كيفكم ياحلوات
اليوم
البوست حيكون عن مشترياتي الاخيره من الدرق ستور ، كل المنتجات تلاقوها في موقع
درق ستور المشهور و هذا الرابط :
مرا حلو
الموقع و خدمتهم ممتازه ، ودايما يسوو
عروض و اشياء تحمس ، المهم انا قسمت مشترياتي لجزأين دا الجزء الاول اشياء مختلفة
من كذا ماركه ، اما الجزء التاني حيكون بس من ماركة ويت اند وايلد.
اووكي
نبدا بسم الله مع المشتريات
CoverGirl
LashBlast Clump Crusher Mascara
اول شي
الماسكرا المشهورة من كفر قيرل ، مرا متحمسة اجربها على قد المدح اللي سمعته عنها
في كل السوشيال ميديا ، بس مابدي افتحها الين اخلص اللي فاتحته لانه مااحب افتح
ماسكرات كتير في نفس الوقت.
CoverGirl
Lip Perfection Lipstick
وبرضه من
كفر قيرل الروج حقهم اخدت درجة
Ravish ravir
اللون من
الواني المفضلة اللي يجيكي روزي على موف، جميل و جربته عجبني مرا صراحة
مااتوقعته يعجبني هو شويه حسيته جاف عليا بس دا الشي ساعد انه يثبت اكتر.
هنا صورة
سواتش من النت
Milani
Color Statement Lipstick
روج من
ماركة ميلاني ، برضه كتير من اليوتيوبرز اللي اتابعهم واحبهم يعجبهم فقلت خليني
اجرب ، اكتشتفت اني اخدته لون مرا قريب من لون الكفر قيرل بس مو مشكلة اللون مرا
حلو ، الصراحه لسا مااقدر اقول رايي في الروج لاني ماجربته كفايه.
Revlon
Super Lustrous - Creme Lipstick
روج من
ماركتي المفضلة لارواج الدرق ستور ريفلون ، اللون دا دورت عليه كتييييير ومالقيته
و اخيرا جبته و حطيته ضمن مفضلاتي للسنه تلاقوه هنـــــــا.
اللون هو
Cherries
in the Snow
Revlon
ColorBurst Lip Butter
و عشقي
لزبدة الشفايف من ريفلون لايتنهي مرا مرا احبها و اخدت من عندهم ثلاثه الوان
الظاهر كان في عرض او شي ، بنات ترا انا اخدت الاغراض من فتره ففي اشياء جربتها و
اشياء ناسية سعرها وكده.
على
العموم الالون اللي اخدتها هي
pink
truffle
red
velvet
sugar
plum
واتكلمت
عن واحد منهم برضه في بوست المفضلات حقت السنه هنـــــــا
Maybelline
ColorSensational Color Whisper Lipcolor
وهنا
المنتج من نفس فكره زبدة الشفايف بس من ميبيلين ، لسا تحت التجربة بس للان حابه ريفلون اكتر.
Maybelline
ColorSensational Color Elixir Iridescents Lipcolor
ومن
ميبلين كمان القلوسات اللي انتشرت بشكل مو طبيعي هي كولور اليكسير ، للان ماجربتها ، الله يهديني اخدت لون قوي شويه ندمت مااخدت لون روزي او نود.
Almay
Color + Care Liquid Lip Balm
و دا
مرطب من المي ، لونه ناتشورال ، هو مكتوب عليه انه ليب كير بس ترطيبه عادي، حبيته
فوق الارواج اكتر.
Maybelline
Baby Lips Moisturizing Lip Balm SPF 20
واخر شي
متعلق بالشفايف هو البيبي ليبز من ميبلين ، هو اشتهر كتير ،بصراحة هو حلو بس مو
واو يعني مايستاهل المدح اللي كان عليه. يمكن اي يوس اللي على شكل بيضة احسن صح
ترطيبه مو داك الشي بس على الاقل في في الباكيجينق حقته فكره حلوة .
Maybelline
Eye Studio Brow Drama Tinted Gel Mousse
واخيرا
هي ماسكرا الحواجب من ميبلين ، صراحة عجبتني و ماعجبتني ، عجبني الراس حقها (حطيته
في انستقرام من مده ) الراس حقها مرا يرتب الشهر و سهل انه يوصل لكل شعره
،وماعجبني انه اللون يادوووب يبان ، يعني حسيتها ترتيب اكتر من انها تعطي لون.
اتمنى
يكون البوست عجبكم و استفدتو منه ، ان شاء الله قريب حنزل الجزء التاني و هو مشترياتي برضو من درق
ستور بس ماركة ويت اند وايلد
نشوفكم
على خير في التدوينه القادمة
شكرًا يا خبيرتنا على البوست الجميل اللي زيك ومنتظرين رفيو المجموعة الثانية دمتي بالف خير. خالتك المحبة د حنان
ReplyDelete