Aِِِutumn Winter must haves \ منتجات اساسية لفصل الخريف والشتاء

كيف حالكم ياحلوات

كيفكم مع الاجواء الجميلة اللي عندنا الايام دي ، الجو دي الايام يخلي الواحد غصبن عنه مليان نشاط و الهام.

موسم الخريف و الشتاء احلى موسمين و بالنسبة ليا اعشق الخريف اكتر ماادري ايش السر بس فعلا احبه اكتر فصل في السنه.

مع اجواء البرد الروتين يتغير شوية ، ومن الاشياء الممتعة انك تغيريها هو المكياج .. صح الجو عندنا مو مرااا بارد و ماعندنا اوراق شجر تتساقط بس نحاول انه نعيش الجو بطريقتنا، و لا ايش رايكم ؟

في منتجات مر احب اني اضيفها لروتيني الفتره دي من السنه ، بعضها جديد و بعضها من زمان

نبدا بسم الله

اول شي لازم يتغير عندي شموعي ، وكالعادة من باث اند بودي وركس ، كوليكشن الخريف عندهم مرا جميل ، و كل فتره يعملوا عليه عروض. أنا اخدت قبل حوالي اسبوعين كان العرض انه 3 حبات ب170 ريال.

دي الريحة اسمها خريف حلوة ومميزة ، تنزل كل موسم خريف و مرا احبها و انصحكم  فيها. مااعرف اوصفلكم الريحة مزبوط فاحسن تروحوا المحل و تجربوها لانه الروائح بالذات مساله شخصية جدا.

واحيانا باث اند بودي ينزلوا زي حامل للشموع متناسب مع الموسم ، العام اخدت دا الشكل على شكل اوراق شجر.

الجسم و البشرة

من اليمين

clarins hydraquench cream mask

ماسك للترطيب من كلارينس ،مع نتفة برد على طووول البشرة تنشف و تتتاثر ، بالذات اللي بشراتهم جافة زيي على اقل برودة و جفاف تنعدم فعشان كده تلاقوني دايما ادور على ماسكات الترطيب و الترطيب المكثف.

دا الماسك احطه على بشره نظيفة و اتركه لمده 10 -15 دقيقة مفعوله حلو وسريع بس مو زي تاثير ماسك اوريجنز اللي انام بيه.

يعني دا حلو اكتر لو عندك مناسبة أو طلعه سريعة ويعطي نضاره حلوة. اذا تحبي النتايج تستمر لازم يستخدم اقل شي مرتين في الاسبوع.

laura mercier almond coconut milk soufflé body crème

من اليسار سوفليه لورا مرسييه اللي طفشتكم فيه ههههه . المهم اني من جد مرا احبه و كتبت عنه تدوينه كامله هنــــــا.

بالنسبة للمكياج نظرتي لمكياج الخريف والشتا هي بشره صافيه ، حواجب مرسومه، شادو بلون احمر محروق و ميتاليك، خدود موردة توريد طبيعي و اخيرا واهم شي شفايف غامقة.

guerlain lingerie bb cream

نكمل على البشرة بس من ناحية مكياج، مرا حلو انه البشرة تكون مخمليه و مترطبه في دا الوقت ، و من الاكتشافات الاخيره اللي حبيتها هي بي بي كريم من قيرلان برضو اتكلمت عنه بالتفصيل في التدوينه السابقة.

بالنسبة للبلاشر

من احلى الالوان اللي تعطيكي لوك جدا طبيعي و مورد هي

mac pinch me

من ماك يبين كانه احد سوالك قرصة على خدك ، و جدا طبيعي و حلو حتى لو لحاله لانه مطفي محا يبين انك حاطه شي حيبين انه خدودك متورده بشكل طبيعي.

سواتش من النت

http://karlasugar.net/2010/01/mac-blush-recap/

تاني واحد من اليسار

tarte exposed

وتاني لون هو اللي الاشهر من عند تارت اكسبوزد.

لونه روز على بني مطفي ، في العلبة مبين انه ماله داعي بس لمن تجربيه على البشرة تحسي قدايش حلو و بالذات مع سموكي ايز بيرفكت.

