كيف
حالكم ياحلوات
كيف
رمضان والصيام معاكم .. اليوم التدوينة رمضانية لزيزة . هي طريقة حلا مرا
احبه و اتوقع كتيرين يحبوه وهو الرز بالحليب.
الرز
بالحليب من الحلويات القديمة والمشهورة نلاحظ انه يتنشر في رمضان بشكل اكبر. وهو من
الحلويات اللي مرا تشدني يعني حتى لو الاقيه في منيو أي مطعم لازم اجربه.
حبيت اعطيكم طريقتي المعتمدة فيه ، مرا سهل و سريع و لزيييييز
نبدا بسم
الله
المقادير
5 كاسات
مويه
كاسة
حليب بودرة ( نذوبها في كاسة موية)
نص كاسة
رز مصري
ملعقتين
كبيرة ماء ورد (ممكن استبدال نكهة موية الورد بماء الزهر ، المستكة، او الهيل)
نص كاسه
سكر
علبة
قشطة التاج
3 ملاعق
كبيره نشا مذوبة في نص كاسة موية
الطريقة
اول شي
نجيب الموية ونحطها في القدر الين تغلي و بعدين نحط عليها الرز المصري و نسيبه
ينسلق (من 10-15 دقيقة)
بعد
مايستوي نضيف للقدر الحليب و السكر و خليط النشا ونبد نقلب الين يبدأ يثقل
نكمل
التقليب الين يغلي المزيج ، نطفي النار عليه و نضيف ماء الورد و القشطة
نبدأ
بتوزيع الحلا على كاسات صغيره، نستناها تتدفى و بعد كده نحطه في الثلاجة (ممكن
تتأكل حارة او باردة)
و بالعافية
في اسهل
من كده ، مرا لزيزة و تعتبر صحية لانه المكون الرئيسي فيها الحليب
اتمنى
استفدتوا من التدوينة ، و متحمسة اشوف تطبيقاتكم
نشوفكم
على خير التدوينة القادمة
شكلها يشششهي ، بالعافييه
ReplyDelete