كيف
حالكم ياحلوات
كل سنة وانتم طيبين جميلاتي و ينعاد علينا و عليكم اعوام عديدة و مديدة بالصحة والعافية والسعادة. خلصنا من لخبطة العيد و فضيت شوية اني انزل تدوينة جديدة.
التدوينه حتكون خفيفة وسريعة وهي عن تجربتي مع ارواج دييغو ديلي بالما ، اتحمست
اجربهم لانه دايما اشوف الارتست الجميلة سندس القطان تحبهم و تمدحهم ،وماشاء الله
عليها سندس من الناس اللي لمن تمدح شي مرا اثق في رايها و أكون متاكدة انه حيطلع
حلو.
الغريب
انه مااشوف عن الماركة دي ريفويهات كتير في اليوتيوب والسوشيال ميديا مع انها
فضيعة.
اخدت
الارواج من لاين الروزيتو، دي اللاين تتمتع بلون مرا قوي يبان من اول مسحة، كريمي
بس مايترك لمعة يعني الفينيش حقه على ساتين ، وفيه مغذيات عشان يكون مقاوم لتجاعيد
الشفايف.
جداااا
مريح في الاستخدام و لمن ينشف يثبت و يترك لون خفيف حتى بعد مايتمسح ، يعني ثابت و
مايخرج عن حدود الشفايف مع الوقت.
ومن
الخصائص المكتوبه انه يبين الشفايف اكبر بس دي الميزة ماحسيت فيها لانه مافي داك
الشعور اللي زي الدغدغه بالعكس مرا مريح وبعد ماتحطيه ماتحسي فيه.
وهنا صورة من النت لكل الدرجات من اللاين دا
حبيييييته صراحه مرا حمسني اجرب الوان تانية ولاينات تانية ، عندهم لاين الارواج
المطفيه و اقلام الشفايف مرا عليها مدح و متحمسة اجربها.
دي ارقام
الدرجات اللي اخترتها
للاسف مافي
سواتشات من النت فسويت سواتشات على ورق ابيض ، السواتشات بنفس ترتيب الارواج
وهنا كل
لون لحاله
101
119
186
لقيتها
متوفرة عند ارجوان السويدي في سوق الكونيش جدة.
اللي
جربت من عندهم شي حلو خليها تفيدنا.
اتمنى
تكون التدوينة عجبتكم و استفدتوا منها نشوفكم على خير التدوينة القادمة
هل هي منتجات طبيه ام لا وشكرا
ReplyDelete