August Favorites 2015 / مفضلات شهر أغسطس 2015

كيفكم ياحلوات

زمان عن مواضيع المفضلات مرا واحشتني ، ورغم انو بدأنا سبتمبر من اسبوع لكن مو مشكلة قلت خليني احطلكم مفضلاتي في شهر أغسطس عشان ممكن تستفيدوا منها.

نبدأ بمنتجات العناية و الشاور

من اليسار

The body shop vitamin e body butter

زبدة الجسم من بودي شوب بفيتامين اي ، زبدات الجسم من بودي شوب ماعليها اي كلام جدا ممتازة واحبهم ، الزبدة حقت فيتامين اي اللي يميزها عن غيرها انه ريحتها مرااا نظافة، انصحكم تعدوا على بودي شوب و تجربوها.

Bath and body works stress relief body wash

شاور جل او غسول الجسم من باث اند بودي وركس ، هو من اسمه انه يبعد التوتر .. بصراحة من دي الناحية فمافرق معايا بس ريحته جميلة جدا من الروائح المميزة عندي حتى احب استخدم الشمعة حقته دايما.

Champneys citrus blush body scrub

مقشر من بوتس ، حبيباته خشنه فمرا يقشر من قلب و ريحته سباااا. كل المجموعه من الشركة دي حلوة و دايما انصح فيها.

Soap and glory the ultimelt deep purifying hot cloth cleanser

منظف للوجه من سوب اند قلوري ، فكرته انه تحطي و تفركي وجههك و تتركيه دقيقتين و بعدين تبللي الفوطه الي تجي معاه بموية حارة (معليش نسيت اصورها) و بعد كده تمسحي وجهك بالفوطة.

احساس نظافة شي موطبيعي خصوصا مع جو الرطوبة اللي في جدة اليومين دي، الغسول ريحته زي الفكس و الفوطة مرا حارة دا يعطي احساس انتعاش خورافي.

Tarte maracuja oil

زيت للوجه من تارت ، تحطيه بدل السيروم . استخدمه لمن يكون وجههي مرا ناشف و فعلا احس بالفرق ترطيبه عالي و خفيف ماتحسي بطبقة زيت في وجهك. ريحته عاديه لاهي وحشه ولاحلوة يميل انه يكون اصلا بدون ريحة.

العلبه دي صغيره طلعت لي من كوليكشن الكريسمس حق العام. عشان كده احب كوليكشنات الكريسماس تخلينا نجرب المنتجات و نشتريها بعدين.

من اليمين

Clarins hydraquench lotion

كريم النهار من كلارينس اتكلمت عنه قبل كده من اخف واحلى كريمات النهار اللي استخدمتها للان.

حماية الشمس اللي فيه 15 فاحط بعده واقي شمس اذا كنت خارجة.

Origins intensive overnight mask

ماسك الترطيب من اوريجنز ، تحطي طبقة منه وتنامي و تصحي على بشره مترطبة ومرتويه. هو شوية تقيل بس لازم لانه ماسك لوقت النوم فحياخد وقته لمن تمتصه البشرة.

مرا مرا احبه لاني بعاني من الجفاف في بشرتي خصوصا في منطة الخدود و الجبهه. و احيانا احط منه شوية على يدي لانه تمر عليها ايام جفاف شي مو طبيعي.

نجي على منتجات الشفايف

من اليمين

Make up forever aqua lip liner

محدد من ميك اب فوايفر لونه نود طبيعي ، محدداتهم مرا جميلة بشكل عام واللون دا بشكل خاص مرا مرا حلو يمشي مع اي لون روج ممكن تحطيه، مرا انصح فيه.

الدرجة دي هي

2c

وهنا سواتش من النت

http://karlasugar.net/2011/02/make-up-for-ever-aqua-lip-pencils/

  

هو تالت لون من اليسار

واتكلمت عنه في بوست سابق هنــــــا

Maybelline color drama lipstick

من المنتجات اللي مرا عاجبتني اخر فترة ، هي روج مطفي على شكل قلم نفس فكرة بوبي براون و نارس و صراحة كجودة نفس الجودة بس كسعر ارخص بكتييير.

