كيفكم
ياحلوات
اليوم زي
ماوعدتكم ابغا اتكلم معاكم عن زيت لونا الأزرق للبشرة من سنداي رايلي.
هو الزيت
مرا انشهر في اليوتيوب وعند البلوقرز الاجانب وكنت مترددة اذا اجربه و لا لا لانه
سعره مو رخيص ابدا وقلت انه اكيد هبه من هبات اليوتيوب.. وطنشت الموضوع الين
ماسافرت اختي امريكا وفترتها كان في مجموعات توفيريه من سيفورا و واحدة من
المجموعات كان فيها الزيت بحجم نونو مرا صغير. و طبعا بماانه زيت فالحجم الصغير
حيكفي وقت طويل.
بدأت
اجربه و فعلا لاحظت تحسن ملحوظ .. واللي اكد لي انه مو بس انا اللي لاحظت حتى اللي
حواليني لاحظوا الشي دا.
استخدمه
في الليل بعد كل خطوات العنايه و مرات
كتير لو مافيا استخدم مرطب في الليل بس انظف بشرتي و احط من الزيت. و قليل منه
يكفي كل الوجه من 3-4 نقط بس.
شوفوا
فرق الحجم بين الصغير اللي جا مع مجموعة سيفورا التوفيريه والحجم الاصلي.
عشان
اسهلكم الريفيو حأقلكم ميزاته و عيوبه ، اوكي نبدأ بسم الله
الميزات
و الخصائص
منتج
طبيعي و نباتي.
ريحته زي
الاعشاب.
لونه
مراااا خطير ازرررق.
صورة من
النت :
http://beautyblitz.com/retinol-face-oils
مناسب لكل
انواع البشره حتى الدهنية منها.
يحتوي
على الريتنول اللي يساعد على زيادة النضارة وكمان يحمي البشرة من التجاعيد،
الاحمرار ، الجفاف، الشحوب و المسامات. فيبين البشره اصغر و اكتر حيويه.
عيوبه
غير
متوفر في سيفورا حقنا ، انا طلبته من صحبتي لمن كانت في امريكا.
سعره
غالي .. ل30 مل ب105 دولار.
تحذير
مايستخدم
للحامل لانه يحتوي على الريتنول.
استخدميه
فقط وقت الليل الوقت اللي ماتتعرضي فيه للشمس.
اذا تبغي
النتايج تبان لازم تتطولي بالك عليه ، اي علاج للشعر أو البشرة بشكل عام لازم
تتطولي بالك وتلتزمي عشان تشوفي نتيجة. يعني اقل شي اعطي نفسك 4 اسابيع.
هنا
احصائيات من موقع سيفورا لناس استعملوا لونا ل 4 اسابيع بشكل منتظم:
After an independent consumer testing panel
used Luna Sleeping Night Oil for 4 weeks:
- 100% felt the product absorbed well into
the skin
- 96% of women felt their skin looked
brighter and more radiant
- 96% of women felt their skin looked
healthier and revitalized
- 92% of women felt their skintone looked
more even, calmer, smoother
- 92% would recommend Luna to a family member
or friend
- 88%
felt their pores looked smaller
- 85%
felt their fine lines and wrinkles around the forehead were visibly improved
اتمنى
التدوينة عجبتكم واستفدتوا منها ، نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)