كيف حالكم ياحلوات
اليوم حتكلم عن بلاشرات ان واي اكس
اللطيفة ، قلت عليها لطيفة لانه شكلها وحجمها مرا كيوت و
الطبعه المعينات اللي فيها مرا تعجبني ههههه.
البلاشرات دي مرا حلوة و مناسبة
كاستخدام يومي و خصوصا لبنات الجامعه لانه حجمها مناسب للشنطة و كمان سعرها حلو، تلاقوا ان واي اكس موجودة في سنتر بوينت.
زي ماانتوا شايفين عندي مجموعه من 4
درجات من الباودر و واحد لون كريمي
حتكلم اول شي عن الباودر
الماركه عندها درجات مو بس كتير
مراااا كتير ،في الموقع في 24 لون !! وطبعا مختلفه الفينيشز في مطفي و بلمعه يعني
عندك خيارات جدا كتيره ، حاولت اخد الاساسيات (وردي ، روز ، نود ، برونز)
ثباتها متوسط يعني تقريبا (5-6)
ساعات ، الوانها واضحه وسهله في الدمج.
الباكبجبنج مربع و الغطا شفاف ،،
وحجمه زي ماقلت مرا مناسب لشنطة المكياج سواء للدوام او للسفر (رغم اني احب اخد
وقت السفر شي ثباته اعلى من كدا).
الدرجات اللي عندي
Dusty
Rose
لون روزي، كدا وردي مع مسحة بني ..
اي شي مكتوب عليه دستي انا احبه لانه يسير فيه شوية بني فيكون طبيعي اكتر.
هنا سواتش من النت
Desert
Rose
اللون دا برضو روز بس وردي اكتر ،
بيور وردي.
هنا سواتش من النت
Terra
Cotta
لون برونز بشيمر خفيف.
هنا سواتش من النت
Mocha
نودي على وردي جدا جدا طبيعي اللون
دا يعطي توريد مرا يجنن.
هنا سواتش من النت
البلاشر الكريمي عندي واحد لون هو
لون
Rose
Petal
ماادري اش مشكلتي مع الروز ههههه كل
شي روز ، يمكن لانه دايما اللي مكتوب عليه روز يناسب بشرتي و يمكن اغلب البشرات.
هنا سواتش من النت
المنتج مرا جميل و سهل في
الدمج ولانه بشرتي من ناحية الخدود جافة فمرا اعطاني لوك ديوي و مترطب.
التعليب مرا يشبه علب ماك ، حلو و
عملي.
بالنسبة لدرجات البلاشرات الكريميه
ماعندهم الوان كتير في الموقع يعني كلها على بعضها 9 الوان بس.
بشكل عام مرا المنتجات عملية و
رائعة كسعر و جودة و انصح فيها جدا ، انا اخدتها من موقهم اون لاين لانه هنا دايما
كل شي مخلص.
اتمنى التدوينة عجبتكم و استفدتوا
منها ، نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)