كيفكم ياحلوات
اليوم جيتكم بريفيو عن مجموعه تارت للشفايف
، طبعا المجموعه ليتمد اديشن بمناسبة موسم الكريسماس . من فتره وانا نفسي اجرب منتجات
الشفايف حقتهم اللي تجي على شكل جمبو بنسل تارت مسمينها ليب سيرجنز ، لمن حطوها في
مجموعه طبعا كان بونس لانه فرصة لسا اجرب اكتر من منتج، المجموعه تحتوي على 6
منتجات بمختلف الفينشز :
4 ليب سيرجنز كريمي
Dreamy, Alluring, Innocent & Dainty
2
قلوس سيرجنز
Kiss & Belle
2 ليب سيرجنز مطفي
Eternal & Fancy
الالوان الموجوده في المجموعه غير متوفرة
في المجموعه الدائمه.
حبدأ مع المجموعه الكريميه
السواتشات من بلوغ ايميلي (من اوائل
اليوتيوبرز اللي تابعتهم و مازلت اتابعها)
الالوان من فوق اليسار
Dreamy
لون فوشي
من فوق اليمين
Alluring
لون روزي (المفضل عندي)
من تحت اليسار
Innocent
لون نود بيج
من تحت اليمين
Dainty
لون وردي فاتح
تركيبتها كريميه ناعمه وتعطي لمعه خفيفة ،
مريحه في الاستخدام ، بعضها تحسي كانك حاطة قلوس اللون مو مرا مبين زي اللونين
اللي تحت ، و الباقي لونه واضح كانه روج زي اللونين اللي فوق .
اللون اللي فوق على اليمين هو المفضل عندي
مرا مرطب ولونه واضح.
الثبات متوسط يعني تقريبا 3 ساعات بدون اكل
وشرب ، ويحتها نعناع منعش بس مافي الشعور اللي كانه يدغدغ .
اللي مايحبو ريحة
النعناع في الارواج مااظن حتناسبهم.
نجي للالوان المطفية
سواتشات من النت
اللون على اليمين
Fancy
لون فوشي توتي
اللون على اليسار
Eternal
لون كورالي على برتقالي
انا اخدت المجموعه لاني كنت
متحمسه على الارواج المطفيه اكتر شي ، وفعلا طلعت مرا مريحة في الاستخدام ، مع انها مطفية
لكنها كريميه وناعمه .
طبعا لازم الشفايف تكون مترطبه و مافيها
قشور عشان اللون المطفي دايما يبين القشور بشكل مزعج. ثابته مرا يعني تقريبا بدون
اكل وشرب تقعد اكتر من 5 ساعات ، و برضو ريحتها نعناع بدون شعور الدغدغة.
نجي على اخر مجموعه و هي القلوسات
سواتشات من النت
اللون من اليمين
Belle
لون موف بدون شيمر
اللون من اليسار
Kiss
لون وردي مع قلتر ذهبي
القلوسات جميلة ، شويه تلصق و اتوقع انه عشان كده بيقعد وقت اطول . حبيت اللون الموف اكتر يعطي لون حلو على
الشفايف.
المجموعه ككل مرا حلوة لانه بتاخدي مجموعه
من الارواج بدرجات الوان مختلفة و بفينشز مختلفه ، و باحجام صغيره (عجبني انها
احجام صغيره لانه في النادر بنخلص حجم كبير من الروج) .
تقدري تاخديها من نفس موقع تارت ، يقبلوا
فيزتنا و انا استخدم ارامكس شوب اند شيب.
و ممكن تاخديها من التاجرات شفت تاجرات
كتير يوفروها .
اتمنى التدوينه عجبتكم و استفدتوا منها
نشوفكم على خير في التدوينه القادمة
0 comments:
Post a Comment
تسعدني تعليقاتكم أو استفساراتكم :-)