laura mercier almond coconut milk souffle body creme review / ريفيو سوفليه الجسم من لورا مرسييه باللوز وحليب جوز الهند

كيف حالكم ياحلوات

اليوم حسوي لكم ريفيو عن البودي سوفليه من لورا مرسييه ،، اوكي نبدا بسم الله

السوفليه من لورا مرسييه انتشر موخرا في عالم اليوتيوب والتدوين ، فمرا اتحمست اجربه خصوصا اني لو تعرفوني احب شي اسمه زبدة جسم وترطيب لانو بشرة جسمي جافة ،ومع الجو البارد بتسير جافه اكتر .

رحت على الكاونتر حقهم في جون لويس و حطيت على يدي وخرجت ،الترطيب فضيع يعني رطب يدي وامتص الكريم بدون مايدهن ويلصق و الريحة مو بس تاخد العقل جميلة جميلة جدا بشكل مااوصفو ، المهم رحت البيت  وطبعا غسلت يدي والريحة مازالت ماسكة !!!

بعد كدا قررت اجيبو و اخدت نفس الريحة اللي جربتها اللي هيا

almond coconut milk

لانو هيا اكتر واحدة عجبتني و في بالفستق كمان عجبني ،،

هوا أسمو لوز و حليب جوز الهند بس جوز الهند ريحتو مو مرا مركزه ، ولا اللوز ريحتو مركزه كدا مسويينه بطريقة عجيبة ولذيذة .

اذا حطيتي السوفليه على جسمك ولبستي بعد كدا او نمتي او حتى لبستي شرشف الصلاة كلو حيسير ريحتو سوفليه الملابس ، الفراش ، الشرشف ، من جد ريحتو فيها ثبات حلووو وفي نفس الوقت مو قوي لدرجة الغثيان .

التركيبة ناعمه جدا تحسي انو اخف من زبدة الجسم و في نفس الوقت اثقل من اللوشن يعني إن بتوين.

تقييمي للمنتج 10/10 

وفي النهاية اقول ذا حابة تدلعي نفسك و انتي تحبي الكريمات تبعتك ،انصحك تجربيه ومحا تندمي .

بانسبة فين تلاقوه فللأسف مافي في السعودية لسا

موجود في دبي في  

BLOOMINGDALES

و طبعا موجود في الأون لاين حبيب قلبنا

امازون

http://www.amazon.com/Laura-Mercier-Body-Bath-Coconut/dp/B000F5HADA

نوردستروم

http://shop.nordstrom.com/S/laura-mercier-almond-coconut-milk-souffle-body-creme/2893147?origin=category-personalizedsort&contextualcategoryid=0&fashionColor=&resultback=4560&cm_sp=personalizedsort-_-browseresults-_-2_13_A

اتمنى البوست عجبكم واستفدتوا منو

اموااااااه

مرمر

1 comment Beauty