت كلام المدرب الفرنسي لمن قالنا حاولوا تختاروا شي يعكس طبيعتكم وبيئتكم، طبعا اول شي جا في بالي المكياج العربي، الايلانير العريض الرموش الطويلة والمجوهرات
الذهبية .
My DFMA experience part 2 \ تجربتي مع أكاديمية التجميل دي اف ام اي الجزء الثاني
Tuesday, 27 August 2013
كيف حالكم ياحلوات
اليوم حتكلم عن الجزء الثاني من تجربتي في
اكاديمية دي اف ام أي , و زي ماوعدتكم في
البوست السابق حاتكلم عن مكياج ايام الثلاثينات و مكياج العروس .
اوكي نبدأ بسم الله
الموضوع الأول
مكياج الثلاثينات
اعطتنا هوا الخبيره
اعطتنا هوا الخبيره
Lyndsey Harrison
دي الخبيره لزوزه ونعومه تتاكد في كل خطوة
اذا فهمنا ولا لا . يعني معانا ستيب باي ستيب .
بيانات الخبراء تلاقوه في اليوست السابق
مكياج الثلاثينات كان اهم شي فيه الحواجب
الرفيعه مرا و الشفايف حمرا وغامقة ومرسومه مزبوط والرموش كثيفة و طويلة . طبعا مافي احد يستخدم المكياج دا
دحين الا في عروض الأزياء و الفوتوشوت .
اول تقنية استعملناها هي اخفاء الحواجب و
استخدمنا الغرا , الغرا ابو اصباع اللي كنا نستعملوا في المدرسة . اول شي تسوي كل
خطوات الفلولس فيس و دي اتكلمت عنها في البوست السابق , بس توصلي لمرحلة الكونسيلر
وقفي . تجيبي الغرا و تبدأي تمشي على حواجبك الين تسير حواجبك مسطحة فلات تماما
وانتبي لاتكتري يروح الغرا يتكتل , بعد مااتأكدتي انو الحواجب سارت فلات جيبي
الكونسيلر وغطي الحواجب تماما بالكونسيلر , بعد كدا ارسمي حواجب تانية بلون غامق
زي قلم كوفي من ماك بس ارسميه فوق الحواجب الأصليه عشان تسير المسافة بين حواجبك
وعينك واسعه .
ودا فيديو يوضح اكتر :
http://www.youtube.com/watch?v=L-DgezT3-Uk
My DFMA experience \ تجربتي مع أكاديمية التجميل دي اف ام اي
Wednesday, 21 August 2013
كيف حالكم ياحلوات واحشتوني
.. كنت قلتلكم في البوست السابق هنا اني سجلت في اكاديمية متخصصة
للمكياج في
بريطانيا .
الهدف من الكورس هو التدريب و التأهيل
للعمل
كاستشارية مكياج و خبيرة تجميل
و
الحصول على شهادة معتمدة من هذه الأكاديمية
والتي
تحصل على هذه الشهادة بإمكانها التدريب في أي أكاديمية تجميل
و أيضا
تقديم بروبوزال لستايل المكياج الذي سيستخدم
في حفلات
عروض الأزياء أو التصوير الاحترافي
وأكيد أن
تقييمها لمنتجات المكياج سيكون بمصداقية احترافية يضمنها المعهد
والأهم
هو اسداء النصائح و التعليمات للمهتمين في مجال المكياج
سبحان الله بعد تجربتي خلال
الكورس معاهم شعرت بأهمية وفائدة التعلم من الخبراء مباشره.
و شعرت بالفرحة والفخر لاني
اتاكدت اني انتمي لعالم المكياج , وعرفت كيف يبدع الإنسان لمن يحب ويعشق عمله.
في اول يوم زرتهم اتفاجات من المستوى الراقي سواء في المعاملة اللطيفة من
الادارة و المدرسين , او في تجهيز المكان بالأدوات والمستحضرات اللازمه.
رحت بدري وصورت المكان
Big Announcement / إعلان مهم
Saturday, 10 August 2013
كيفكم ياحلوات
اليوم
عندي إعلان لكم
الحمد
لله سجلت في أكاديمية التجميل البريطانية
DFMA
