March Favorites 2015 / مفضلات شهر مارس 2015

كيفكم ياحلوات ، اليوم حأتكلم عن مفضلاتي لشهر مارس و ممكن نقول مفضلاتي للفتره للي فاتت لاني نوعا ما علقت على المنتجات دي كتير.

و بدون مقدمات طويلة نبدأ بالمفضلات المكياجية

الارواج اللي حبيتها من اليسار

Cover Girl Lip Perfection Lipstick ravish 308

لونو على توتي موف ( توتي من التوت لول ) ،  لونه قوي وتركيبته مريحه في الاستخدام ، اللون بيرفكت للعمل و الدوام لانه كلاسيكي و يناسب أغلب الوان البشرة.

بصراحة مااتوقعت احب روج من كفر قيرل بس من جد مرا انصحكم فيه.

تلاقوه اون لاين من موقع

Drugstore

هنا سواتش من النت

http://www.maggies-makeup.com/2014/03/cover-girl-lipperfection-lipcolor.html

Clarins Rouge Eclat Lipstick Satin Finish, Age-Defying Lipstick PINK BERRY

الارواج الاخيره من كلانس المفترض انها تكون تحارب علامات تقدم السن ، رغم انه الموضوع دا غريب بالنسبة ليا انه ايش دخل الروج في علامات تقدم السن لكن قلت يمكن حاطين فيه مواد عنايه اكتر ، و بصراحة كروج فهو مرا مرطب و مريح و اللون جميل لبداية دخول فصل الربيع ، تحسيه فريش.

حتى التعليب مرا جميل من الحاجات اللي حببتني فيه اكتر.

تلاقوه في سيفورا

هنا سواتش من النت

أول لون من اليمين

thebalm stainiac

من ذا بالم مورد للشايف و الخدود نفس فكره بنيتنت من بنفت ، بس دا تركيبته جاية على جل اكتر و الابليكيتور حقو زي القلوس مو فرشاه.

حبيته للخدود اكتر من الشفايف ، يعطي الخدود توريد طبيعي جميل حتى لو منتي حاطه ميك اب يبين طبيعي ، ماعجبني للشفايف لاني لاحظت انه مرا بيجففها .

Mally beauty lip gloss Punch

واخر منتج من ماركة مالي بيوتي ، عباره عن قلوس كورالي بنك كلاسيك ، اللون مرا عادي وممكن تلاقيه في اكتر من ماركة بس اللي عجبني هنا التركيبة ، ماتلصق و لاتدبق و لايبين لغاويص و اهم شي تعطي لون واضح مو زي كانها شفافه.

طلبت من ماركة مالي بيوتي مجموعه من موقع بيوتي دوت كوم ، لانه واحده من اللي احبهم في اليوتيوب دايما دايما تمدح في منتجاتها ، حبيت القلوسات مرا و الشادوهات الكريميه اللي حتشوفوها تحت في تكملة المفضلات.

هنا سواتش من النت

http://www.beautybroadcast.net/2012/12/mallys-favorite-things-tsv.html

نجي على الايشادوز او ظلال العيون

MAC cork

لون بني بارد من ماك ، استخدمته الفتره الماضية مرا كتير على الجفن الثابت بشكل خفيف و مدموج ، و بشكل مركز تحت العين ، مرا جميل و ينفع تخففيه و تثقليه على حسب اللوك.

الفينش حقته ساتين.

هنا سواتش من النت

ثالث لون من اليسار

Mally age rebel shadow stick in sugar, Burnished Violet

 الصراحة لو تبغو تاخدوا شي واحد من ماركة مالي بيوتي انصحكم في الكريم شادو ستيكز دي و خصوصا اللون

Burnished Violet

لونه غريب وحلو بين البرونزي و الموف ، اتعب و اقول جميل ، تقدري تستخدميه لحاله او مع شادوهات تانية.

و على فكره اللون دا هو البديل المثالي للون المشهور من باي تيري اللي اسمه

misty rock

و جربتهم بنفسي في المحل نفس اللون . الفرق انه باي تيري سعره 44 دولار و مالي سعره 25 دولار.

