Rimmel Provocalips Lip Colour review / ريفيو ارواج ريميل الثابتة بروفوكاليبز

كيف حالكم ياحلوات

اليوم حتكلم عن الارواج الجديدة من ريميل

Rimmel Provocalips Lip Colour

كتيييير اتكلموا عنها وانقسموا الناس اللي حبوها مرا و اللي كرهوها مرا ، هي فكرتها انها ثابته جدا ماتروح مع الاكل او المويه وتقعد لمدة 16 ساعه .

مقسومه لخطوتين :

الخطوة الاولى هي اللون تحطيه و تستني دقيقة بعدين تحطي الخطوه الثانيه ، الخطوه الاولى ماينفع تنحط لحالها لانه مرا يلصق الشفايف كانها غراء.

بعد ماانتظرنا دقيقة نحط الخطوة الثانية و دي وظيفتها انها تحافظ على اللون و تشيل الاحساس اللي زي اللصق و كمان تعطي لمعه خفيفة . تركيبته نوعا ما تشبه الفازلين .

الالوان اللي اخدتها

I'll call you

لون وردي

سواتش من النت

http://www.labmuffin.com/2015/01/rimmel-provocalips-16hr-kissproof-lip-review/

make your move

لونه بني على وردي (لحمي)

سواتش من النت

http://www.labmuffin.com/2015/01/rimmel-provocalips-16hr-kissproof-lip-review/

هنا سواتش لكل الالوان

https://triedandtestedblog.wordpress.com/2014/12/17/rimmel-london-provocalips-16-hour-kiss-proof-lip-colours-review/

تجربتي :::

حبيته حبيته حبيته ، اللون من جد يطول معايا حتى بعد الاكل و الشرب ، الناس اللي ماعجبهم اشتكوا انه يلصق ، هو يلصق لو انحطت الطبقة الاولى لحالها ضروري تحطي الطبقة التانية بعدها .

انصح فيها للي يدوروا ارواج ثابته و بسعر حلو .

اتمنى تكون التدوينه عجبتكم واستفدتوا منها

نشوفكم على خير في التدوينه القادمة

7 comments Beauty