Too Faced Pretty Rebel Eyeshadow Palette Review / ريفيو توفيسد بريتي ريبل باليت

كيفكم ياحلوات 

او شي مرا اعتذر اتاخرت عن التدوينه، إن شاء الله المواضيع القادمة تعجبكم وتنبسطوا معاها..

اليوم البوست عباره عن ريفيو باليت توفيسد الجديدة نزلت الخريف دا اسمها بريتي ريبيل، الباليت اول ماشفتها ماكنت مرا متحمسة لها بس بعد ماشفت الريفيوز و السواتشات في النت انبهرت .

كيف الباكيجينج بس، مرا جميل صح ؟

اذا كنتي تحبي الالوان اللي تجي زي الوان الاحجار الكريمة وتحبي الشادوز اللماعه واهم شي حابة تغيري عن النيوتشرالز انصحك وبقوه تجربيها.

 

الياليت فيها 10 شادوهات وكلهم فل سايز والبقنمتيشن قوي جدا ، الملمس ناعم كانه زبدة يعني باختصار جودة شادوهات توفيسد الممتازة اللي اتعودنا عليها.

وعلى فكره كمان من النوع اللونغ لاستنق اللي تقعد في العين فتره طويلة بدون مايتغير شكلها.

طيب نشوف الالوان

السواتشات من النت

السطر الأول

من اليسار

Dainty 

لون بيج على بمبي، مطفي.

Charming 

لون بني غامق، مطفي.

Girly 

نحاسي بني على أخضر، ميتاليك.

دا اللون مرا غريب هوا اللي خلاني اتحمس للباليت كلها

Totally Fetch

فوشي بارد، فروستي .

Miss Sparkles

لون اسود مع قلتر فضي، قلتري .

السطر التاني

من اليسار

Ringleader 

مشمشي فاتح، فروستي .

Gangsta 

بني على برونزي نحاسي، فروستي .

Instigator 

اصفر ذهبي، ميتاليك .

Badass 

ازرق على شوية بنفسجي، ميتاليك.

Jailbird 

فضي، ميتاليك.

 بشكل عام اعطيها 10 من 10 لانه الجودة ممتازة مرا واللون يبين مع مسحة واحدة.

الباليت تلاقوها في محلات سيفورا سعرها 240 ريال.

اتمنى تكونوا استفدتوا وعجبكم الريفيو

و اذا عندكم اي سؤال انا موجوه في

تويتر  @murmur_blog

انستقرام murmur_blog

ايميل m.samarkandi@gmail.com

احبكم

مرمر

2 comments Beauty