Best of beauty 2015 \ أفضل المنتجات التجميلية لعام 2015

كيفكم ياحلوات

اليوم موضوعنا من احب المواضيع على قلبي و هو مفضلات سنة 2015 التجميلية ، طبعا المميز في المواضيع اللي بالفكرة دي انه نحط اكتر شي حبيناه خلال السنة فحتكون المنتجات مجربة مزززبووط.

بالنسبة للعناية بالبشرة و الجسم فتقريبا نفس المنتجات حقت العام ماغيرت فيها كتير ،حتلاقوا كل المنتجات في موضوع العام في الرابط هنــــــا.

الميك اب اتغير طبعا ، بس مو يعني نسيت منتجات العام لا طبعا مازلت احبها بس اضفت عليها ههههه

المهم نبدأ بسم الله بالمنتجات و ححاول اختصر الكلام قد مااقدر عشان لايطلع موضوع طويل وممل،،،

نبدا بالفاونديشن

Nars sheer glow foundation

Estee lauder double wear foundation

دي السنه طحت في مكس مرا مرا حلو ، هو النارس شير قلو مع الايستي لودر دبل وير فاونديشن.. مرا يعطي فينيش فظيييع ممكن اوصفه انه ساتين يعني يميل للمطفي بس بلمعه خفيفة و كمان تغطيه عاليه.

طبعا دا المكس مااحطه الا في العزايم والمناسبات اما بشكل يومي احب استخدم فاونديشن خفيف او بي بي كريم.

Laura mercier loose powder translucent

الباودر اللي حبيتها هي اللوز باودر من لورا مرسييه ، لونها شفاف و حباتها جدا ناعمه .. الصراحه غيرت نظرتي للباودرات السائبة، يعني ابدا ابدا ماتبين الوجه مغبر او محبب بالعكس تعطي لوك مخملي و حلو. مع العلم انه بشرتي جافه مو اي بودره تناسبها.

عموما بودرات لورا مرسييه دايما حلوين و ناعمين ، من مفضلاتي اللي ماتتغير هي بودره تحت العين من عندهم.

Clarins fix makeup

بخاخ من كلارينس مرا احبه تحسيه يرتب المكياج و يكمله ،يعطي لوك ديوي حلو ويثبت الميك اب فترة اطول. دا البخاخ يعطي نفس نتيجه الفكس بلس حق ماك بس الفرق انه دا ريحته موية ورد خفيفة.

Nars creamy concealer

Maybelline fit me concealer

بالنسبة للكونسيلرز ، حبيت دول الاتنين اللي هم كونسيلر نارس و كونسيلر ميبيلين فيت مي ، و للصراحه حبيت الاتنين بنفس المستوى.

مع انه نارس اغلى بمراحل و مرا صعب تلاقيه يعني لازم نشتريه اون لاين او وقت السفر ، كنت استخدمه بدايه السنه الين ماخلصته وبدات استخدم فيت مي من ميبلين. الصراحة بيعطيني نفس النتيجه مع فرق بسيط في اللون.

الاتنين يعطوا تغطيه خفيفة و حلوة لمنطقه تحت العين ، نارس درجتي فيه كاسترد و ميبيلن رقمي فيه 20.

اللونين افتح مني بدرجة عشان ابغاهم لتنوير المنطقة تحت العين.

anastasia powder contour kit

طبعا كانت اكبر ترند خلال عام 2015 هي الكونتور والهايلايت ، حبيت الباليت حقت اناستازيا اللي تجي باودرز ، جدا عمليه ومريحة خصوصا اللونين اللي في النص ، الاصفر الفاتح حلو لتنوير منطقه عظمة الخد بس مرا ماعجبني لتحت العين و البني اللي على رمادي لكونتور خفيف و سريع.

الباليت حلوة لاستخدام يومي ،في السهرات احب استخدم الكريمي و اثبتها بالكونتور الباودر.

هذا سواتش من النت

 http://www.cassandramyee.com/2015/05/anastasia-beverly-hills-contour-kit-in.html

becca champagne pop

بالنسبة للاضاءه فاأنا وقعت في غرام ااضاءه جاكلين هيل من بيكا ، صراحة بيكا مالهم اي منافس في الاضاءات ، فظييييعه بنات لازم تجربوها ، لون الاضاءه يميل للذهبي و يبين معاكي من مسحه واحده، يعطي اللوك اللي كانك شاربه مويه كتيييير ، ابدا مو قليتري ولا مطفي.

