كيفكم ياحلوات
اليوم الوصفة اللي باشاركها معاكم وجبة رئيسية واخيرا مهي حلويات
كالعادة هههه
ساندويشات فيليه ستيك اللحم بالمشروم ... وجبة لذيذة وطعمها زي
ساندويش الفيليه ستيك من ستيك هاوس يمي
نبدا بسم الله
المقادير
زيت
بصلتين مقطع حلقات
فص ثوم مهروس
قطعتين ستيك بقر ( انا استخدمت ستيك كبير )
3 ملاعق صلصة صويا حلوة
1 فلفل رومي مقطع شرايح
مشروم مقطع شرايح ( انا
استخدمت الفريش ممكن تستخدمي المعلب )
ملح
فلفل اسود
عيش صامولي
مايونيز
جبن شرابح ( اختياري )
الطريقة
حطي الزيت على القدر و شوحي
فيه البصل الين يسير البصل طري بعد كدا حطي الثوم وقلبي شويه
حطي اللحم وقلبي الين يتغير لونه
حطي صلصة الصويا وقلبي
حطي الفلفل الرومي على اللحم قلبيه وبعد كدا غطي القدر الى ان يستوي
اللحم
بعد مايستوي اللحم حطي المشروم وقلبيه لخمسة دقايق وبكذا جهزت الحشوة
اقطعي العيش و ادهنيه من جوا بالمايونيز
حطي شرايح جبن ( الجبن
اختياري ) وبعد كدا املي العيش بالحشوة وقدميها بالعافية
ممكن تقدميها مع بطاطس مقلية أو بطاطس مهروسه زيي او حتى سلطة حسب
ماتحبي
إن شاء الله تكون الوصفة عجبتكم واستفدتوا منها
بالعافيه يارب
اموااااااااه
مرمر
جمييييييييلة جدا بس حابة اسالك البطاطا المهروسة الي في الطبق كيف طريقتها ؟؟؟؟ ققق1
ReplyDelete