كنافة بالتوست و الفستق \ Konafa with toast and pistachios

كيفكم ياحلوات 

اليوم جايبتلكم وصفة كنافه لذيذه و سهلة , انا عن نفسي مرا أحب شي اسمو كنافه خصوصا في رمضان بعد الإفطار ومع القهوة ياسلاااام آخر لزازاة ... 

:-)

طيب يلا نبدأ 

المقادير : 

خليط التوست : 

باكيت توست

كوب فستق مطحون

نص كوب نارجين ناعم

2 ملعقة كبيرة سكر

نص كوب زبدة سايحه

الحشوة :

واحد ونص كوب حليب

4 ملعقة كبيره نشا

4 ملعقة كبيرة سكر

واحد قشطة

الشيره :

كوب سكر

نصف كوب ماء مغلي

ملعقة صغيره عصير ليمون

الطريقة :

اطحني التوست و الفستق ( انا طحنتو خشن لاني أحب الخشن و ممكن تتطحنيه ناعم إذا تحبي )

في وعاء كبير حطي التوست و الفستق و النارجين والسكر وأخيرا الزبدة و لخبطيها كويس ( افضل شي باليد )

في صينة الكنافة اللي تحبيها حطي نصف خليط التوست واكبسيها بيدك بعد كدا نبدأ نجهز الحشوة

في قدر على النار حطي الحليب و النشا والسكر و قلبيها بالمضرب الين تتجانس بعد كدا اطفي النار و حطي عليه القشطة و لخبيطيها مع بعض

حطي الحشوة على خليط التوست في الصينية

حطي النص التاني من خليط التوست فوق الحشوة واكبسيها بس خفيف مرا

دخلي الصينيه الفرن حراراه 180 تقريبا ربع ساعه الين يحمر لونها

لمن تخرجيها اسقيها بالشيره وبالعافية يارب

( الشيره : في قدر حطي كوب سكر و نص كوب ماء مغلي و ملعقة صغيره عصير ليمون و لخبطيه الين يغلي و بعد كدا خليه على نار هادية ربع ساعه )

إن شاء الله تكون الوصفة عجبتكم واستفدتوا

شكرا حبايبي للمتابعه و الدعم الدائم

ودي قطعه لحبايبي 

 اموااااااااااه 

مرمر 

2 comments cooking recipes