مشتريات و ريفيو بسيط باليتات نارس / mini haul and review nars palettes

كيف حالكم ياحلوات واحشتوني كتيييير

اليوم البوست حيكون عن مشترياتي البسيطة و كمان ريفيو سريع لأني استخدمت الباليتز ليا فتره.

دايما في أي ماركة مكياج احسن فرصة تجربي منتجاتهم لمن يسوو باليتات او كوليكشنز فيها اكتر من شي، عشان تعرفي اش اللي يناسبك وترتاحي عليه قبل لاتاخدي الفل سايز.

 ماركة نارس اشتهرت كتير ببودراتهم سواء الشادوز أو البلاشرات . وكل فتره تنزل كوليكشنز وباليتات فيها اكتر المنتجات مبيعا.

يمكن كمان كيم كانت من اسباب شهرة البلاشرات لانها تحب تستخدم اللون Orgasm في لوكات كتير .وهو لون مشمشي على وردي وعليه شيمر ذهبي.

هنا صورة كيم حاطه منه 

قبل فتره نزلوا نارس باليتين جميلين طلبتهم و حاقولكم رايي فيهم ،،،

الباليت الاولى

At First Sight Eye And Cheek Palette

الباليت فيها اربعة شادوز وكلها من الالوان الدافية اللي نستخدمها بشكل شبه يومي ،الألوان :

السطر الأول :

All about eve   لون نود طبيعي بشوية شيمر.

Nouveau monde فضي على موف فاتح ميتاليك.

السطر التاني :

Bellissima  بني على رصاصي مطفي.

Cordura  بني غامق شيمري.

اكتر شي عجبني في الالوان انها نيوتشرالز فحتستخدم كتير وفي اكتر من لوك ، الجودة مرا ممتازة ، سهلة في الدمج ، ثابتة على الجفن و الالوان واضحة وصريحة.

سواتشات من النت :

http://www.theblackpearlblog.com/2013/11/nars-at-first-sight-palette-review-and-swatches.html

وفي الباليت من اليمين في البرونزر المشهور حقهم laguna ، البلوغرز واليوتيوبرز مرا يمدحوا في البرونزر دا يعني سمعت مدح كتير و كان لاقونا هو السبب اني اخدت الباليت عشان اجربه بالحجم الصغير قبل لااخد الكبير ، والحمد لله اني اخدته لانه للاسف اللون ماناسبني ابدا يعني اللون مو باين و اذا ثقلته وبان يبان على برتقالي، هو نفس البودرة ممتازة كجودة بس اللون ماناسب درجه لوني فممكن يناسب درجات تانيه اكتر.

اللون برونزي وفي شيمر ذهبي خفيف مرا يعني مايبين، حتى كتير يستخدموه في الكونتور لانه الشيمر مو باين .

من اليسار تاني اشهر بلاشر عندهم deep throat ، بلاشر جميل ورايق وثباته عالي ، لونه مشمشي على روزي مرا طبيعي ويبان حلو على جميع الوان البشرة.

سواتشات من النت :

http://www.theblackpearlblog.com/2013/11/nars-at-first-sight-palette-review-and-swatches.html

الباليت التانية

killing me softly palette

الباليت فيها تلاته بلاشرات و واحد هايلايتر الوانها خريفية ناعمه ، الالوان :

السطر الأول من اليسار Gilda   لون مرجاني محمر .

السطر الأول من اليمين Albatross   اضاءة لونها سكري .

السطر التاني من اليسار Outlaw   لون روزي مع شيمر ذهبي .

السطر التاني من اليمين Orgasm   لون مشمشي على وردي وعليه شيمر ذهبي .

البلاشرز جودتهم عالية مرا وثباتهم حلو ، انا اخدته عشان اجرب Orgasm    اللي تستخدمه كيم ، كل الالوان جميلة وممكن تدمجيهم ويطلع لك شي حلو كمان ، والصراحة الباليت دي حمستني اجيب بلاشرات نارس كلها فل سايز لانها تستاهل.

سواتشات من النت :

http://www.makeupandbeautyblog.com/daily-beauty-cat/nars-killing-me-softly-palette/

شركة نارس للاسف غير متوفر هنا ، ممكن تطلبوها اون لاين او من خلال التاجرات.

اتمنى تكونوا استفدتوا وعجبكم الريفيو

و اذا عندكم اي سؤال انا موجوه في

تويتر  @murmur_blog

انستقرام murmur_blog

ايميل m.samarkandi@gmail.com

احبكم

مرمر

4 comments Beauty