مشترياتي من ويت ان وايلد \ Wet 'n' Wild haul

كيفكم ياحلوات

اليوم حتكلم عن الجزء التاني من مشترياتي من الدرق ستور ، الجزء الاول نزل قبل كم يوم تلاقوه في الرابط هنـــــــا

و زي ماقلتلكم في الجزء الاول انه الجزء التاني حيكون عن مشترياتي من ويت اند وايلد .

 ويت اند وايلد انشهرت مرا بجودتها و رخص اسعارها ، يعني الاسعار حقتها مو طبيعيه. اخدت منهم كم شي و جربت شويه حعطيكم رايي المبدئي فيها.

اول شي حتكلم فيه الشادوهات ، عندهم باليتات متنوعه في من 3 الوان و في من 8 الوان ، بالنسبة ليا ركزت على الالوان الطبيعيه اكتر.

 زي ماانتو شايفين كل لون مكتوب عليه في ايت جزء من العين تستخدميه مرا الفكره حلوة بس طبعا مو ضروري تتقيدي فيها.

التعليب بشكل عام ماشي حاله على قد سعره يعني ، بس جودة الشادوهات صدمتني بس بشكل حلو ، نعومه و ثبات و سهوله في الدمج شي صراحة مرا ماكنت متوقعته ، وفي الوان غريبه وجديدة ، يعني الشادوهات دي تستاهل المدح اللي عليها واكتر.

الاالوان اللي عندي

من اللي فيها  3 الوان

wet and wild walking on eggshells

هنا سواتش له من النت

wet and wild silent treatment

 هنا سواتش له من النت

و العلبه اللي فيها 8 الوان

wet and wild comfort zone

هنا سواتش له من النت

(شوفو اللون اللي تحت اول واحد من اليمين ،،،، مرا عجبني و يتقارن مع ماك بلو براون بيجمت)

بالنسبة للبلاشر اخدت لون واحد ، حلو و ثباته عالي كمان نقطة تكفي حبيته و حمسني اجرب زيادة ، اللون حقي

 wet and wild mellow wine

هنا سواتش له من النت

و بعد كده الارواج يمكن اكتر شي مشهور عندهم ، وللاسف اكتر شي ماعجبني ، حاولت احبه ماقدرت ناشف ناشف نااااشف كانه طباشير فااضطر استخدمه مع مرطب او روج تاني يكون فيه ترطيب. 

دا غير التعليب الاسوأ من سيء ماحبيته :-(

انا ماجربت الا اللون النود يمكن يختلف حسب اللون ماادري بس صراحة ماحبيته و ماحسيته يستحق المدح اللي عليه.

الدرجات اللي اخدتها

الاحمر

wet and wild spotlight red

هنا سواتش له من النت

النود

wet and wild just peachy

هنا سواتش له من النت

الاورنج

wet and wild just purty persimmon

 هنا سواتش له من النت

واخر شي اخدته هو اي لاينر واخدت لونه بنفسجي من باب التغيير ، ولسا ماجربته للان لو جربته حاعطيكم رأيي فيه إن شاء الله.

wet and wild mega liner

اللون هو

Plum

وهنا سواتش له من النت

تاني واحد من اليمين

دا كان بوست اليوم خفيف ولطيف ، إن شاء الله يكون عجبكم واستفدتو منه

نشوفكم على خير في التدوينة القادمة 

1 comment Beauty, haul