كيفكم
ياحلوات ؟
اليوم
حأتكلم معاكم عن مفضلاتي لشهر اكتوبر زي ماوعدتكم بحاول اني استمر على النوع دا
من التدوينات حتى لو كانت مفضلاتي قليلة.
أوكي
نبدأ بسم الله
palmolive
vanilla shower gel
الشاور
جل او الشاور كريم دا متوفر في كل الصيدليات و السوبرماركتات .. إذا تحبي ريحة
الفانيلا لايفوووووتك ، مرا ريحته لزيزه و تفتح النفس.
The body
shop British rose eau de toilette
عطر
الورد البريطاني من ذا بودي شوب .. ريحته تشبه كتير مس ديور بلومينغ بوكيت اللي
اعشقة ، ريحته على ورد بس في نفس الوقت تحسيه فريش.
ثباته
اخف من ديور بس لانهم بيستخدموا كحول طبيعيه من قصب السكر. يعني يثبت حق 4 ساعات
تقريبا.
Peter Thomas
Roth cucumber gel mask
ماسك
الخيار من بيتر ثوماس روث من سيفورا ، الماسك دا يعطي شعور بااارد ومنعش للبشرة و
يرطبها بشكل ملحوظ.
مرا حلو
لو عندك مناسبة تستخدميه قبلها لانه النضاره فوريه ، ولازم استمرار يعني اقل شي
مرا واحدة في الاسبوع عشان تحافظي على النتيجة.
اخدته من
سيفورا.
benefit
gimme brow
ماسكرا
الحواجب من بنفت ، قيمي براو .. ترتب شكل الحاجب و تهجد الشعر الطاير اللي فيها.
تعبي
الفراغات بس من غير ماتسوي الحواجب قاسية زي بعض ماسكرات الحواجب.
لاحظوا
فرشتها كيف كتكوته و دقيقة .. مرا مناااسبة لحجم الحاجب.
اخدتها
من سيفورا.
thebalm
batter up - long wearing eyeshadow sticks
اذا
تعرفوني حتعرفوا قداايش احب الكونسبت حق اقلام الشادو الكريميه ، مرا مااستغني
عنهم سواء لمكياج الصباح او الليل .. ثبات و سهولة في الدمج شي خيالي.
اقدر
استخدمه لحاله او استخدمه كبرايمر للباودر شادو عشان يبان لونه اقوى.
قبل فتره
ذابالم عملوا تخفيض لمده 4 ساعات .. فطلبت كم غرض إن شاء الله حأعرضلكم مشترياتي في موضوع منفصل ، من ضمن المشتريات كانت الاقلام دي.
صراحه
ماخيبت ظني زي مااتوقعتها و احسن .. الشي الوحيد اللي قهرني انه ياريتني طلبت
الوان اغمق.
اخدتها
من نفس موقع ذابالم عموما ذابالم سارت متوفره عندنا في دبنهامز اذا تحبوا تروحوا
تجربوا و تلونوا .. هنا الرابط :
thebalm
nude dude palette
Down To
Earth Quad Eye Shadow
باليتين
علقت عليهم الفتره اللي راحت .. من اليسار باليت ذا بودي شوب الجديد داون تو ايرث
الدرجات الزيتيه.
بودي شوب
غيروا تركيبه الشادوهات حقتهم سارت مرا مركزه و ناعمه و الاحلى انه كلها مصنوعة من
مواد
صديقة للبيئة.
التعليب
كمان زي ماتلاحظوا مرا سار فخم ، كمان في ميزه انه تقدري تخرجي الشادوهات و تحطي
الدرجات اللي تناسبك في باليت واحده. فيكون كوستومايزد ليكي.
في باليتات كتييير و كلها الوان ممكن تحطيها لانها من الطبيعه
مافي لون غريب عجيب .. صمموها انها تناسب كل الازواق و ماشاء الله جابوها صح.
الباليت
التاني من ذابالم برضوا كان من ضمن مشترياتي من تخفيضهم ، اذا تتزكروا الباليت
القديم نود تيود من اشهر واقدم الباليتات الترابيه عندهم . دي الباليت كانها
امتداد للسلسلة بس لاحظت انها على نيود وردي اكتر .. اسمها نيود دود.
الدرجات
تجنن و طبعا ذابالم معروفه شادوهاتهم جدا مركزة ، ثابته و سهله في الدمج. والتعليب
لحاله حكاية ههههههه.
ممكن
تطلبوها من موقعهم او تاخدوها من دبنهامز .. الرابط :
Mac
lipstick twig
روج ماك
تويق .. احلى درجة روز في العالم. اذا ماعندك ولا روج من ماك ونفسك تجربيه ابدأي
بدي الدرجة.
كريمي بس
مو لماع على ساتين فينيش .. و لو حطيتيه مع محدد سور مرا يطلع حلو كمان.
على فكرة حتى ماك احب اطلبها اون لاين من موقعهم لانه الاسعار هنا سارت ماتمزح مني عارفه
ليش كده.
bobbi
brown highlighting powder pink glow
nars
angelika blush
نجي على
باودرات الوجه اكتر منتجات احبها .. من اليسار اضاءه بوبي بروان اخدتها على وردي . لمعتها ناعمه و حلوة يعني مرا مرا مناسبة للصباح والدوام . مو من النوع اللي
قلتري قوي.
صح انه
اسعار الباودر حقت بوبي بروان تعتبر نوعا ما مرتفعه ، لكن الجودة تستاهل.
بلاشرات
نارس اكتر بلاشرات احبها في السوق و مرا مبسوطه انه اخيرا سارت متوفره في سيفورا
عندنا . عندي مجموعه كبيره حاطتها في الدرج و بدأت انساها فقلت خليني كل فتره اطلع
واحد واستخدم فيه.
الشهر
الماضي طلعت اكتر درجة ورديه عندي و هي انجيليكا .. انا مو كتير احب البلاشرات
الوردية بس ترا لو حطيتيها بيد خفيفة تطلع حلوة تعطيكي اللوك الطفولي البريء .
خصوصا انه البلاشر دا في ذرات قلتر صغيرة بيرفكت بالنسبة ليا.
دي كانت
مفضلاتي للشهر الماضي .. اتمنى تكون عجبتكم واستفدتوا منها ، نشوفكم على خير
التدوينة القادمة.
0 comments:
Post a Comment
تسعدني تعليقاتكم أو استفساراتكم :-)