سواتش من النت

 http://www.messywands.com/2012/07/blushing-apples.html

http://www.essiebutton.com/2014/01/31/review-swatches-tarte-amazonian-clay-12-hour-blush/

أول واحد من اليمين

نجي على الشادوهات

اخترت واحد كريمي و باليت شادو بودرة

maybelline colour tattoo pomegranate

الكريمي هو الكولور تاتو من ميبلين ، الكولور تاتو من احلى الشادوهات الكريميه اللي تلاقيها بسعر حلو من الصيدليات او سنتر بوينت. جدا ثابت ولونه واضح ، حتى طريقة وضعه سهله ممكن بالاصبع و ساعة ماتحطيه ادمجيه بالطريقة اللي تناسبك و حيثبت على طول ولا يروح الا بمزيل مكياج العيون.

انا احب اللون البرونزي منه بس دا اللون مرا حلو و مميز للموسم ، اسمه بوموقرانت يعني رمان ، فاللون تحسيه كانه لون رمان بس على موف اكتر و عليه لمعه ميتاليك جدا جميلة.

 هنا سواتش من النت

(كيف شكله على العين)

https://www.youtube.com/watch?v=ch23fTyEKDs

https://www.youtube.com/watch?v=GIzUbA_Q87U

zoeva cocoa blend palette

و الشادو الباودر اخترت باليت من باليتات زويفا الجميلة واتوقع من اول نظره عرفتوا ايش اللون اللي شدني . اللون الأحمر المحروق مرا حلوووو و يشبه كتير كرانبري من ماك.

الالوان التانية فضيعه كمان في منها بلمعه و مطفي و الوان بنية دافيه للدمج . اللون البرونزي تاني واحد من الصف الاول من اليمين مرا حلو كاستخدام يومي حلى لو لحاله.

والاوف وايت المطفي مرا حلو لتحت الحاجب.

كفاية انه اسم الباليت كوكو بليند ، مستوحى من مزيج الشكولاته. اش ابغا اكتر من كدا ههههه .

شادوهات زويفا ماعليها اي كلام بسرعة سارت عندي بنفس مرتبة اربان ديكاي و توفيسد ، نفس الجودة ، وضوح اللون ، الثبات ، مافي بودره كتير تتساقط على الخدود ، ممتازه مرا وسعرها مرا مناسب.

كتبت قبل كده عن باليت السموكي من عندهم كمان هنــــــا.

انا طلبتها من الموقع الرسمي عن طريق شحن ارامكس ، الموقع من المانيا.

وهنا رابط الموقع

https://www.zoeva-shop.de/

سواتش من موقعهم بالدرجات اللي في الباليت

واخر شي هو الارواج الغامقة اللي احبها للموسم دا

طبعا لازم ادخل واحد روج مطفي سائل لانه اكبر تريند انتشرت خلال السنة الماضية.

anastasia beverly hills liquid lipstick in craft

اخترت لون كرافت من اناستازيا بيفرلي هيلز ، في كتير ماحبو الارواج السائلة من اناستازيا ،انا عن نفسي حبيتها تركيبتها حلوة و مريحة، لونها واضح وثابت و الباكيجنج فخم كمان.

دا اللون مايل بين الوردي والموف كانه لون الخوخ او البخارة مع لون التوت يعني مكس بينهم ههههه.

المهم انه حلو ومميز.

وهنا سواتش من النت

Nars audacious lipstick in audrey

نجي للحب نارس

اللي يتابع مدونتي من زمان يعرف انه واحده من احلامي اني اجمع المجموعه كاملة من ارواج الاوديشز من نارس ، مرا احبها من كل النواحي وكتبت كذا مرا عنها في المدونه.

ولاني احبها لازم اتكلم عنها و بالذات دا اللون ، دا اول لون اخدتوا من اللاين دا فمعزته خاصة عندي ههههه

لونه بين الروز و الاحمر الطوبي و تركيبته ساتين يميل اكتر انه يكون مطفي ، مرا مميز و مالقيت له شي شبهوو في براندز تانية.

سواتش من النت

http://www.makeupandbeautyblog.com/product-reviews/nars-audacious-lipstick-review

http://www.dottedaround.com/2015/01/my-favorite-winter-lipsticks-swatches.html

nyx extra creamy round lipstick in black cherry

و اخر شي من ان واي اكس ، من مجموعه اكسترا كريمي راوند ليب ستيكس ، من اسمها دي ابدا مهي مطفية جدا كريمية ومرطبه مريحه في الاستخدام و سهله لمن تحطيها اسهل من الاوراج السائلة بكتير.

اللون اللي اخترته لون احمر مخملي غامق.

سواتش من النت

https://blabberbeauty.wordpress.com/tag/lipstick/

أول لون من تحت

اتمنى تكون اخياراتي عجبتكم و تكونوا استفدتوا منها.

ونشوفكم على خير التدوينة القادمة.

1 comment Beauty