كيكفم
ياحلوات
اليوم
الموضوع عن الارواج المطفية الجديدة اللي نزلت موخرا في الدرق ستور (الدرق ستور زي
الصيدليات الكبيره بوتس، وايتس و كمان زي سنتر بوينت) .
انتشرت
الارواج المطفية موخرا بشكل كبير و سارت الشركات تتنافس مين تنزل احسن تركيبة
للارواج المطفية و الثابته و طبعا نحن المستفيدين ههههه .
قاعدة اساسية قبل لاتستخدمي أي روج مطفي انك تتاكدي انه شفايفك مترطبة كويس و
مافيها قشور و عشان تخليها كده لازم اول شي التقشير و بعدها الترطيب ,ضروري تكون
مترطبه لانه شكل القشور مع الروج المطفي ابدا مو حلو حيخرب اللوك كله .
الانواع
اللي جربتها من برجوا و من ريفلون .... نبدا ببرجوا :
Bourjois Rouge Edition Velvet lipstick
التركيبة
حلوة و خفيفة مرا يعني لمن تحطيها ماتحسي انك حاطة شي ، من اول ماتحطي راح يثبت
على طول يعني ثباته قوي جدا يقعد ساعات بدون مايتاثر . ولمن تجي تشيليه لازم مزيل
مكياج.
العيب
اللي فيه ريحته ، كانها ريحة شي متصنع او بلاستيك مااعرف بس ريحته مزعجه والحمد لله انها تروح
بسرعه يعني ماتتطول .
هل افكر
اخد الوان تانية ؟ ايوه اكيد إن شاء الله.
الالوان
اللي اخترتها (على اليمين) :
02 frambourjoise
لون احمر
كرزي يعني يجمع بين الاحمر و الوردي.
صورة
سواتش من النت :
07
Nud-ist
لون نود
روزي بيرفكت للاستخدام اليومي.
صورة
سواتش من النت :
بعد كدا
الروج الجمبو من ريفلون :
Revlon ColorBurst Matte Balm
التركيبة
حقتو مخملية اكتر يعني فيها نسبة ترطيب بطريقة انها ماتبين بالعكس يبين مخملي و
فخم ، اثقل شويه من حق برجوا يعني تحسي فيه ، و برضه ثباته عالي و لازم مزيل مكياج
لمن تجي تشيليه .
من
مميزاته كمان انه عشان شكله زي القلم يخلي الرسم مراااا سهل و سريع .
هل افكر
اخد الوان تانية ؟ ايوه اكيد إن شاء الله وبالذات النود حاطه عيني عليه.
اللون
حقي :
Standout
لون احمر
مخملي .
صورة
سواتش من النت :
الالوان المطفية مرا تعطي فخامة على اللوك خصوصي
الغامق منها. دا كان بوست اليوم اتمنى يكون عجبكم واستفدتوا.
نشوفكم على خير في التدوينة القادمة
.png)
I liked this post .. Review
ReplyDelete