Benefit Roller Lash Mascara … Is It Worth It ? \ بنفت رولر لاشز ماسكرا ... هل تستاهل ؟

كيف حالكم ياحلوات

اليوم حاتكلم عن ماسكرا بنفت الجديدة اللي هي رولر لاشز ، الكونسبت الاساسيه من الماسكرا انها تعمل كيرل للرمش يعني ماتحتاجي تستخدمي (عقاصة الرموش) << يارب اسمها صح ههههه ، وانها تثبت لفة الرمش و وتغطيها ل 12 ساعة تقريبا .

طيب هل الكلام دا صح ؟

اول شي شوفوا الفرشة مرا غريبه مقوسه و نحيفة ، تغطي كل الشعرات اللي في الرمش حتى من جوا اللي عند مدمع العين.

عن نفسي جدا حبيتها تستاهل المدح ابد ماتتكتل ، تفرق الرموش بشكل حلو، وزي ماقلتلكم تغطي كل الشعرات مزبوط حتى الرموش السفليه مرا تخليها جميلة ، جدا ثابته و يمكن دا من مميزاتها و عيوبها لانه ازالتها نوعا ما صعبة و لاحظت انها تتطول الرمش اكتر من انها تكثف .

واهم شي

الديزاين حق الباكيجينج ، من اكوت ماشفت (اكوت يعني كيوت) ، الغطا جي زي المطاط و شكله يشبه لفافات الشعر حقت ايام زمان ، اللي هو (المكر) حق الشعر ، صراحة نفسي اعرف مين سماه مكر و ايش يعني ؟

K

دا كان رأيي في الماسكرا وتلاقوها في سيفورا ، التدوينة خفيفة ولطيفة اتمنى تكون عجبتكم واستفدتوا منها

نشوفكم على خير في التدوينة القادمة

1 comment Beauty