Best Products of 2013 / أفضل منتجات لعام 2013

كيف حالكم ياحلوات ؟ اليوم البوست عن اكتر المستحضرات اللي حبيتها في سنه 2013 ، كان أصعب شي إني أختصرهم في عشرة بس لأنه السنة الماضيه جربت كتير وحبيت مرا كتير لو اخدت راحتي محا اخلص L .

طيب نبدا بسم الله وبدون ترتيب معين (يعني احبهم قد بعض ههههه ) :

Lancôme Teint Idole Ultra 24H foundation

الفاونديشن دا من أجمل الفاونديشنات اللي جربتها السنة ،حتى سار من رأيي أحلى من ميك اب فوايفر اتش دي اللي كان حبيبي القديم.

أنا بشرتي مختلطة لجافة (تميل للجافة اكتر) ، مرا ناسبني مايطلع قشور و يندمج بسهولة ، عندهم سيليكشن الوان كبير يعني لازم تلاقي اللون اللي يناسبك.

تغطيته كاملة بس في نفس الوقت خفيف على البشرة ماتحسي بطبقة على وجههك، يقعد وقت طويل مايختفي او يسيح، الفينيش مو مات ولا ديوي في النص كدا اقدر اقول ساتين مع انو خالي من الزيوت.

sigma flat kabuki brush (f80)

دي الفرشاة السحرية لدمج الفاونديشن، تدمج بطريقة حلوة وفلو لس بدون مايسير خطوط، حبيتها مرا سارت شي اساسي في روتيني.

Hourglass Ambient Lighting Palette

اتكلمت عنه بالتفصيل هنـــــــا

Sleek Makeup Brow Kit light

علبة الحواجب من سليك، لو تلاحظوا انو شكلها نفس حقت بنفت و نفس الفكره جهه بودرة و جهه واكس.

اول حاجة تحطي من الواكس و بعد كدا تثبتيه بالبودرة، وطبعا ممكن تستخدمي البودره لحالها ذا تبغي الحواجب تكون ابسط.

المنتج رائع مرا، ملاحظتي الوحيدة انو خدي لون افتح منك لانو غامق يعني انا في العادة استخدم الحاجات اللي تجي مديم بس دا اخدت اللايت وطلع ممتاز.

في منو ثلاثه درجات فاتح و متوسط وغامق و يجي مع ملقاط وفرشتين صفيرة. والعلبه جميلة ومرتبة.

Urban decay NAKED1 palette

وهل يخفى القمر حبيب الكل النيكد , اكتر الوان احبها :

Virgin , Buck , Darkhorse

الحلو في الباليت دا انو الجودة عالية و تقدري تسوي لوكات مكياج مختلفة سواء خفيف للنهار او ثقيل لليل والسهرات .

Too Faced Sweetheart Blush

بلاشر سويت هارت من توفيسد ، نزل العام الماضي و السنة كمان نزلوه بألوان جديدة ، شكله حلو وجودته عالية، متكون من تلاته ألوان ممكن تستخدمي كل لون لحال أو تدمجي الألوان سوا ،انا احب ادمجهم والحلو انه في لمعه خفيفة تغنيكي عن الاضاءة.

Lancôme L'absolu Rouge

اللون

150 Rouge Odyssee

أفضل احمر كلاسيكي جربته السنة من لانكوم، كريمي، يقعد فترة طويلة، مريح، واللون واضح وصريح.

دايما انا في حالة بحث عن افضل احمر ماادري ليش ؟؟

bareminerals moxie lipstick

اللون

get ready

روج من بير مينرال من لاين موكسي، اللون مرا بيجمنتد وقوي يبين معاكي على طول، مرطب جدا وماينشف الشفايف، مريح في الاستخدام ماتحسي بشي يضايق و الباكيجنج فكرتها حلوة.

اللون اللي اخترته تحسيه بنكي روز، فمرا مناسب للصباح و الدوامات لانه خفيف وفريش.

Soap & Glory Peaches and Clean  3-in-1 Wash-off Deep Purifying Cleanser

داعباره عن غسول كريمي منظف للوجه ، انا استخدمه يوميا في الصباح تحسي البشره بعدها نظيفة و بتتنفس خصوصا ريحة المنظف خوخ لانه من مكوناته خلاصة الخوخ، وانا مرا احب ريحة الخوخ يمكن اكتر ريحة فاكهه احبها، فلمن جا المنظف دا ريحتو خوخ و كمان كريمي خلاص سار اساسي في روتيني .

laura mercier almond coconut milk souffle body creme

اتكلمت عنه بالتفصيل هنـــــــا

أتمنى تكونوا استفدتوا وعجبكم البوست

قولولي اش اكتر منتجات حبيتوها السنه الماضية وماتقدروا تستغنوا عنها ؟؟

و اذا عندكم اي سؤال انا موجوه في

تويتر  @murmur_blog

انستقرام murmur_blog

ايميل m.samarkandi@gmail.com

احبكم

مرمر

7 comments Beauty