كيف
حالكم ياحلوات
اليوم
حتكلم عن تجربتي مع فرش زويفا ، مرا انتشرت الفتره الماضية الفرش دي على انها البديل
الارخص و الاحسن من فرش سيقما، ركزوا على الاحسن.
هي في الاصل المانية و ممكن
تتطلبوها من موقعهم انا طلبت مجموعة كاملة عشان اجرب و طلبت كم فرشة خارجية.
طلبتها
عن طريق ارامكس شوب اند شيب.
المجموعه
تجي مع شنطة جلد تحفظها والفرش المنفردة تجي في حافظة بلاستيك كانها مقلمية اقلام.
الصورة
دي صورتها اول مااستلمت الطلبيه عشان كده تشوفوا في الصورة المرايا و الباليت اللي
اتكلمت عنهم قبل كدا هنــــــا
وهنا
المجموعه اللي طلبتها واسمها
complete set
وهنا
الفرش الخارجية اللي طلبتها كل واحدة لحالها
من ناحية
الجودة ، ممتااااازه جدا ، ناعمه و تدمج المنتجات بسهولة
و خفه ، في منها شعر طبيعي و صناعي وكلهم حلوين.
جربتها و
غسلتها ماسار لها شي ، استخدمتها لمنتجات باودرية و كريمية فضيعة ماعليها أي كلام.
المجموعة
اللي اخترتها تحتوي على الفرش الاكتر مبيعا فراح تحتاجيها كلها ، من الاشياء اللي
عجبتني انه مافيها فرشه الفاونديشن اللي تجي فلات، لاني مرا مااحبها ودايما
الشركات يحطوها في مجموعاتهم ومااستفيد منها كتير.
من ناحية
السعر يعتبر سعرها مناسب جدا ، ارخص من سيقما بكتير ، يعني مثلا المجموعه فيها 15
فرشة و سعرها 105 يورو، يعني اقل من 500 ريال و لو حطيتي تكاليف الشحن مثلا 100
ريال حتسير عند 15 فرشة ب600 ريال .
من جهه
تانية مجموعه سيجما (بني) اللي فيها 12 فرشة سعرها الان 179 دولار يعني قريب ال700
غير تكاليف الشحن. مع ملاحظة انه سيقما في الاونه الاخيره علو اسعارهم يعني مع الشحن
بالراحة توصل 800.
على فكرة
ترا انا من اشد المعجبين بماركة سيقما ، و يمكن حتشوفوا عنها ريفيوهات مستقبلا في
المدونه << دي نقطة للتوضيح ههههه.
اوكي
نشوف اش الفرش اللي بتجي مع الكوليكشن
قسمتها
صورتين صورة لفرش العين وصورة لفرش الوجه عشان يسير الشرح اسهل
فرش
الوجه
من فوق
لتحت
104 Buffer
لوضع و
دمج الفاونديشن أو الباودر
106 Powder
لوضع
البودرة المضغوطة او السائبة
102 Silk Finish
لوضع و
دمج الفاونديشن ( دي مرا متماسكة اكتر من اللي فوق بس حجمها اصغر)
128 Cream Cheek
لوضع
البلاشر الكريمي أو الباودري
110 Face Shape
كونتور
للوجه باستخدام المنتجات الكريمية أوالباودرية
نجي
للعيون
من فوق لتحت
315 Fine Liner
لوضع
الايلانر بشكل دقيق
234 Luxe Smoky Shader
لوضع
اللون على الجفن بشكل مركز مع دمج خفيف
231 Luxe Petit Crease
لتحديد
كسرة الجفن بشكل احسن ، مرا حلوة دي لمن تبغي تحطي لون غامق على كسرة الجفن لانه
تركز اللون وتقدري تدمجي فيها بشكل جميل
228 LuxeCrease
بنفس
طريقة اللي قبلها لتحديد كسرة الجفن بس على مساحة اكبر يعني مو مرا دقيقة زي اللي
قبلها
227 Luxe Soft Definer
احلى
فرشاة في المجموعه ، لوضع ودمج الشادو وهي نسخة من 217 من ماك
317 Wing Liner
لوضع
الايلاينر الطويل ، يسهل رسم (البوز) و يعطيه مظهر مرتب
322 Brow Line
فرشاة
لرسم الحاجب سواء بمنتجات باودرية او كريميه
223 Petit Eye Blender
لدمج
الشادو على كسرة الجفن ، مرا حلوة للدمج و ممكن كمان للهلايت في مدمع العين و تحت
الحاجب
142 Concealer Buffer
لوضع
الكونسيلر سواء تحت العين او في الوجه ، تشبه حق ريل تكنيك الموف اللي تجي مع
مجموعة العين
235 Contour Shader
لوضع
الشادو في الزاويه الخارجية للعين ، المنطقة اللي زي حرف
V
دي كانت
تفاصيل المجموعه ، بالنسبة للمنفردة اخدتهم عشان سمعت ريفيوهات مرا حلوة عنهم وفعلا
الحمد لله اني طلبتهم
من فوق
لتحت
237 DETAIL SHADER
مخصصة
لأدق التفاصيل أثناء وضع الشادو
224 LUXE DEFINED CREASE
شعيراتها
مرا خفيفة فتعطي فينيشنق حلو لدمج كسرة العين
226 SMUDGER
لوضع
ودمج الشادو ، مرا تساعد في وضع الالوان الغامقة في السموكي ايز الثقيل
230 LUXE PENCIL
انا مرا
احب البنسل برش لدمج الشادو تحت العين ، صراحة استغربت ماحطوها في المجموعه
فاخدتها لحالها
109 LUXE FACE PAINT
من اهم
الفرش اللي لازم تطلبوها لو عملتوا اوردر من زويفا ، مرا تحدد الكونتور وتدمجه زي
المحترفين
هنا رابط موقع زويفا
https://www.zoeva-shop.de/
دي كانت
تجربتي و تقريري المفصل عن فرش زويفا ، اتمنى تكونوا حبيتوها و استفدتوا منها
نشوفكم
على خير التدوينة القادمة و كل سنة وانتم طيبين
0 comments:
Post a Comment
تسعدني تعليقاتكم أو استفساراتكم :-)