اللون مرا صريح و سهل في الرسم ، ولانه مطفي ثباته قوي و حلو.

الدرجة اللي عندي

Keep it classy

بين الموف و الوردي مرا جميلة وتناسب الكل

هنا سواتش من النت

http://www.makeupovermind.com/2014/10/maybelline-color-drama-intense-velvet.html

 اللون اللي في النص

http://kaushalbeauty.com/2014/10/12/sunday-beauty-steal-maybelline-color-drama/

Benefit benebalm

مرطب الشفايف من بنفت ، حبيته زمان ونزلت عنه في تدوينه سابقة هنــــــا ... و للان هو التوب عندي ومرا حابته.

Clarins rouge éclat

روج من كلارينس .. كريمي ومرطب بلون قوي و صريح.

اللون جميل و البايجينج حلو و فخم. اول مره اجرب ارواج من عند كلارينس وخلاص حبيتهم.

درجتي

05

وهنا سواتش من النت

هو اول لون من اليمين

bobbi brown lip color

برضو من اول تجاربي و انجح تجاربي مع ارواج بوبي بروان، تركيبته كريميه واضحة و مرا سهل في الاستخدام ، تحسيه حرير من كتر ماهو ناعم و خفيف ع الشفايف.

لاحظت كمان انه مرا يثبت ممكن يخف مع الوقت بس اللون يفضل موجود . ومرا بسهوله تتحكمي في درجة الروج (تقيل او خفيف).

 حتلاحظوا في السواتشات كيف انه نفس اللون ناس حاطينوا غامق و ناس فاتح فمرا مغير اللون واللوك بشكل كامل وكله احلى من التاني.

درجتي

Roseberry

اسمه مرا يجنن لانه يجمع بين الالوان المفضلة عندي في الارواج

Rose + Berry

سواتش من النت

https://seemode.com/style/1031BR301HWI/bobbi-brown-roseberry-lipstick

نجي لمنتجات العين

Mac coffee pencil

من ماك الكحل المشهور كوفي ، لونه بني مرا حلو للنهار .. وممكن نحطه تحت العين و نموه بالفرشاه مرا يطلع جميل.

سواتش من النت

Bareminerals lash domination mascara

ماسكرا من بيرمينرالز ، طلعت لي مع باكيج بس مافتحتها الا قبل فترة قصيرة.

مرا تكثف بشكل واضح و في نفس الوقت طبيعي فأحب استخدمها في النهار على الدوام . احلى شي فيها انه ماتكتل و لاتتفتت على الخدود مع الوقت.

لاحظوا فرشتها كيف ملولوه هههههه حبيتها.

هنا صور لتجارب من النت

http://www.makingupthemw.com/2013/12/review-swatches-bareminerals-all-faves.html

http://www.lookfantastic.com/bareminerals-lash-dominationtm-volumizing-mascara-11ml/10831957.html

Wet and wild eyeshadow palettes

شادوهات ويت اند وايلد شي مرا جميل جودته رااائعه و سعرها اروع.

دا الباليت النقطة مرا استخدمته كتير الفتره دي خصوصا اللون اللي تحت على كامل الجفن مرا حلو.

درجتي

silent treatment

سواتش من النت

http://www.nonpareilboutique.com/swatches--eyes--wet-n-wild-color-icon-eyeshadow-trio.html

تقدروا تطلبوه من النت او من التاجرات

واخر شي من عبد الصمد القرشي مسك الختام

قريت عنه عند الجميلة قورجس هنــــــا مدونتها

وانا مرا اثق فيها وفي زوقها فقلت لازم اجربه ، وطلع مرا جميل يعطي ريحة نظافه و انتعاش .. احب احطه بعد الترويش خصوصا في الشعر .

اتمنى التدوينه عجبتكم واستفدتوا منها ، نشوفكم على خير التدوينة القادمة

Leave a Comment Beauty