The essential steps for a Flawless foundation look الخطوات الأساسية للحصول على فاونديشن حريري وناعم

كيف حالكم ياحلوات 

اكيد كلنا نحب انو وجهنا يكون ناعم وصافي , اليوم في البوست حابه أتكلم عن الخطوات الأساسية للحصول على الفاونديشن 

المثالي 

دي صورة العارضة

Constance Jablonski

مرا تعجبني بشرتها وهي الوجه حقت اعلانات استي لودر 

طيب نبدا بسم الله 

الخطوة الأولى

التقشير

مرا ضروري التقشير للوجه أياً كان نوع البشرة , تقدري تختاري نوع المقشر على راحتك سواء كانت جزيئات المقشر خشنه أو 

ناعمة وحتى ممكن تسوي المقشر بنفسك في مطبخك .

التقشير يكون حسب حاجة البشرة ممكن مرتين في الأسبوع أو مرة واحدة .

وقت ماتحطي المقشر سواء على وجهك أو جسمك يفضل تعملي زى المساج بطريقة دائرية .

التقشير راح يساعد كثير الناس اللي يعانوا من ظهور قشور أثناء وضع الفاونديشن . وعلى فكرة

 من مقشرات الوجه الحلوة اللي استعملها

Elizabeth Arden Visible Difference Skin Balancing Exfoliating Cleanser

الخطوة الثانية

الترطيب

مهم جداااااا الترطيب لكل انواع البشرة حتى الدهنية منها . أنا بشرتي مختلطة إلى جافة , و دايما أغير كريماتي عشان مرا أحب 

أجرب أشياء جديدة .

الكريمات اللي استخدمها حاليا

La Roche-Posay anti-dessechement

دا الكريم وصفلي هوا الدكتور وقت ماكانت بشرتي سوبر جافة وفعلا مرا ممتاز , أصلا دايما الصيدلية الفرنسية طبية و موثوقة , كنت أول استخدمو مرتين يوميا دحين بمااننا خلصنا من الشتاء و ارتاحت بشرتي كثير سرت استخدمو مرة واحدة في الليل قبل النوم .

الكريم الثاني 

Elizabeth Arden Visible Difference Refining Moisture Cream

 

دا الكريم مرطب من اليزابيث اردن اتعب وأقول ممتاااز يترك بشرتك ناعمة و مخملية و أسمو ينطبق عليه لأنك حتلاحظي الفرق بشكل سريع , عيبو الوحيد ريحته زي الدوا ( رجعنا لمشكلة الروائح عندي ههههه ) .

الخطوة الثالثة

البرايمر

غالبا يستخدم للبشرة الدهنية عشان يقفل المسامات في الوجه و كمان عشان يثبت الفاونديشن أكثر , صاحبات البشرة الجافة 

مايحتاجو لأنو مساماتهم أصلا مهي واسعة و الفاونديشن حيثبت في الوجه في كل الأحوال .

أنا حاليا مااستعمل برايمر بس استعملت قبل كدا نوعين

Clarins Instant Smooth Perfecting Touch 

  

17 Photo Flawless Primer

حبيت كلارنس اكتر كجودة .

 والبرايمر يتوزع بالإصباع أو بالفرشاة

الخطوة الرابعة

اختيار الفاونديشن الصحيح

طبعا اختيار الفاونديشن يكون حسب أشياء كثير

نوع البشرة

اللون

التغطية

أنتي تشوفي أش تحتاجي وتختاريه و ممكن يساعدوكي الخبيرات اللي في محلات التجميل.

مهم انك تشوفي الفاونديشن كيف مع الوقت هل يندمج مع لونك و لا يغمق ( لانوا احيانا يتغير مع الوقت )  ؟

كمان لاتعتمدي انك تجربي الفاونديشن على يدك لأنو اليد مختلف عن الوجه . حاولي قدر الإمكان تجربيه على وجههك قبل لاتشتري اللون الغلط و تتورطي .

فاونديشني اللي احبو من قلب

Make Up For Ever HD Invisible Cover Foundation

مهم اختيار الأداة المناسبة لتوزيع الفاونديشن

فرشاه الفاونديشن في منها انواع كثير أتوقع تحتاج بوست لحالها

بالنسبة ليا أحب استخدم

Buffing Brush from : real Techniques Core Collection Set

الفرشاة اللي في اليسار من الصورة 

أحبها لأنها تعطيكي تغطيه كانوا اير برش , جدا طبيعي وحلو.

