Becca Opal Shimmering Skin Perfector Pressed Review \ ريفيو اضاءة بيكا اوبال

كيف حالكم ياحلوات

اليوم الريفيو عن اضاءه بيكا المشهورة

Opal

انا عرفتها من اليوتيوبر المفضله عندي جاكلين هيل ، و بعدها بفتره انشهرت زياده لانه نجمه الانستقرام امريزي طلعت تستخدمه و تحبه.

هنا صور ليها من حسابها مستخدمه الاضاءه

http://instagram.com/amrezy

الاضاءه نستخدمها في العادة لمنطقة عظمه الخد ، مدمع العين ، تحت الحواجب و فوق الشفايف ، يعني لها اكتر من استخدام و ممكن كمان تحطيها على منصف الشفايف يعطيكي امتلاء حلو.

اضاءه اوبال لونها لؤلؤي ذهبي ، لونها افتح من ذابالم ماري لو (ماري لو جي على ذهبي اكتر) ، وكتير يشبهوها بماك ويسبر اوف قيلت بس انا ماجربت الماك .

تركيبة البودرة نااااعمه مرا كانها زبدة وسهله في الدمج و تقعد فتره طويله على الخد مايتغير لونها .

اللون جدا جدا بيجمنتد نتفه تكفيكي ، فلازم تنتبهي و انتي تحطيها ماتكثري لانه حتبين عيوب الوجه ، و يفضل يستخدم معاها الفرشة اللي تجي شكلها كانها مروحه و بيد خفيفه مرا عشان يطلع بيرفكت .

صورة للفرشة :

سواتش من النت :

مرا انصحكم فيها اذا تحبو الدرماتيك هايلات ، تعرفوني احب اللوك الديوي الصحي فكان بيرفكت بالنسبة ليا و حيكون اكيد من ضمن مفضلاتي .

اتمنى البوست عجبكم واستفدتوا منه

نشوفكم على خير في التدوينة القادمة

1 comment Beauty