كيف
حالكم ياحلوات
اليوم
حتكون تدوينة خفيفة وسريعه عن احلى كونسيلرات يومية احب استخدمها ، و حبدأ معاكم
واحد واحد واقلكم على السريع رأيي فيهم...
Urban
decay naked skin concealer
الكونسيلر
نيكد من اربان ديكاي يمكن اكتر كونسيلر يعطي تغطيه منهم كلهم ، بس برضو ينفع
لاستخدام يومي.
أحب
ادمجه بالبيوتي بلندر ، و بفكر اجيب منه لون اغمق و استعمله ككنتور.
maybelline
age rewind concealer
كونسيلر
ميبلين من احلى الكونسيلرات في الدرق ستور او الصيدليه واللي مرا انتشرت في الفتره
الاخيره ،
للاسف مالقيته قبل كده في اي كاونتر من كاونترات ميبلين هنا فلازم اطلبه اون
لاين.
تغطيته
خفيفة لمتوسطة ، حلو جدا كاستخدام يومي.
من عيوبه
الابليكيتور حقه كانه مخده تقعدي تلفي من تحت العلبه عشان يطلع لك المنتج فأغلب
الاحيان يطلع لي اكتر من اللي احتاجه.
والعيب
التاني انه عشان مااقدر اجربه في المحل فمرا صعب انو اختار اللون اللي يناسبني.
maybelline
fit me concealer
ميبلين
فيت مي برضو من منتجات الدرق ستور ، الميزه هنا انه متوفر عندنا في كاونترات
ميبيلين و نقدر نختار اللون اللي يناسبنا و نجربه.
و كمان
الابليكيتور حقه عادي كانه قلوس ، فااسهل في التحكم ، يعني كاستخدام احب استخدمه
اكتر من اللي قبله.
التغطيه متوسطه
و احب اوزعها دايما على السريع بالطبطبه بالاصباع لانه سهل جدا في الدمج.
Nars
creamy concealer
واخيرا
من اشهر الكونسيلرات على الاطلاق ، نارس.
مرا مرا
حبيته ومن مفضلاتي ، بس الصراحه مرا حسيته قريب من فيت مي من ميبيلين، يعني سهل
الدمج ، تغطيه متوسطه ، ابليكتور سهل في الاستخدام ..
دا
من عيوبه انه مو متوفر هنا ولازم اون لاين او وقت السفر ، فميبلين كان بديل ممتاز.
دي كانت
كونسيلراتي المفضله بالذات للاستخدام اليومي ، اتمنى التدوينة عجبتكم واستفدتوا
منها و نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)