كيفكم
ياحلوات
اليوم
بقولكم مع تجربتي مع احلى و اسوأ بي بي كريمز جربتها مؤخرا ... و ليش حبيت الاول
و ليش ماحبيت التاني.
و طبعا اللي يناسبني يمكن مايناسب غيري والعكس، بس انا بحكيكم على تجربتي
الشخصية.
اول شي
اقولكم ايش يعني بي بي كريم
BB = Beauty
Balm
هو
ببساطة كريم يكون فيه تغطية و كمان فوائد للبشرة ممكن تكون حماية شمس ، ترطيب،
سيروم ....
يكون في
قوامه اخف من الفاونديشن بس اتقل من التند موسترايزر اللي هو الكريم الملون.
اوكي ...
نبدأ
بالحلو طبعا وهو البي بي كريم لانجري من قيرلان (اللي على اليسار)
Guerlain
Lingerie de peau BB cream SPF 30
السبب
اني حبيته
اول شي
التغطية متوسطة و جدا جميلة تعطي لوك ديوي صحي وممكن يتوزع بسهوله عن طريق
الاصابع ،مااحتاج احط بعدها باودر لانه بشرتي جافة جدا الايام دي وماشاء الله بيثبت معايا وقت طويل تقريبا 6-8 ساعات.
الباكيجينج
حقه ضغاط حبيته زيادة عشان دي الميزه، و اهم شي انه اللون مرا مناسبني ودا الشي
افتقده في كتير بي بي كريمز.
وفي شي
حلو كمان ريحته خفيفه و حلوه تحسسك انك بتحطي منتج فخم (ماادري اش دخل الريحه
في الفخامة بس انا احب اشم ريحه الاشياء و ممكن احبها او اكرهها بسبب الريحه ههههه
).
فيه حماية من الشمس 30 اس بي اف ، بس انا برضو احب احط واقي شمس لحاله مااعتمد عليه.
التاني
اللي ماعجبني هو البي بي من غارنييه
Garnier
BB cream
اول
مااستخدمتوا عجبني واظن كمان حطيت له بوست في انستقرام ، تغطيته خفيفة و مناسب جدا
للطلعات السريعة وللصباح ، يعطي لوك ديوي وصحي .
مع الوقت
لاحظت انه بدات تطلع لي حبوب من تحت الجلد و الفتره هديك ماكان في شي جديد في
روتيني الا البي بي ،وقفته الحمد لله خفت شويه الحبوب بس ماراحت للان.
طبعا
مااقدر احكم اذا ميه بالميه السبب منه لكن زي ماتقولوا اتعقدت.
دا غير
مشكلة الالوان ، انا اخدت ميديم و طلع مرا غامق ، يعني لازم عشان احطه اخلط مع
الفاتح ... وانا في العادة استخدم البي بي كريم في الصباح فماعندي وقت للدمج و
الحركات دي.
من البي
بي كريمز اللي نفسي اجربها في السوق ديور وحق بروجوا ناسية ايش الحروف اللي عليه
بس اظنه سي سي ،و الإي إي كريم من استي لودر.
بيتسلوا
على راسنا الشركات بالحروف الكتيره دي هههههه.
اتمنى
التدوينة عجبتكم واستفدتوا منها و نشوفكم على خير التدوينة القادمة.
للاسف نفس المشكلة طلعت لي مع غارنييه وشكلو حيترحل على سلة المهملات
ReplyDelete