كيف حالكم ياحلوات
اليوم
البوست حيكون عن مفضلاتي حقت العناية لسنه 2014 ، كل سنه وانتم طيبين و يارب تكون
السنه الجاية سنه خير و بركه و سعادة لنا و للامه الإسلامية كلها.
أنا اعشق
البوستات حق مفضلات السنه لانه الواحدة تكون جربت المنتج مرا كويس و حبته من قلبها
قبل لاتحطه، و اكيد انه كمان من كتر ماحبته حتشتريه تاني و تالت وعاشر مرا.
كنت ابغا
اجمع كل المفضلات في واحد بوست بس قلت افصلهم احسن عشان لايسير البوست مرا طويل
وممل ،فحيكون البوست اليوم عن مفضلات العناية و حنزل بعده مفضلاتي المكياجية إن
شاء الله
J
طيب يلا نبدأ بسم الله بالمفضلات
Laura Mercier Almond Coconut Milk
Soufflé Body Crème
سوفليه
الجسم من لورا مرسييه بريحة جوز الهند واللوز
اتكلمت عنه بشكل مفصل هنــــــا
Soap & Glory Sugar Crush Body Scrub
حبيت
المقشر دا بشكل ، مرا يقشر بذمه و الاهم انه ريحته تجنن و ثابته ، بعد ماخلصت
العلبة الاولى نظفتها و خليتها علبة للاقطان حق الوجه عشان تتعطر ههههه و من جد
اتعطرت.
تلاقوه
في صيدليه بوتس.
Soap & Glory Clean, on me Body Wash
الشاور
كريم برضه من سوب اند قلوري ، ترا منتجات سوب اند قلوري كلها بالنسبة ليا العشق ،
و منتجات العنايه بالجسم مافي احد مايحبها لانها ممتاااازه ، الشاور جل ريحته
ثابته و بعد الترويش تفضل في الحمام الله يكرمكم و فيها نسبة ترطيب بس بسيطة.
تلاقوه
في صيدلية بوتس.
Lush
Mint Julips lip scrub
The
body shop Vitamin E Lip Care SPF 15
منتجين
للشفايف كانه ابطالي ، مقشر من لش بريحة النعناع تقشيره لطيف و منعش . و مرطب بودي
شوب من لاين فيتامين أي ، الصراحه دا اللاين ابدا ماناسبني و جفف بشرتي وتعبها بس
المرطب مرا كان حلو و حبيته و دا تاني واحد عندي منه و كمان فيه نسبة حماية خفيفة
من الشمس.
Origins Drink Up Intensive Overnight Mask
انا لمن
ادور ماسكات دااايما ادور على ماسكات الترطيب و حبيت اتنين ::: الاول من اويجنز و
هو الماسك اللي تحطي منه طبقة قبل النوم تصحي تلاقي البشره شربته و اترطبت مضبوووط
يعطي البشره نضاره ملحوظه .
هو لمن ينحط تحسي بيه ثقيل على الوجه بس منتجات الترطيب الليلي غالبا تكون ثقيلة وتلصق عشان تعطي مفعولها بشكل احسن بعكس منتجات الصباح اللي
المفروض تكون خفيفة و تمتصها البشره بسرعه.
تلاقوه
اون لاين.
HydraQuench Cream-Mask
الماسك
التاني برضه للترطيب بس دا تخليه 10 دقايق و تمسحيه بقطن مبلول ، ريحته حلوة
مفعوله عجبني يبين معاكي فرق على طول بس طبعا مو تحطيه و خلاص يعني بعد ماتخلصي
لازم الترطيب و لامحا يكون له فايدة.
تلاقوه
في سيفورا.
HydraQuench
Lotion SPF15
من نفس
اللاين حق الماسك تبع كلارينس اخدت كريم الترطيب الصباحي ، فيه نسبة حماية من
الشمس و ريحته حلوة و ترطيبه يجنن يعني اكتر شي عجبني انه لمن احطه و لادقايق الا
امتصته البشرة و بدون مايجففها ، حبيته مرا من احلى كريمات الصباح اللي اتعرفت
عليها السنه الماضية.
تلاقوه
في سيفورا.
Soap & Glory Make Yourself Youthful
Rejuvenating Facial Serum
احب دا
اليسيروم من زمان ودي علبتي التالته ،
مريح في الاستخدام و تلاحظي معاه بفرق بس اهم شي الاستمراريه يعني مو يوم تحطي
وعشرة لا كدا ماينفع ، لازم مع منتجات العنايه تستمري و لاحيروح تعبك على الفاضي.
تلاقوه في
صيدلية بوتس.
Botanics 100% Organic Rosewater Toning Spritz
دا
التونر بخاخ مرا مرا منعش و ريحته مويه ورد ، انا احبه عشان ريحته واحساس الانتعاش بس كمفعول التونر فهو عادي،
تبخي كم بخه على الوجه وتتمسح بقطنه.
تلاقوه
في صيدلية بوتس.
البايوديرما
مابقي احد مااتكلم عنه ، زمان كنت استعمل واحد نفس الفكره من لوريال كان ارخص و
بنفس المفعول بس مني لاقيته مرا ، اخدت البايودرما حلو و خفيف يمسح على السريع زي
مناديل تمسيح الوجه بس الطف ، طبعا مااكتفي بيه لازم بعدة منظف اثقل انا احب
استعمله اول عشان يشيل تقريبا 60% من المكياج.
Soap & Glory Peaches and Clean 3-in-1
Wash-off Deep Purifying Cleanser
غسولي
المفضل للصباح اتكلمت عنه كتير قبل كده ، ينظف و ريحته تنعش و اهم شي مايجفف
بشرتي.
تلاقوه
في صيدلية بوتس.
Neocell,
Super Collagen+C, Type 1 & 3, 250 Tablets
حبوب
الكولاجين اخدته من تاجره في انستجرام اخدتها لاني سمعت عنها كتير كيف انها تحسن
البشره والاظافر و فعلا انا خلصت علبه كامله و اقدر اقولكم تجربتي معاه ، فعلا
لاحظت فرق احس بشرتي سارت نضره اكتر بس طبعا يبغاله وقت الين ماتبين النتايج
مايبان في يوم وليلة. حبيته وبدات العلبه التانية .
التاجرة : _natural_UK
Miss
Dior Blooming Bouquet
Love,
Chloé
العطور
اللي حبيتها السنه ريحتها مايلة للزهور اكتر شي ، اول شي عطر مس ديور بلومينق بوكيت ريحته
ورد منعش ، و كلوي لوف زي ماانتوا شايفين اولموست خلص ، ريحته ورد بس على بودرة
انوثي مرا و ثااابت.
اتمنى البوست
عجبكم واستفدتوا منه
نشوفكم على
خير في التدوينة القادمة
رائع جدا يا مرمر وربنا يسعدك على الوقت والجهد اللي بتبديله عشان الغير يستفيد من تجاربك الجمالية وكاننا نشم ريحة العطور من صفحتك دام قلمك يا غاليتنا
ReplyDelete