كيف حالكم ياحلوات
اليوم الريفيو عن مجموعه صغنونه من
لورا غيلر ، برضو المجموعه من مجموعات الكريسماس و تعتبر فاليو سيت.
المجموعه زي ماانتو شايفين تتكون من
بلاشر و قلوس ، اللي حمسني اخدها اني ماجربت لورا قيلر قبل كده و شفت كتير
يوتيوبرز وبلوغرز يمحوا البلاشر المخبوز حقهم . المجموعه فيها بلاشر و قلوس و سعرها 25
دولار (البلاشر فل سايز و القلوس كمان) بينما البلاشر لحاله سعره فوق 27 دولار و
القلوس فوق 19 دولار يعني مرا التوفير كبير .
البلاشر من النوعيه دي هو بلاشر
مخبوز لمدة 24 ساعه (متخيلين ؟)
درجة البلاشر
Roseberry
لونه روزي على بينك فيه شيمر خفيف
بس لمن تحطيه مايبين معاكي يبين ساتين اكتر.
حبيته، نقطه منه تكفي لانه مرا
بيجمنتد ، ولونه مرا يعطي الخد توريده حلوة وطبيعيه .
سهل الدمج و يقعد فتره طويلة مايبهت
بسرعه . حمسني اجرب من عندهم درجات تانية .
سواتش من النت
تاني لون من اليمين
بالنسبة للقلوس لونه مرا قوي مااتوقعت كدا يعني كانه روج لماع
.
من ناحيه اللون فهو رائع بس الثبات
مو مرا اتوقع لانه قلوس و في العاده القلوسات ماتتطول كتير.
جميل بس فيه الاحسن منه ، مرا كتير لو اشتريه لحاله ب19 دولار يعني في
الاحلى بنفس السعر او ارخص ، مااتوقع حارجع اشتريه او اخد درجات تانية الا اذا كان
زي كده جاي مع فاليو ست .
سواتش من النت
هنارابط نوردستورم
اتمنى التدوينه عجبتكم و استفدتوا
منها
نشوفكم على خير في التدوينه القادمة
0 comments:
Post a Comment
تسعدني تعليقاتكم أو استفساراتكم :-)