Favotites \ مفضلات

كيفكم ياحلوات

اليوم التدوينه حتكون عن مفضلاتي الفترة اللي فاتت ، ماكنت بنزل شهريا فجمعت حق الفترة الماضية في بوست 

 واحد . البوست طويل شويه فحضروا كوب شاي و مخمخوا عليه.

نبدأ بسم الله بالمفضلات المكياجية

 

 theBalm Meet Matte Nude - Eyeshadow Palette

 

اول شي هو الباليت المطفي من ذا بالم ، شادوهات بالم من الشادوهات المفضلة عندي تركيبتها ناعمه و مرا بيجمنتد و تبين معاكي على طول ، الباليت بالكامل الوانه مطفية و كلها طبيعية وبنستخدمها دايما ، اذا تحبوا اسوي ريفيو مفصل عنها قولولي .

تلاقوه اون لاين هنا :

 http://www.asos.com/the-balm/thebalm-meet-matte-nude-eyeshadow-palette/prod/pgeproduct.aspx?iid=4132475&clr=Mattenude&SearchQuery=thebalm&pgesize=22&pge=1&totalstyles=22&gridsize=3&gridrow=6&gridcolumn=1

 

CHANEL SOLEIL TAN DE CHANEL BRONZE UNIVERSEL    

Bronzing Makeup Base

 

برونزر شانيل اتوفع مافي احد مايعرفو خصوصا لو انكم من الناس اللي تحبو التان و البرونزاج ،شوفوا انا مو مرا مع التان بس دا استخدمه ككنتور خفيف مرا بفرشة الكونتور حقت ريل تكنيك مرا يعطي دفئ للوجه ، يمكن لونه مايناسب الكل ككنتور في دي الحاله ممكن تستخدميه كبيس قبل الاساس و حيطلع جميل.

تلاقوه في أي محل عندهم ستاند شانيل زي باريس قاليري .

 

CoverGirl Outlast Stay Fabulous 3-in-1 Foundation + Broad Spectrum SPF 20

 

كريم اساس كفر قيرل ، قبل فترة اخد ضجه في عالم البلوغينق و اليووتيتوب ، من اهم خصائصة انه فل كفر و انه يسوي 3 اشياء مع بعض برايمر + كونسيلر + فاونديشن مع حماية من الشمس اس بي اف 20 .

طبعا لمن بيكون فل كفر انا اخاف انه يجفف وجههي زيادة لانه بشرتي جافة ، بس الحمد لله مرا ناسبني و حبيته صح انه مايغني عن الكونسيلر لكن حتغطية ممتازه و بالنسبة لسعره بيرفكت (سعره في موقع درق ستور قريب من 10 دولار يعني ااقل من 40 ريال !! ) .

تلاقوه اون لاين هنا :

http://www.drugstore.com/covergirl-outlast-stay-fabulous-3-in-1-foundation-broad-spectrum-spf-20-classic-ivory-810/qxp452123

 

 Laura mercier Secret Brightening Powder 

 

بودره لورا مرسييه سيكرت بيرايتتنق باودر ، تستخدم كاضاءه لتحت العين لتثبيت الكونسيلر ، حبيتها لانها تعطي اشراقة لتحت العين بدون مايبين ابيض و مصطنع بالعكس يبين طبيعي لانه البودرة مرااا حبيباتها ناعمه كانها تدوب في الوجه .

تلاقوه اون لاين هنا :

http://shop.nordstrom.com/s/laura-mercier-secret-brightening-powder/2833369?origin=category-personalizedsort&contextualcategoryid=0&fashionColor=&resultback=8061&cm_sp=personalizedsort-_-browseresults-_-1_21_B

Nars (luster,sin) blushers

 

بلاشرا نارس زي ماتعرفوا هي المفضلة عندي و اتكلمت عن مجموعتي بشكل مفصل هنــــا ، الفتره اللي فاتت علقت على اللونين دول ، حلوين مرا للخريف (طبعا عندنا مافي خريف كله صيف في صيف بس حلو اننا بنحسس نفسنا انه الفصول بتتغير عن طريق المكياج هههه ) .

 تلاقوه اون لاين هنا :

http://www.asos.com/nars/nars-blush/prod/pgeproduct.aspx?iid=1572756&clr=Desire&SearchQuery=nars+blush&pgesize=5&pge=1&totalstyles=5&gridsize=3&gridrow=2&gridcolumn=1&affId=2445&WT.tsrc=Affiliate&zanpid=1969378072407213056&r=2

 

Revlon ColorBurst Matte Balm standout

 

روج ريفلون المطفي . اتكلمت عنه بالتفصيل هنـــــا

 

Revlon ColorBurst Lip Butter lollipop

 

ريفلون الليب بتر ( زبدة الشفايف ) من اكتر التركيبات المحببه لقلبي يمكن من التوب تن في منتجات الدرق ستور بالنسبة ليا ، الوان واضحه و ترطيب جميل . الوانه كمان متنوعه من غامق لفاتح و الفتره اللي فاتت كنت معلقة على لولي بوب لون فوشيا فاقع بس مو مرااا فاقع دا سواتش من النت عشان تفهموا قصدي :

 

  http://www.bellachique.be/2012/09/revlon-colorburst-lip-butter-in-lollipop-makes-my-lips-sing/

 

ريفلون بدات حركه زبدة الشفايف و بعدها كتير شركات كررت الفكرة ، بس للان ريفلون المفضلة عندي و جمعت كتير الوان من الكوليكشن لاني حبييييتو .

