وصفة كرات المارس المقرمشة \ Mars crunchy balls recipe

  

رجعت ببوست لذيذ تاني و بالمارس كمان وللمره الثانية

دا الحلا لذيذ وسريع ومايحتاج الا 5 مقادير ,, و ممكن يتاكل على طول يعني ماتنتظري الين يبرد اويستوي .

مرا مرا سهل ومافي احد مايحبو .

هههههه لازم من التشويقة الطويلة نبدا بسم الله

المقادير

3\4 اصباع زبدة سايحة ( 75 جرام )

6 حبات مارس كبير

3 ملاعق سكر

ملعقة عسل

4 أكواب كورن فليكس الأرز الهش

الطريقة

نسوي للمارس حمام مائي عشان يذوب تماما .

نلخبط المارس الذايب مع الزبدة السايحة و السكر والعسل الين يتكون عندنا خليط شكولاته متجانس .

نجيب وعاء كبير نحط فيه الكورن فليكس و نضيف عليه خليط الشكولاته , و نلخبطهم مع بعض مرا كويس الين يسير شكلو زي كدا

طبعا بيد نظيفة آو بقفاز تبدأي تكوري الحلا الى كور متساوية تقريبا وتحطيه في الورق حق حلا القهوة عشان يسير شكلو مرتب اكثر .

وبالعاااافيه ياجميلات

اموااااااااه

مرمر

2 comments cooking recipes