كيف
حالكم ياحلوات
اليوم
ابغا اتكلم عن ارواج اربان ديكاي الجميلة . تعرفي احساس لمن تروحي ستاند الارواج ونفسك
تاخدي
الألوان كلها .. دا الاحساس جاني لمن جيت اختار الالوان اللي ابغاها من
المجموعه دي.
زمان
اربان ديكاي كان عندهم لاين ارواج و وقفوه ونزلوا المجموعه الجديدة تقريبا السنة الماضية ،طوروا
التركيبة و طبعا الباكجينق (التعليب) . والمجموعه الجديدة كاملة تتكون من 22 لون .
التركيبة
جدا جدا جميله كريميه و لونها بيجمنتد مرا يعني من مسحة واحدة يجي اللون واضح ،
ثباتها عالي مع انها كريميه ، و كمان خفيفة على الشفايف ماتحسي بالطبقة القوية .
الالوان
الغامقة منها حتى لمن تبدأ تتمسح تترك اثر لون خفيف يعني تلون الشفايف . و الارواج
مالها ريحه يعني لو كنتي تتضايقي من المكياج المعطر فحيناسبك .
الغريب
اني في كل لاين احب اجرب الاحمر اول شي و منه احكم بس هنا قلت خليني اخد الالوان الطبيعيه (النود) و اخدت لون فوشي من باب التغيير .
اش رايكم في شكلها .. مرااا تجنن صح
نجي للألوان اللي اخترتها ::
Catfight
لون فوشي
محمر بس يميل اكتر للفوشي البارد ،
سواتش من النت
Liar
لون بني
على زهري ، مرا حلو مع اللوك السموكي ،
سواتش من النت
Fiend
لون زهري
روزي ، مناسب للصباح و المكياج الناعم الفريش ،
سواتش من النت
http://www.temptalia.com/urban-decay-revolution-lipsticks-reviews-photos-swatches-fiend-native-naked-rush
Naked
لون زهري
دافيء ، يعني لون نود بس مو النود اللي يبين الوجه تعبان ومريض ، بالعكس حلو و
ينور اللوك كانو لون شفايفك بشكل احلى ،
سواتش من النت
الالوان كتيره ومحيره اكيد كل واحدة حتلاقي لون يناسبها وتحبه من المجموعه .
اربان
ديكاي سارت متوفره عندنا و أخيرا ، سيفورا رد سي مول .
السعر
هنا مني متاكدة منه لاني اخدتها من بريطانيا و كان سعرها 15 باوند يعني تقريبا 90
ريال . ان شاء الله يكون نفس السعر هنا مايزيدوا زي العادة .
هنا رابط
نوردستورم لو حابين تطلبوها اون لاين
اتمنى
البوست عجبكم واستفدتوا منه
نشوفكم
على خير في التدوينة القادمة
0 comments:
Post a Comment
تسعدني تعليقاتكم أو استفساراتكم :-)