و التركيبة ممتازه ناعمه زي الزبدة و تقعد لفتره طويلة ماتتمسح.

اللون التاني

Sugar

حبيته لمدمع العين مرا يعطي اللوك شكل حلو .

سواتش من النت

اللونين اللي على اليسار

تلاقوه في موقع بيوتي ودا الرابط

http://www.beauty.com/mally-beauty-best-of-mally-9-pc-color-collection/qxp540272?catid=25362

s

 Soap & Glory ARCHERY 2-in-1 Brow Filling Pencil & Brush hot chocolate

قلم الحواجب الخطير من سوب اند قلوري ، من كتر ماحبيته اخدت منه كم حبه احتياط عندي .

هو جهتين جهه اللون و جهه السبولي اللي هي الفرشاه حقت الحواجب (الفرشاه دي من احلى اختراعات البشريه في عالم الميك اب).

انا جربت قلم انستازيا و دا و بصراحه نفس بعض مافي بينهم اي فرق بس الفرق انه دا درق ستور و انستازيا هاي اند.

يمكن العيب الوحيد فيه انه مافي الا لونين غامق و فاتح على عكس اناستازيا تحتاري اش تاخدي ، انا اخدت من سوب اند قلوي الغامق اسمه هوت تشوكليت ، مرا حبيته و اللون ناسبني .

تلاقوه في صيدليه بوتس و هنا الرابط

http://www.boots.com/en/Soap-Glory-ARCHERY%E2%84%A2-2-in-1-Brow-Filling-Pencil-Brush_1524204/

elizabeth arden bronzer

برونزر من اليزابيث اردن ، الماركة دي مني متاكده اذا في او لا بس كتير يقولوا متوفرة في باريس قاليري ، على العموم البرونزر حقتهم جميل و يعطي دفء للوجه و لون صحي جميل .

استخدمه للبرونز مو للكونتور.

Sleek blush by 3 pumpkin

بلاشرات سليك لايعلى عليها ، جودة والوان وسعر و كله ، الفتره دي طحت على اللون الاورانج من الباليت الثلاثي دا .

لونه في العلبة مرا يفجع بس لمن تحطيه على خفيف و تدمجيه مرا يطلع جميل .

تلاقوه في صيدلية وايتس

هنا سواتش من النت

المفضلات التجميليه التانية

 kerastase bain chroma captive

من احلى الشامبوهات اللي استخدمتها ، نصحتني بيه الخبيره حقت كلود مكسيم بعد ماصبغت شعري . لانه مايخرب اللون و يحافظ على الشعر ناعم و صحي .

ببساطة كل مااستحم بيه احس اني دوبي رجعت من الصالون . حبيته جدا ، منتجات كيراستيز متوفرة في كلود مكسيم اذا بتدورا عليها.

dolce from dolce and gabbana

عطري الجميل كتبت عنه تدوينه كاملة هنـــــا

منتجين العناية اللي حابتهم الفتره دي هم من ماركتي المفضلة سوب اند قلوري والاتنين نوعا ما يكملوا بعض لانهم نفس العطر

المقشر

Soap & Glory The Scrub Of Your Life

زي ماانتو شايفين عبوته عصار فمايسوي فوضى في الشاور ، ريحته تجنن نفس ريحه سوب اند قلوي الاصليه ، و لمن تحطيه يطلع رغوة فتحسي بالتنظيف اكتر و اهم شي انه يترك بشرتك مترطبة وناعمه .

بعده استخدم زبدة الجسم

Soap & Glory Butter Yourself Body Cream

نفس الريحة الجنان و ترطيب ممتاز ، بدون تدبيق او احساس مزعج.

ماادري صراحة دي العلبه رقم كم من الزبدة دي لانها المفضلة عندي من زمان.

أتمنى التدوينه عجبتكم واستفدتوا منها

نشوفكم على خير في التدوينة القادمة

1 comment Beauty