مجموعتي من بلاشرات نارس / My nars blushers collection

كيف حالكم ياحلوات

اليوم التدوينة عبارة عن مجموعتي من بلاشرات نارس .قبل فتره نزلت صورة في انستقرام فيها بلاشراتي حقت نارس و كتير طلبو مني اني اسوي بوست مفصل عشان تشوفوا الالوان كلها وتاخدوا فكره.

بالنسبة ليا لو اختار منتج واحد مااتخلى عنه حاختار البلاشر ،احب البلاشرات من قلبي لانهم يعطو نضاره ونور للوجه بسرعه ، ويمكن اكتر شي عندي في مجموعتي .

بلاشرات نارس من افضل البلاشرز في السوق ، كتير من الميكب ارتيتست يفضلوها ويحبوها ،مرا جميلة وناعمه تقعد فنرة طويلة وعندهم تشكيلة الوان تناسب الكل.

طيب نبدأ نشوف الالوان ... على فكرة الإضاءة مو مرا مبينه الالوان صح فشوفوا صور السواتشات احسن و اوضح

رقم 1 

Luster

لون مشمشي ذهبي ، اللون ممكن يتغمق و يتفتح على حسب انتي كيف تحطيه والدهبي اللي فيه مجرد لمعه بسيطة يعني مو حبيبات قلتر بالعكس اللمعه خفيفة و تعطي اللوك الديوي الجميل .

دا من الالوان اللي لمن تحتاري يوم اش تحطي تاخديه على طول.

رقم 2 

Torrid 

لونه كورالي مرجاني مع شيمر ،مرا بيرفكت ومناسب للصيف لانه مايل لبرتقالي وردي.

رقم 3

Super Orgasm

لون خوخي على وردي مع حبيبات قلتر دهبي، دا اللون هو نفس اورقازم المشهور بس الفرق حبيبات القلتر هنا مرا واضحة عشان كدا مااحب استخدمه لللايام العاديه لانه مرا حيبين اوفر فاحب احطه في المناسبات الكبيرة.

رقم 4

Sin

لون توتي موف على لحمي مع شيمر دهبي ،من اجمل واشهر الالوان عند نارس لانه مميز مو مكرر ابدا، يناسب  البشرات الحنطية مرا بس مايمنع انه جميل مع كل الوان البشرات، و الشيمر اللي فيه خفيف و يعطي لمعه حلوة.

رقم 5

Dolce Vita

لون روزي لحمي ، دا لوني المفضل لانه الروزيات مرا تناسب درجه بشرتي ، اللون طبيعي و يمشي مع أي لوك مكياج.

رقم 6 

Oasis

لون وردي بس على بني مني عارفه اوصفه في لمعه جميلة و واضحة.

رقم 7

Angelika

لونه وردي زي الحلويات ، يعطي فلاش صحي وخفيف على البشره . انا من الناس اللي مو دايما احب الوردي كبلاشر بس ترا دا جميل و مميز.

دي هي مجموعتي الكاملة ، في ألوان تانيه عندي بس جاية مع باليتز سبق و ذكرتها في تدوينه سابقة هنــــــــا.

على فكرة لون بشرتي ميديم مايل للفاتح و الاندر تون حقي اصفر.

إن شاء الله استفدتوا جميلاتي و عرفتوا اش ممكن تطلبوا الوان و يارب مااكون حيرتكم زيادة ههههه .

للاسف انه البلاشرز الجميلة دي مو متوفرة في السعودية بس اكيد ممكن تتطلبوها اون لاين.

ودا رابط نوردستروم لو حبيتو تطلبوا

http://shop.nordstrom.com/s/nars-blush/2860999?origin=category-personalizedsort&contextualcategoryid=0&fashionColor=&resultback=300&cm_sp=personalizedsort-_-browseresults-_-1_1_B

اخدت السواتشات من الموقع دا شيكو عليه لانه حاطة ماشاء الله الوان مرا كتير ::

http://karlasugar.net/2009/01/nars-blush-recap/

نشوفكم على خير في التدوينه القادمة

 مرمر

 

1 comment Beauty