كيف
حالكم ياحلوات
اليوم
التدوينة سريعة خفيفة
مجموعه
الكريسمس من ماك من المجموعات اللي دايما الكل يستناها ، انا من الناس الي مرا
تتحمس على مجموعات الكريسمس بالذات من الشركات الكبيرة واللي احبها.
لمن شفت
مجموعة ماك السنة و شفت لها ريفويهات عرفت على طول اش ابغا منها.
شوفوا
المجموعة
الالوان
حق الباكيجينج تجنن ، ازرق نيلي ميتاليك و بنفسجي مع فوشي مرا مرا جميل.
الصراحة
اكتر شي شدني هو الاضاءات و مجموعة الارواج اللي تجي شنطة وقلم وروج ، طبعا لمن
نزلت وجيت ابغا اطلبها اون لاين لقيت الاضاءات سارت سولد اوت على طول (فيس يبكي).
فمااتحمست اطلب خلاص قفلت معايا.
وقبل
يومين باتفرج في السناب لقيت واحدة منزلة انه نزل عندنا فجربت لفرع الجامعة مول و
فعلا لقيت الاضاءات متوفرة ،من المجموعة تقريبا بس الاضاءات ، الشادوز ،الاقلام و
الارواج.
بس
مجموعات الفرش و الشفايف و العيون ماكانت موجودة.
قلت
اقلكم بسرعة عشان تلحقوا ماك قبل لاتسير كل حاجه سولد اوت. يلا انطلقوااا
نازل
اضاءتين واحدة دهبية وواحدة برونزيه من مجموعتهم الشهيرة اكسترا ديمنشن ، لمن عملت
لهم سواتش في المحل تنحت كله يجنن ، لونهم جمييييل و تركيبتهم ناعمه كانها زبدة.
طبعا في
الاخير ضعفت واخدت الاتنين...
شوفوا
التحفيرات اللي على الباودرز مرا فخمه وحلوة تحسي خسارة تستعمليه و تخربي الشكل.
اللي من اليمين
اسمه
oh
darling
لونه
سوبر ميتاليك دهبي، جداااا جميل واللون واضح و ناعم . يعطيكي قلو مرا فخم و كتير
يشبهوه بإضاءه جاكلين هيل الجديدة شامبين بوب.
وكتير
يشبهوه كمان بالنادر ويسبر اوف قيلت من ماك برضو.
اللون
التاني
sheft of
gold
لونه
ميتاليك برونز ، اللون دا اول ماتشوفي تفتكري ملكة القلو ،جينيفر لوبيز ، بالضبط
هو كده. حلو كإضاءه و اتوقع حيكون فضيع كظل للعين برضو.
كلهم
يجننوا واذا بدي انصحكم بشي من المجموعه انصحكم بالاضاءات.
وهنا
سواتش للاضاءتين
http://bubblymichelle.com/2015/10/19/mac-holiday-2015-collection-news-photos-swatches/
Happy
Shopping
اتمنى
التدوينة عجبتكم واستفدتوا منها و نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)