Hourglass Ambient Lighting Palette Review / ريفيو اور قلاس امبينت لايتينق باودر باليت

كيفكم ياحلوات

 اليوم الريفيو حيكون عن بودرة اور قلاس الاشهر اللي اسمها امبينت لايتنق باودر.

اور قلاس من الماركات الهاي اند الفخمه جدا اللي ماتتلاقى في أي مكان، يعني حتى هنا في بريطانيا تتباع فقط في ببيس ان كي، ليبرتي وسلفردجز.
وطبعا ممكن نجيبها من حبيبنا النت اون لاين.

طيب الباودر دي اش قصتها ؟؟؟

الحلوة اللي انشأت شركة اور قلاس لمن كانت صغيره كانت مامتها ماتحط في بيتها الا لمبات ورديه لانه اللمبات الوردية تعزز شكل البشره وتخليها احلى وانعم. فكانت حاطة في بالها كيف الاضاءه ممكن تغير شكل الوجه والمكياج بشكل كامل سواء تجمله او العكس.

طبعا كلنا عارفين اهميه الاضاءه في المكياج لانه ممكن الشغل يكون بيرفكت ومع الاضاءه السيئة كلو يبان سيء.

البودرة فكرتها انها سيتنق باودر مو اضاءه ، يعني بعد ماتحطي الفاونديشن و الكونسيلر تحطي على وجهك بالكامل و راح تعطي وجهك اضاءه مناسبة، سواء كنتي تحت الاضواء او تحت الشمس او في أي ظرف راح تعطيكي الإضاءة الصح.

فيه منها سته درجات مختلقه تختاري درجتك حسب لون بشرتك. بس لازم تختاريها كويس لانه يعتمد على لون البشرة وقدايش تبغي الاضاءه فلو اخدتي واحد مو لونك او الاضاءه حقته ماناسبتك ممكن مايعجبك.

الدرجات المتوفرة تناسب كل البشرات بكل السكن تونز.

الفيديو دا يشرح كل سكن تون اش تناسبها مرا مفيد وحلو

https://www.youtube.com/watch?v=jtsfnGUGba4

الشي اللي كان محيرني في الباودر دي سعرها لانه اللون الواحد ب 38 باوند ، و انا طبيعتي مااستخدم باودر كتير لانه بشرتي مختلطة لجافة، بس المدح عليها كان مو طبيعي يعني تقريبا كل اليوتيوبيات اللي احبهم واثق في رايهم مدحوها.

والصراحة ماندمت اني جبتها جميلة جميلة لابعد شي، اعطاني اللوك الديوي اللي احبو بشكل فريش وخفيف وبدون مايكون قليتري او شيمري . يعني كانو وجههك صحي و ينور.

عشان موسم الهوليداي اور قلاس نزلوا باليت فيها ثلاثه الوان اسمها

Hourglass Ambient Lighting Palette

 

فيها تلاتة الوان  لونين من الدائم وواحد ليتمتد. ويجي معاه برايمر اور قلاس المشور اللي يعتبر من افضل مبيعاتهم.

والباكيجنج فخم يفتح النفس، حتى علبه البرايمر قزاز.

الالوان اللي فيها

Dim Light

دا اكتر لون ناسبني ، الوصف حقه انو بيج على مشمشي طبيعي و انه يغبش العيوب عن طريق الاضاءه . يناسب البشرة الوسط والغامق.

دا االلون متوفر وتقدري تاخديه لحالو.

سواتش من النت

 

Incandescent Light

دا وصفة انه اضاءه لؤلؤيه، لونه بيج فاتح. الاضاءه فيها والشيمر اكتر من بقية الباودرز (عن نفسي ارتحت استخدمها على عظمه الخد كإضاءه) .

اللون دا ليتمد اديشن للباليت.

سواتش من النت

Radiant Light

دا وصفه انه ذهبي بيج ، لازم احط منه كتير عشان يبان فيناسب البشرات البيضه اكتر من الوسط او الداكن.

دا اللون متوفر وتقدري تاخديه لحالو.

سواتش من النت

بالنسبة للبرايمر، انا استخدم بنفت بورفشنال وحتى مو دايما كتير انسى هههه ، الصراحة حبيت حقت اور قلاس اكتر تحسي يخلي وجهك مرا ناعم وجاهز توزعي عليه الفاونديشن بشكل مرتب و فلولس.

سعر المجموعه 56 باوند يعني كقيمه و فاليو انتي مابتوفري ولاشي، بس زي حالتي ابغا اجرب المنتج كان مرا مفيد و عملي.

اتمنى تكونوا استفدتوا وعجبكم الريفيو

و اذا عندكم اي سؤال انا موجوه في

تويتر  @murmur_blog

انستقرام murmur_blog

ايميل m.samarkandi@gmail.com

احبكم

مرمر

1 comment Beauty