كيفكم
ياحلوات
اليوم
ابغا اتكلم لكم عن تجربتي مع المنظفات اللي تجي كانها زبده او ممكن نسميها ، البلسم
المنظف.
فكرته انه شكله يكون كانه كريم او زبده تاخدي منه شويه و تفركيه بين يدك يتحول لزيت دهني
تفركي فيه الوجه والعين على وجه ناشف و بعدين تشطفيه بالمويه، وراح يزيل كل المكياج
كلللله حتى اللي ضد المويه.
و في
الغالب يكون مناسب لجميع انواع البشره و خاصة البشرة الجافه لانه قوامو دهني فيعطي
نسبة ترطيب اثناء عمليه التنظيف.
بما انه بشرتي تعتبر مختلطه الى جافة فاعتمدت الطريقة دي لتنظيف المكياج سار لي كم شهر ،
استخدمت البلسم المنظف من كلينيك و خلصته ، حاليا بجرب حق بودي شوب.
كلهم
حلوين والله مع اختلافات بسيطة جدا ححاول اذكرها ليكم ممكن تفيدكم
نبدا بحق
كلينيك
Clinique
take the day off
ميزاته
البلسم
نفسه تحسي اطرى و الين من حق بودي شوب يعني اول ماتحطي اصبعك على طويل بيسيح.
تعليبه
اسهل لمن تفتحيه وتقفليه.
حجمة
اكبر.
ماله
ريحه.
عيوبه
سعره
غالي.
انا
اخدته من امريكا و كتير يقولوا غير متوفر هنا ، فيبغالي اشوف.
اول
ماافتح عيني بعد مااغسل وجهي احس بغبش لمده دقايق و يروح على طول.
حق بودي
شوب
the body
shop camomile sumptuous cleansing butter
ميزاته
سعره
ارخص بكتير.
في ريحه
بس صراحه عاجبتني خفيفة ولطيفة.
متوفر و
سهل الحصول عليه.
الغبش
اللي قلتلكم سار لي في حق كلينيك ماسار لي مع دا.
عيوبه
تعليبه
احيانا يكون متعب، وطبعا حجمه اصغر.
البلسم
شويييه قاسي اول ماتحطي لكن لمن تفركيه بين يدك راح يذوب بشكل سريع.
بشكل عام
كلهم حلوين و راح ارجع اشتريهم او اجرب شركات غيرهم ، لانه كل الشركات ساروا
يتنافسوا على البلسم المنظف ،صراحه مرا فكرته حلوه ومريحه و اهم شي بتفيد
وترطب البشرة بشكل ملحوظ.
اتمنى
التدوينه عجبتكم واستفدتوا منها نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)