كيف
حالكم ياحلوات
اليوم
حتكلم عن منتجين من الحب ايستي لودر ،، المنتجات دي جاتني هدية من واحدة عزيييييزة
عليا و عارفتني مزبوط وعارفة زوقي . احبك خالتي ..
المنتجين
هي باليت شادوز و روج من اللاين الجميل كولور انفي
نبدا بباليت
الشادوز
هنا مقارنة مقاسه بايفون 6
زي
ماانتو ملاحظين الباليت الوانها ترابيه طبيعيه و هي المفضلة عندي و اتوقع عند كتير
من الناس ، و فيها لون اخضر كانه بوب اوف كولور.
من
الاشياء الي عجبتني في الباليت انه الباودرز مو كلها بلمعه ، في منها بلمعة ،
شيمريه و مطفية.
الصراحة
حبيت الالوان المطفية اكتر من اللي بلمعة و مو اي احد يزبط الشادوز المطفيين ، مرا
مرا ممتازة لونها واضح وصريح ومن اهم مميزاتها انها ماتتناثر . (الالوان المطفية
هي البني اللي تحت و الاوف وايت اللي فوق).
باقي
الالوان جميلة بس خفيفة في اللون ، يعني اتوقع لو دورتي حتلاقي نفس الالوان بس
أوضح في ماركات تانية ، بالذات انها بلمعة لانه اغلب اللي في السوق بلمعة.
نجي على
الباكيجينغ الراااائع ، صراحة الباكيجينغ من احلى الاشياء فيه فخم فخم فخم مرا
حبيته ، من قدام فيه زي المرايا ذهبي و محفور عليه استي لودر ، ومن جوا في مرايا
بحجم حلو و عملي.
الباليت
ممتازة للسفر و التنقل خصوصا انه وقت السفر محد يحب يثقل شادوز فحيكون شكل الشادو طبيعي وحلو.
نجي
للمنتج التاني و هو الروج
Estee
lauder pure color envy lipstick
من احلى
لاينات الارواج على الاطلاق ، احبه بنفس مستوى نارس اوديشز ... اللي يعرفني يعرف
قدايش اعشقهم وحلمي اجمع كل الالوان.
الروج جدا جدا غني و كريمي ماينشف الشفايف ، اللون
يترك ستاين يعني حتى لمن تمسحيه تلاقي في اثر للون مرا فضييييع.
درجتي
Vengeful
red
اللون أحمر
مع نتفة فوشي، مرا جميل مع مكياج خفيف و ايلاينر و رموش.
هنا
سواتش من النت
https://thepaintedrogue.wordpress.com/2014/05/05/loot-alert-estee-lauder-pure-color-envy-lipstick-swatches/
و
كالعادة من استي لودر الباكيجينغ فخم و راقي ، اللون النيلي مع الذهبي مرا يعطي
افكت انه منتج فنتج، و المغناطيس اللي لمن تقفليه يعطيكي احساس انه مودرن
وعصري.
اتمنى
تكون التدوينة عجبتكم و استفدتوا منها ، نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)