اذا تحبي يكون اللوك طبيعي حطي مسحة خفيفة بس لو تبغي لوك سهرات و تبغي تبرقي ههههه كتري منه شويه.

الخبر الوحش انه لازم من خلال التاجرات مو متوفر الا في سيفورا امريكا .... الخبر الحلو انه المنتج سار دائم مو ليتميد.

سواتش من النت

Elizabeth arden bronzer

نجي لبرونزور اليزابيث اردن ، من اكتر الماركات المهضوم حقها صراحه ، البرونزر حقهم درجته بيرفكت على بشرتي ، استخدمه لكل شي كنتور خفيف ، برونز ، واحيانا بلاشر كمان.

فيه قلتر صغيره و ناعمه.

لو تعرفوني حتعرفوا مزبوط انه البلاشرات هي عشقي ، ابدا مااشبع منها و بالقوة قدرت احصر المفضلات لتلاته لاني احب مراااا كتير.

طيب ايش اخترت؟

من اليسار

tarte blush exposed

من تارت ،لونه روزي على بني مطفي ، مرا جميل مع كل اللوكات سواء صباحيه او مسائية ، او حتى بدون ميك اب. يعطي حياه للوجه.

سواتش من النت

http://www.essiebutton.com/2014/01/31/review-swatches-tarte-amazonian-clay-12-hour-blush/

أول واحد من اليمين

milani blush luminous

من ميلاني ،لونه مشمشي و فيه قلتر و نسبة اضاءه جميلة ، من اجمل البلاشرات مع اللوك السموكي. و سعره كمان حلو ومناسب .

سواتش من النت

http://www.swatchandlearn.com/milani-luminous-blush-review-swatches/

أول واحد من اليمين

bobbi brown blush sand pink

من بوبي براون، اشهر الالوان عندهم ساند بينك ، باختصار اللون دا لازم يكون في درج اي بنت.

لون وردي روزي مع نتفة بني ، و الفينيش حقه مطفي.

سواتش من النت

تاني واحد من اليمين 

نجي للحواجب ، السنه الماضية حبيت الاقلام اكتر من الباودر و الجل. حسيتها اسهل واسرع شي في الرسم و كمان نهايه القلم دايما في فرشه السبولي اللي تمشط و توزع المنتج فتعطي شكل طبيعي اكتر للحاجب.

يعني القلم خدمني اكتر مرا عملي ومريح ، يمكن شويييه يكون قاسي للحواجب وفي احتمال يطيحها بس الحمد لله ماعانيت.

الاقلام اللي حبيتها واحد من سوب اند قلوري

Soap & Glory Archery 2-in-1 Brow Filling Pencil & Brush Hot chocolate

القلم مرا رفيع و سهل في الرسم بالضبط نفس قلم اناستازيا ماشفت فيه اي فرق غير سعره ، عيبه الوحيد انه يخلص بسرعه.

القلم التاني من بوبي بروان

PERFECTLY DEFINED LONG-WEAR BROW PENCIL mahogany

دا جي شكله على زاويه مايل كده ، بس برضه مرا سهل و مريح في الاستخدام ، حبيته و حبيت فكرته.

نجي على الظلال و باليتات الظلال ، اما القسم دا قدايش تعبت فيه ... اكتشفت اني حبيت مليون باليت العام هههههه.

اخترت لكم منها وبالقوه 3 باليتات...

نبدا بالاولى

باليت ماك كانت ليتمد اديشن فتره، ليش حطيتها مفضلة لانه ماك كل فتره بينزلوا باليت كبيره زي كده وبسعر مرا حلو و يعتبر مرا اوفر من انك تشتري كل شادو لحاله.

وكمان بيحطوا درجات حلوة و مطلوبه ، فانصحكم اول ماتنزل باليت من ماك كبيره كده والوانها عاجبتكم خدوها تستاهل.

وهنا عندكم في نوردستورم في باليتات مرا جميله شيكوا عليها

http://shop.nordstrom.com/s/mac-warm-neutral-times-15-eyeshadow-palette-160-value/4012120?origin=category

http://shop.nordstrom.com/s/mac-nordstroms-finest-eyeshadow-palette-nordstrom-exclusive-160-value/4093455?origin=category

http://shop.nordstrom.com/s/mac-cool-neutral-times-15-eyeshadow-palette-160-value/3997253?origin=category

MUFE artist palette volume 1

بعد كده باليت ميك اب فوايفر الناتشورال ، مرا احبها و اتوقع باين من شكل العلبه كيف استهلكتها هههههه ،، اتكلمت عنها بالتفصيل في التدوينة هنــــــا.

zoeva cocoa blend palette

واخيرا باليت زويفا ، بنات باليتات زويفا من احلى الباليتات جودة مرا مرا احبها واتكلمت عن دي تحديدا في تدوينتي السابقة ، في لوكات كتير لازم ارجعلها لانه الالوان اللي فيها فعلا مميزة و ماتتكرر دايما.

