كيف حالكم ياحلوات
أول شي مبارك عليكم الشهر تقبل الله منا ومنكم الصيام والقيام وأعاده
الله علينا اعواما مديدة مليئة بالصحة والسعادة
رمضان السنة دي جاي في الصيف فحبيت أسوي حلا بارد على القلب و سهل وفي
نفس الوقت لذيذ ويحبوه الكبار والصغار .
حنعمل كيكة ايس كريم بس الحلو فيها انو المقادير كلها جاهزة انتي اللي
عليكي تحطي المقادير على بعضها , يعني عشان تزبط الكيكة دي اهم شي تكون المقادير
نوعيتها كويسة .
حتلاحظوا من الصور انو المقادير عندي غريبه شوي لاني حاليا مقيمة في
بريطانيا بس طبعا لها بدائل كثير في أي سوبر ماركت .
اوكي نبدأ بسم الله
المقادير :
كيكة جاهزة ( زي كيكة ساريتا )
الكيكة ممكن تكون بأي نكهه تحبيها وممكن كمان تخبزيها
في البيت لو تحبي
ايس كريم نوع واحد او نوعين
كريمة تزيين
الايس كريم و الكريمة ممكن تختاري أي نكهه تحبيها
حلويات للتزيين
الحلويات ممكن تستبدليها بفواكه او كريمة مخفوقة
صينية مستطيلة
ورق نايلون
الطريقة :
خرجي الايس كريم من الفريزر شوية عشان يسير لين ومايتعبك في الشغل .
بطني الصينية حقتك بالنايلون بس حاولي يكون في زيادة من الأطراف عشان
تقدري تغطيها في النهاية .
ابداي قطعي الكيك حقك لشرايح .
بطني الصينية من جميع الاطراف بالكيك .
حطي من الايس كريم الاول تقريبا الى نص الصينية وبعد كدا كمان حطي
طبقة كيك .
حطي فوق طبقة الكيك الايس كريم النوع التاني الى نهاية
الصينية وبعد كدا غطيه بطبقة كيك .
غطي الكيكة بورق النايلون وخليها الفريزر اقل شي ساعتين .
بعد ماتخرجي الكيكه اقلبيها في تبسي عشان تبدأي تغطيها بالكريمة و
تزينيها .
بعد ماتنتهي من التزيين انقليها لطبق تقديم وقطعيها .
بالعافية يااارب
اموااااااااه
مرمر
واو ، شكلها الكيكة حلوة و لزيزة جدا
ReplyDeleteبالذات الصورة الأخيرة
والله فكرة حلوة ايسكريم بارد عشان نقاوم حر الصيف
تسلم يدك يا مرمر
^_^
شكلها شهي . يعطيك ألف عافية
ReplyDeleteتحياتي / خبطة
يعطيك العافية
ReplyDeleteمررره تشهي
بس بسألك وين ممكن الاقي كيك ساريتا في الرياض لان مبين شكلها اطعم من امريكانا