كيف
حالكم ياحلواتي
اليوم
ابغا اعطيكم وصفتي المفضلة في الكوكيز ، سار لي سنوات معتمدة الطريقة دي ومااغيرها
لانها لزيييزة
المقادير
:::
200 جرام
زبدة بحرارة الغرفة (اصباعين)
1 ونصف
كوب سكر بني (استخدمي السكر اللي يجي زي رمل البحر تحسيه متماسك)
2 بيض
نص ملعقة
شاي فانيلا
2 وربع
كوب دقيق
نص ملعقة
شاي ملح
2 ونص
ملعقة شاي بيكربونات الصوديوم
4 ملاعق
كبيره بودرة كاكاو غير محلاة
1 كيس من
شكولاته هيرشيز (الحبيبات حقت الكوكيز)
نجي على
الطريقة
حنستخدم
خلاط الكيك او خلاط العجين نفس فكره حق كينوود.
راح نحط
الزبدة والسكر البني و نلخبطهم مزبوط الين نحس انه سار زي الكريمه.
بعدها
راح نضيف البيض و الفانيليا و نلخبط الين يتجانس.
بعدها و
بالتدريج نضيف الدقيق و الملح وبيكربونات الصودا وبودرة الكاكاو
و نلخبط
الين يتجانس.
و اخر شي
نضيف كيس الهيرشيز و نلخبط حتى لو باليد اهم شي يتلخبط مزبوط عشان كل الكوكيز يجي
فيه كميه وفيرة من الهيرشيز يميييي.
نجيب
صينيه الفرن و بدون ماندهن زيت على طول بملعقة الايس كريم نبدا نوزع في الصينيه.
نخليه
على حرارة 180 من تحت لمده 6-7 دقايق يعتمد على الفرن .. انا عن نفسي ياخد 7 دقايق.
و من فوق
اخليه 2-3 دقايق و في ناس مايحبوا يحمروه من فوق على راحتكم كله ينفع.
وبعد
مانخرج الكوكيز من الفرن نفرده في صينيه الى ان يبرد و يتماسك (لانه أول مايخرج
من الفرن يكون سايح و غير متماسك) مرا سمعت واحدة قالت انه وقت استواء الكوكيز
مقسم نصين نصه في الفرن والنص التاني خارج الفرن.
وبالعاااافيه
...
يلا
استنا تطبيقاتكم
اتمنى
التدوينة عجبتكم و استفدتوا منها ونشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)