bareMinerals Spark A Trend White Hot Palette review \ ريفيو بير مينرال سبرك اتريند وايت هوت باليت

كيف حالكم جميلات

اليوم حعمل ريفيو عن باليت جميييل من بيرمينرال , الباليت دا طلعوه في أيام الكريسمس بس مازال موجود للان , ححط لكم الرابط

على أخر البوست إن شاء الله . وبالنسبة للمحلات اللي تلاقوه عندها ماركة بير مينرال حتلاقوه في سيفورا رد سي مول أو هيفاء مول .

أنا من أول نفسي أجرب منتجات الشركة دي وشفت الباليته دي فيها اكتر من شي فقلت حلو انو نجرب اكتر من منتج مرا واحدة .

bareMinerals Spark A Trend White Hot Palette

الباليت تحتوي على

4 أي شادوز

bareMinerals READY Eyeshadow Shade in Chill

اللون ابيض على فضي لماع

 bareMinerals READY Eyeshadow in Sparkler

اللون ذهبي لماع

                                     bareMinerals READY Eyeshadow in Shiver

اللون موف أو بنفسجي فاتح لماع

                                     bareMinerals READY Eyeshadow in Blackout

اللون اسود مطفي 

الألوان بشكل عام واضحة وتبين معاكي , سهلة في الدمج و تنحب حتى مرا حمستني أجرب ألوان ثانية من نفس الريدي لاين , العيب في الألوان اللي حطوها في الباليت انو تلاته منهم ألوان فاتحة , كنت أتمنى على الأقل لونين غوامق . بشكل عام الكواليتي مية ميه , وكمان على فكرة بير مينرال كل منتجاتها معدنية ولطيفة على البشرة حتى فيها عناصر مقاومة الشيخوخة يعني اكسترا بونس .

البرونزر

bareMinerals READY Bronzer in The Skinny Dip

اللون تان فاتح بلمعه خفيفة

بما انو بشرتي متوسطة , اللون حق البرونزر مابين عليا مزبوط إلا لمن أعيد عليه كم مرا . أتوقع يبغالي الدرجة اللي بعد دي الدرجة , الكواليتي ممتازة جدا .

البلاشر

bareMinerals READY Blush in The Sure Thing

اللون وردي فاتح بلمعة خفيفة

لون خفيف و انوثي يعني يعطي منظر طبيعي وحلو , بس برضو لو فكرت اخد وردي من نفس الماركة حاخد شي اغمق بدرجة أو درجتين , الكواليتي نفس البرونزر رائع . 

سواتشات للشادوز و البرونزر و البلاشر 

القلوسات

Double-Ended Natural Lipgloss in Pink Sorbet (pink ice)/Creamsicle (iridescent petal) 

هوا قلم واحد بس كل نهاية منو بلون

اللون الأول وردي عادي والثاني بيبي بينك فاتح وفيه قلتر

الألوان حلوة و طبيعية و مرطبة للشفايف , حلو بس مااتوقع حاخد منها بعدين يعني ماابهرتني زي الشادوهات و البرونزر و البلاشر . إذا فكرت حجرب إن شاء الله لاين ثاني من عندهم و هوا بوكسمس الشهير مرا . 

سواتشات للقلوسات

فرشاه دبل اند ( نهاية للخد و نهاية للشادو )

زي أكثر فرش الباليتز لاتستخدم لانه مو زي الفرش الكبيرة اللي مرتاحين ومتعودين عليها . دي الفرشاه مرا صغيرة وكتكوته حتساعد مرا وقت السفر . 

ويطلع مع المجموعة كتيب إرشادات و شنطة صغيرة .

أتمنى إنكم استفدتوا ياحلوات

  

اموااااااه

مرمر

رابط الباليته  على امازون

http://www.amazon.com/Bareminerals-White-Hot-Gift-Set/dp/B009KF8TVS/ref=sr_1_3?ie=UTF8&qid=1372190997&sr=8-3&keywords=bareMinerals+Spark+A+Trend+White+Hot+Palette

ودا رابط فيل يونيك

http://www.feelunique.com/p/bareMinerals-Spark-A-Trend-White-Hot-Palette 

1 comment Beauty