ريفيو عطر لون الثلج تنت دي ناج / Teint De Neige Perfume Review

كيف حالكم ياحلوات

من زماااااان ماكتبت تدوينه مرا اعتمدت مؤخرا على فيدوهات اليوتيوب .. واحشني التدوين فقلت خليني انزل تدوينه خفيفه عن ريفيو لعطر اخد صيت وانتشار بشكل جدا واسع مؤخرا.

عطر لون الثلج تنت دي ناج من دارعطور لورينزو فيلوريسي .. العطر مناسب للنساء و الرجال عن نفسي احسه مايل للنسائي اكتر ، مستوحى من فتره بيل ايبوك الفرنسيه اللي اشتهرت و ازدهرت فيها صناعه البودره المعطره و أصبحت شعار السهرات الفاخره في العاصمة باريس.

ريحته تميل اكتر شي للبودره و فواح جدا جدا يعني بخه واحده منه تكفي و  اذا مرررا تبغيه يفوح بزياده بختين ، الثبات فضيع، جدا قوي و زي ماانتوا شايفين حتى التعليب بسيط و انيق.

ليش اسمه لون الثلج ؟

لانه ببساطه يشبه ريحة الباودر اللي لمن نحطها على الوجه يسير ابيض زي بياض الثلج !! مرا معلومه غريبه صح ؟

طيب نجي للنوتات العطريه عشان تتخيلوا معايا الريحه :

الطبقة الاولى: ياسمين، روز، يلانق يلانق، نوتات بودرية

الطبقة الثانية: فول التونكا، ياسمين

القاعدة: هليوتروب، ياسمين، نوتات بودرية، روز

زي ماانتوا شايفين الباودر اتكررت اكتر من مرا .. لو بدي اختصر العطر دا في تلاته كلمات حقول : نظافه، باودر، ثبات.

تلاقوه في محلات لودريه و ممكن تتطلبوه اون لاين من موقع فانيلا ، موفع فانيلا كمان يعطيكم خاصيه الدفع عند الاستلام الخاصيه دي جداا مريحه.


سعر العطر ٥٥٠ ريال.

صح و ممكن كمان توفروا لو استخدمتوا كود الخصم الخاص بيا راح احطه لكم اخر البوست مع رابط العطر.

رابط العطر  (راح احط رابط عطورات لودوريه في موقع فانيلا) :

https://vanilla.sa/%D8%AA%D8%AC%D9%85%D9%8A%D9%84/%D8%B9%D8%B7%D9%88%D8%B1-%D9%84%D9%88%D8%AF%D9%88%D8%B1%D9%8A%D9%87

كود الخصم :

ان شاء الله يكون البوست عجبكم و استفدتوا منه و نشوفكم على خير في التدوينة القادمة.

2 comments Beauty, Perfumes