من فئة الشادو المفرد ، اخترت لون من اربان ديكاي جدا مميز اسمه

Urban Decay Eyeshadow in Lounge

لونه غريب و مميز ، اخضر محمر ، او بني محمر مع شيمير اخضر تركوازي يعطيه ميتاليك فينيش فظيع.

هنا سواتش له من النت مع صوره كيف شكله ع العين

 http://www.reallyree.com/2015/05/urban-decay-summer-2015-eyeshadow-swatches.html

https://www.youtube.com/watch?v=lpa3-HNbkE0

نجي على الشادوهات الكريميه ، من المنتجات المفضلة عندي مرا احبها احسها دايما الحل السريع و النتيجه الجميلة.

اللي مرا حبيتهم هم حقون بوبي بروان و نمبر سفن ، الصراحه كجوده يكادوا يكونوا نفس الشي ، لونه جدا قوي و سهل في التوزيع و الدمج طبعا اول ماتحطيه بعدين حيثبت... الفرق هنا بس الدرجات.

من اليمين بوبي بروان

bobbi brown velvet plum

لونه بني على بنفسجي جدا جميل ، و الفينيش ميتاليك.

اللون السكري من نمبر سفن

No7 Stay Perfect Shade and Define Glistering Ray

لونه سكري و فيه حبات قلتر ، الفينيش قلتري.

No7 Stay Perfect Shade and Define Coffee Bean

لونه بني غامق و الفينيش مطفي .

بالنسبة للاكحال فاخترت لونين اساسيين لازم يكونوا عند كل واحده .... الأسود و النيود

الاسود من ماركة تارت

Tarte skinny smolder EYES Amazonian clay waterproof liner

سواده جدا فاحم، سهل في الرسم وثااابت.

النيود من نارس

Larger Than Life Long-Wear Eyeliner

مرا جميل لمنطقه داخل العين من تحت يعطي العين وسع و كانك شبعانه نوم ومصحصحه ، من الحاجات اللي احب استخدمها لمن يكون نومي ناقص.

برضو جدا ثابت و سهل في الرسم.

Maybelline Mascara Falsies Flared Black

بالنسبة للماسكرا حبيت دي من ميبلين ، تعطي كثافة طبيعيه ماتكتل و سوادها حلو.

نجي على منتجات الشفايف

في البدايه نبدا بالاقلام ، وكتييير كنت استخدم طريقة انه اعبي كل الشفايف بالقلم لانه يثبت اكتر و يعطي الشفايف شكل مرسوم ومرتب.

diego dalla palma lip liner

الاقلام اللي وقعت في غرامها السنه دي هي اقلام دييغو دي لاباما ، فظييييييعه ودرجاتها افظع.

سهله في الرسم ثابته و الوانها تجنن سواء لحالها او كبيس لاي روج بعدها، حتى القلم نفسو جدا طويل يعني حيطول عندك ، اللونين اللي اخترتهم يناسبو اي بشره هم

رقم 61

لونه نيود مايل للبني المشمشي ، مرا جميل يفكرني بقلم فوايفر وان سي.

رقم 80

لونه نيود برضه بس مايل للوردي اكتر ، يفكرني بسور من ماك.

nyx lip liner

ان واي اكس كمان اقلامهم جدا جميلة و احبها اخترت منهم لونين مميزين

اللون الاول

nyx lip liner mahogany

لونه وردي على بنفسجي غامق.

واللون التاني

nyx lip liner nude pink

لونه وردي طبيعي ، جميل للاستخدام اليومي.

نبدا بالارواج البوليت او الاصباع التقليديه من اليسار

diego dalla palma lipstick 119

من دييغو دي لاباما ، لونه بيرفكت للاستخدام اليومي .. تركيبته كريميه و ناعمه.

للأسف مالقيت له سواتش من النت

من شارلوت تيلبوري

charlotte tilbury kissing lipstick so Marilyn

الاحمر البيرفكت للريد كاربد.

