ٍSeptember Favorites 2015 / مفضلات شهر سبتمبر 2015

كيف حالكم ياحلوين

كل سنة وانتوا طيبين عيدكم مبارك .. حكوني كيف كان عيدكم ؟؟ بالنسبة لينا عيد الاضحى للاسف كأنو يوم عادي ،عندنا عيد الفطر هو العيد الكبير على قولتهم .

المهم اليوم بتكلم عن منتجاتي المفضلة لشهر سبتمبر . نبدأ بسم الله

Guerlain Lingerie de peau BB cream SPF 30

أول شي البي بي كريم من غيرلان ، صراحة وبدون مبالغة افضل بي بي كريم استخدمته للان .. اللون ممتاز و التغطية متوسطة . يعطي لوك ديوي صحي للوجه (أنا اوزعه بأصباعي) مرا سهل في التوزيع والدمج.

يبان كأنه بشرة طبيعيه و صافية مو طبقة فاونديشن. مع ثبات حلو تقريبا 6-8 ساعات.

في حماية من الشمس بنسبة 30 . ومن مميزاته الحلوة كمان انه ضغاط مع انه للحظة الاولى لمن تشوفيه تحسبيه عصار.

و كمان ريحته مرا جمييييلة خفيفة و ناعمه ماتحسس البشرة نهائيا.

Laura Mercier secret brightening powder

بودرة ناااعمة لتنوير المنطقة اللي تحت العين . لونها ابيض مرا مرا احبها حتى لو ماحطيت كونسيلر يبان منور بطريقة جدا طبيعيه.

واذا حطيت شادو غامق اكتر منها واخلص شغل على عيني بعدين انفضها مرا يخلي اللوك نظيف.

هي بودرة لتثبيت الكونسيلر و تنوير المنطقة اللي تحت العين يعني ماتعطي تغطية.

mac fix+

Rose scented

الفكس بلس منتج غني عن التعريف وله استخدامات جدا كتيره اذا تحبوا نسوي له تدوينة خاصة فيه. المهم ماك نزلت من الفكس بلس روائح لمتد اديشن و اخير الشهر الماضي وصلت عندنا .

كان نفسي اخد واحد جوز الهند و واحد بالورد بس للاسف مالحقت على جوز الهند فااخدت حبتين بالورد.

الريحة مجرد انتعاش وتغيير لكن ماتفضل في الوجه.

mac powder blush

pinch me

ومن ماك برضو بلشر جميييل و مشهور عندهم اسمه بينش مي (اقرصني) دي الترجمه هههههه .

حرفيا يعطي مظهر الخدود الموردة كانها مقروصة .

مرا تعطي لوك طبيعي حتى لو استخدمتيه لحاله يعطي البشرة حياة و اشراقة حلوة.

سواتش من النت

http://beautyreductionista.blogspot.com/2013/05/peach-blush.html

أول واحد من اليمين

Bobbi Brown long wear cream shadow stick

Velvet plum

ظل العين الكريمي من بوبي براون اللون دا لازم يكون عند كل واحدة واتوقع اللون البرونز كمان .. استخدمه لحاله و يعطيني لوك كاني اخدت وقت في الدمج و الشغل و هو ابسط من البساطة مجرد الون الجفن المتحرك و ادمج على برة شوية باصباعي.

اللون ثابت و جميل ومرا سهل في الدمج (طبعا تدمجيه على طول قبل لاينشف لانه لو نشف لازم مزيل مكياج للعيون). 

اللي عندي جاني مع كوليكشن فحجمه صغير إن شاء الله ناوية اجيب الحجم الكامل منه واجرب الوان تانية.

نجي على منتجات الشفايف الجميلة (المرة دي كلهم مطفيين)

Sephora collection cream lip stain

13 marvelous mauve

من سيفورا الروج الثابت المطفي ، من احلى تركيبات الارواج المطفية السائلة واسهلها في الاستخدام. بس كأي روج مطفي لازم الشفايف تكون متقشرة ومترطبة كويس.

اللون دا تعبت و انا ادور عليه لانه اكتر لون محبوب في المجموعة دايما دايما مخلص ، اول مالقيته اخدته و اول مااستعملته عرفت ليش دايما مخلص ااااه يجنن مرا حبيت.

سواتش من النت

http://www.online-instagram.com/user/ophelianea/352571650/1013657863976504841_352571650

http://www.themakeupsocial.com/search/tags/13

Bobbi Brown art stick

Rose Brown

المنتج التاني من بوبي براون وهو الارت ستيك ، زي اقلام الجمبو تنفع تكون محدد أو روج. اتكلمت عنه قبل كدا في موضوع مشتريات هنـــــا.

الفينيش حقه مطفي بس ناعم يعني لمن تحطي تحسي انه كريمي ويتزحلق معاكي . مرا مرا حبيته يمكن اكتر روج مطفي حلو و عملي جربته للان.

اللون اللي طحت فيه هو روز براون بني على وردي.

من ميزاته كمان انه لونه واضح و ثابت . يجي معاه برايه جمبو، سموذ و ناعم شي مو طبيعي. و الالوان في المجموعه كلها احلى من بعضها.

ببساطة

بيرفكت

سواتش من النت

أول واحد من اليمين

نخرج شوية عن المكياج ونتكلم عن منتجي المفضل الجديد لازاله كل المكياج (العين والوجه)

Clinique take the day off cleansing balm

من كلينيك هو بالم للوجه. يجي زي الزبده الصلبة تمسكي شوية منه و تفركيه بين يدك حيذوب بسرعة ، بعد كده افركي وجهك و عينك (ينحط على بشرة جافة) ، بعد ماتفركيه كويس غسليه بالمويه و البشرة حتسير نظيييفة و كمان مترطبة.

في واحد نفس الفكرة من بودي شوب ماجربته بس إن شاء الله اجربه واقولكم اذا نفس المفعول او لا.

Freshlook daily contact lenses

gray

اخر شي العدسات اليومية من فريش لوك.

قبل لااتكلم عنهم بحكيكم عن مشكلتي الازلية مع العدسات . انا البس العدسات نظر وجربت انواع كتييييير و كلها تنشف بطريقة مو طبيعيه بدون مبالغة احطها و ماتعدي ساعتين اسير مااشوف الا غبش ابيض.

فااقتنعت انه مايناسبني الا اليومي لانه احطه وارميه فاستخدمت جونسون حلوة جدا بس عيبها انه الملون منها بس يكبر البؤبؤ مايعطي لون للعين . حلو لو كنتي تبغي شفاف للاستعمال اليومي.

انا لليومي احب البس نظارات لانه معايا انحراف فارتاح بيها اكتر ، العدسات للطلعات و المناسبات.

نجي لليومي من فريش لوك

حبيتها و ماحبيتها

حبيتها لانها يومية اخلص منها وارميها و لانها ملونه بس مو بشكل مبالغ فيه يعني اللي يشوفك من بعيد مايعرف انك لابسة عدسة.

ماحبيتها لانه برضو تنشف لكن الشي الطيب ماشاء الله انها تقعد ع الاقل 8-10 ساعات حلوين.

نفسي اعرف ليش عيني سارت جافة فجأة كده (فيس حزين) زمان مرا ماكنت اعاني لدرجة ممكن البس عدسة مقطوعة ههههههه.

اتمنى تكون التدوينة عجبتكم و استفدتوا منها و نشوفكم على خير التدوينة القادمة.

1 comment Beauty