طبعا ممكن توزعي الفاونديشن بالاصباع أو الاسفنجة .

الخطوة الخامسة

الكونسيلر

أهم شي لمن تحطي الكونسيلر انو حطيه قبل أي باودر , و حطي كونسيلر يناسب نوع بشرتك .

لون الكونسيلر :

لإخفاء العيوب : نفس لونك

للاضاءه تحت العين أو على عظمة الخد : ممكن استخدام لون افتح بدرجة أو درجتين ( على حسب ماتحبي ممكن تستعملي نفس لون بشرتك لتحت العين )

أنا استعمل

Make Up For Ever 5 Camouflage Cream Palette - No. 3

يعجبني فيه انو تركيبيو حلوة و في كل الألوان اللي تحتاجيها سواء لإخفاء العيوب أو الاضاءه

طبعا ممكن تستخدمي إصبعك أو فرشاه للكونسير .

الخطوة السادسة

اختيار الباودر

هنا زي الفاونديشن تختاري على حسب حاجتك سواء من ناحية اللون (-و ممكن كمان بدون لون

 و قوة التغطية .

نستخدم فرشاه الباودر الكبيرة للوجه عشان نوزع الباودر .

وأنا أحب استخدم فرشاه اصغر لتوزيع الباودر تحت العين و تثبيت الكونسيلر عشان لايتحرك مع الوقت .

الباودر اللي استخدمها دحين ومرتاحة عليها

Clarins Everlasting Compact Foundation SPF 15

فرشاة الباودر اللي استخدمها

real Techniques Powder Brush

الفرشاة اللي في اليمين من الصورة 

اتمنى يكون البوست عجبكم واستفدتوا منو

شكرااا لكم جميعا 

امواااااااااااااه

الروابط للمنتجات في امازون

http://www.amazon.com/Elizabeth-Arden-Difference-Exfoliating-Combination/dp/B009OM7634/ref=sr_1_1?s=beauty&ie=UTF8&qid=1368532013&sr=1-1&keywords=Elizabeth+Arden+Visible+Difference+Skin+Balancing+Exfoliating+Cleanser

http://www.amazon.com/La-Roche-Posay-Lipikar-Lipid-Replenishing-13-5-Ounce/dp/B000IOAA3K/ref=sr_1_1?s=beauty&ie=UTF8&qid=1368620858&sr=1-1&keywords=La+Roche-Posay+anti-dessechement

http://www.amazon.com/ELIZABETH-ARDEN-Elizabeth-Arden-DIFFERENCE/dp/B0007NO6W8/ref=sr_1_6?s=beauty&ie=UTF8&qid=1368620982&sr=1-6&keywords=Elizabeth+Arden+Visible+Difference+Refining+Moisture+Cream

http://www.amazon.com/Clarins-Instant-Smooth-Perfecting-0-5-Ounce/dp/B002AMUFM4/ref=sr_1_1?s=beauty&ie=UTF8&qid=1368621040&sr=1-1&keywords=Instant+Smooth+Perfecting+Touch

http://www.boots.com/en/SEVENTEEN-Photo-Flawless-Primer_1155344/

http://www.amazon.com/MAKE-Invisible-Cover-Foundation-Ivory/dp/B001D0CWQG/ref=sr_1_1?s=beauty&ie=UTF8&qid=1368621145&sr=1-1&keywords=Make+Up+For+Ever+HD+Invisible+Cover+Foundation

http://www.amazon.com/Make-Up-For-Ever-Camouflage/dp/B000BIGOVK/ref=sr_1_2?

s=beauty&ie=UTF8&qid=1368621187&sr=1-2&keywords=Make+Up+For+Ever+5+Camouflage+Cream+Palette+-+No.+3

http://www.amazon.com/Clarins-Honey-Everlasting-Compact-Foundation/dp/B005VV5YM2/ref=sr_1_1?s=beauty&ie=UTF8&qid=1368621229&sr=1-1&keywords=Clarins+Everlasting+Compact+Foundation+SPF+15

http://www.amazon.com/real-Techniques-Core-Collection-Set/dp/B004TSFBNK/ref=sr_1_1?s=beauty&ie=UTF8&qid=1368621257&sr=1-1&keywords=real+techniques+brushes

http://www.amazon.com/Real-Techniques-RLT-1401-Powder-Brush/dp/B004TSF8R4/ref=sr_1_6?s=beauty&ie=UTF8&qid=1368621257&sr=1-6&keywords=real+techniques+brushes

9 comments Beauty