سواتش من النت

من ميبيلن النيود

maybelline velvet beige lipstick

ارواج ميبلين من اجمل ارواج الدرق الستور ، دا اللون من احلى النيودز عندي.

سواتش من النت

 https://www.pinterest.com/pin/44684221274097821/

و الاخير هنا من استي لودر

Estee lauder pure color envy lipstick Vengeful red

من افظع تركيبات الارواج هي استي لودر كولور انفي ، دا اللون مميز لانه بين الاحمر و الفوشي، اذا تحبي الارواج الصارخه فدا جدا حيناسبك.

سواتش من النت

https://thepaintedrogue.wordpress.com/2014/05/05/loot-alert-estee-lauder-pure-color-envy-lipstick-swatches/   

أول لون من اليمين

الارواج الجمبو اللي تجي كانها قلم كانت من ابرز المنتجات اللي طلعت العام وقبله ، و طلعت باكتر من فينيش بس الابرز كان المطفي عشان كده اخترت لكم 3 من الارواج المطفيه اللي احبها.

من اليسار

من ميبلين

Maybelline Color Drama Lipstick Keep it classy

لونه بين الموف و الوردي جدا جميل و يناسب الكل ، جودته تنافس اقلام نارس المطفيه ممتاز.

هنا سواتش من النت

http://www.makeupovermind.com/2014/10/maybelline-color-drama-intense-velvet.html

اللون اللي في النص

revlon colorburst matte balm sultry

أكتر لون انشهر من ريفلون المطفي و فعلا يستاهل انه ينشر و ينحب بالطريقة دي ، لونه جدا جميل نيود وردي.

هنا سواتش من النت

http://www.llymlrs.com/2013/11/revlon-colorburst-crayon-matte-balm.html

و من اكتر المنتجات اللي اتجننت عليها هي اقلام بوبي بروان الارت ستيك

bobbi brown art stick rose brown

ان شاء الله حسوي عنها موضوع كامل لانها فعلا تستاهل ، اللون دا من اسمه روز مع بني ، يجي مع برايه و ممكن طبعا تستخدميه كقلم و روج.

هنا سواتش من النت

أول لون من اليسار

وفي الاخير ححط لكم منتجين شكلهم يشبه بعض بس تركيبتهم مختلفه تماما عن بعض

من اليسار

kat von d liquid lipstick double dare

الروج السائل المطفي من كات فون دي ، من احلى التركيبات و احلى الالوان اللي مرت عليا في الارواج السائلة

لونه روزي على بني مع وردي ماادري كيف اوصفه.

  

طبعا اي روج مطفي سائل لازم لازم تكون شفايفكم مترطبه قبلها.

هنا سواتش من النت

https://www.pinterest.com/explore/nyx-lip-liner/

ومن اليمين قلوس لماع من ميك اب فو ايفر

الدرجه دي احلى درجه في المجموعه رقمها

Make up forever Artist Plexi-Gloss

204

لونها بين اللحمي والوردي ، و تركيبته جدا جميلة كانه روج في لونه بس جدا لماع بطريقه انه مايلصق او يدبق. حتى يترك ستاين على الشفايف حتى لمن يروح.

اتكلمت عنه بالتفصيل في الموضوع هنــــــا.

للاظافر حبيت اللون دا من او بي اي ، يبان من مسحه واحده ، و اللون يناسب اي وقت واي مكان اسم الدرجه

opi grand canyon sunset

هنا سواتش من النت

sally hansen insta dri

و التوب كوت من سالي هانسن من زمان احبه ولازلت احبه ، مرا يساعد في تجفيف المناكير بشكل اسرع من غير ما يفقد لمعته.

واخيرا حاجتين جدا عشوائية بس حبيتهم و حبيت اضيفهم على الموضوع

من اليسار

elemis soothing apricot toner

تونر من ايليمز ، حبيته عشان سببين اول شي انه مافيه كحول فمايجفف بشرتي و يحسسها و تاني شي انه يجي على شكل بخاخ فممكن تبخي اي وقت لو محتاجه جرعة انتعاش ههههه.

garnier micellar water

و من اليمين المنظف المائي للمكياج من غارنييه ، ممتاااز و بصراحه مالقيت بينه و بين بايوديرما اي فرق غير انه ارخص بمراحل.

وبكده نكون خلصنا الموضوع السوبر طويل ، اتمنى يكون عجبكم و استفدتوا منه.

ونشوفكم على خير التدوينه القادمة.

1 comment Beauty