ريفلون متوفرة في صيدليات بوتس و سنتر بوينت .

اخر منتج شفايف هو المزج بين قلم ماك سبايس و روج بيتش بلوسوم من ماك ، مرا يعطي لون طبيعي و حلو ، و مع القلم بيقعد وقت طويل مايروح لاني اعبي شفايفي بالكامل بالقلم و بعدين احط فوقه الروج . سبايس من الاقلام اللي تتطلع حلوة مع كل الوان الارواج .

 

Bobbi Brown 'Bronze Shimmer' Brick Compact 

 

اضاءه الشيمر بريك من بوبي بروان لون البرونز ، حلوه لمناطق اعلى الخد و على مدمع العين تعطيكي اضاءه طبيعيه يعني يوميه اكتر من انها للسهرات . تستاهل المدح  وتستاهل انها الاكتر مبيعا عند بوبي براون ، هو اول منتج اجربه من عندهم و حمسني اجرب منتجات زيادة .

موجود بالرياض و اون لاين هنا :

 http://shop.nordstrom.com/s/bobbi-brown-bronze-shimmer-brick-compact/2806471?origin=category-personalizedsort&contextualcategoryid=0&fashionColor=&resultback=7866&cm_sp=personalizedsort-_-browseresults-_-1_20_A

 

Sally Hansen Insta-Dri Anti-Chip Top Coat

 

التوب كوت من سالي هانسن ، اذا تعرفوني انا مو مرا مع المناكيرات لانها تاخد وقت لمن تنشف و احيانا تتلغوص و تعصبني ، مع دا التوب كوت مرا ينشف بشكل سريع و يعطي لمعه حلوة .

اعتقد متوفر في وجوه .

 

Batiste Dry Shampoo Original - Clean & Classic

 

نجي للمفضلات الغير مكياجية ، اول شي شامبو بتيست احببببه لانه انا طبيعة شعري مرا دهني ممكن اذا استحميت الصباح المسا يبدأ يدهن ، تبخي عليه شوية من شامبو بتسيت و تحركيه شويه يمتص الدهون و كمان يعطيكي ريحة نظافة حلوة .

تلاقوه في صيدليات بوتس .

 

Origins Drink Up Intensive Overnight Mask

 

ماسك الترطيب من اويجنز ، هو عبارة عن اوفرنايت ماسك تحطي منه طبقة في الليل قبل النوم و ماتمسحيها، تصحي الصباح تلاقي وجههك مترطب و ندي ، ريحته حلوة و لمن تحطيه حتحسي انه يدبق بس معليش لانه ياخد وقته الى ماتمتصه البشرة . حبيتو و سار من الاساسيات بالنسبة ليا لازم في الأسبوع مرا أو مرتين احطو بما انه بشرتي جافة و دحين مع نقطة الشتاء اللي عندنا في جدة بتنشف زيادة .

تلاقوه في موقع بوتس و دا الرابط :

 http://www.boots.com/en/Origins-Drink-Up-Intensive-Overnight-Mask_1016866/

 

Soap & Glory Sugar Crush Body Scrub 

 

مقشر من شركتي المفضلة سوب اند قلوري ، دا المقشر مختلف عن حقهم المشهور ، مصنوع بحبيات السكر البني و ريحته لايم على سكر على شي لزيز مني قادرة اوصفة ، اول مره اخلص مقشر بدي السرعه خلصته و حطيت جوت العلبه حقته اقطان الوجه حقتي عشان تاخد الريحة ، كيف بس التفكير هههههه .

من ناحية القشير حلو وحبيباته تدوب معاكي بس لاتحطيه على الوجه لانه خشن و بعد التقشير ضوري مرطب كويس و الافضل زبدة جسم .

تلاقوها في صيدليات بوتس .

الزبده دي اخدتها من باث اند بودي قبل فترة طويلة و دوبي  اللي استخدمها ، حلوة و ريحتها انتعاش خفيف ، ترطيبها كمان جميل بالذات بعد التقشير ، حبيتها بس مازلت افضل زبدات سوب اند قلوري اكتر .

واخيرا نظارتي الكارتير ، انا من انا ابتدائي البس نظارات وجربت انواع كتير دي حبيتها لانها حلوة ، شيك ولونها محايد يناسب مع كل شي و انها ماشاء الله قويه وتتحمل.

اختبار القوه عندي اني انام بيها و اصحى القاها ماانعوجت هههههه ، و طبعا الشي دا اتكرر معايا كتير اكون ماسكة جوالي اقلب فيه وانام على نفسي بالنظاره ، دا غلط انا عارفة بس ليش ننكر ترا بتحصل كتير . الشي اللي من جد اليم لمن انام و انا ماسكة الجوال يطيح على وجههي اااييي . كاني غيرت الموضوع عن النظاره هههههه .

و من اختبارات القوة عندي كمان انها ماتتشكل على وجههي مع الوقت بماانه وججي مدور بعض النظارات تتفشخ من الاطراف و تسير واسعه الحمد لله ماواجهت المشكلة دي هنا .

اخدتها من مغربي .

عارفه انه البوست طويل و كلامه كتير بس ان شاء الله تكونوا استفدتوا و نشوفكم على خير في التدوينه القادمة .

3 comments Beauty