كيفكم
ياحلوات
الموضوع
السابق كان عن مجموعة ارواج حلوة و في نفس الوقت صديقة للميزانية .. لاحظت الموضوع
مرا لاقى اقبال وكتير عجبهم ماشاء الله ، فقلت خليني اسوي مكياج كامل عشان يكون اشمل.
حنبدا
بالاساس من البرايمر ، الفاونديشن ، الكونسيلر والباودر.
البرايمر
Sephora
base lissante smoothing primer
اخترت
برايمر سيفورا ، مرا حابته الفتره دي .. يخلي البشرة ناعمه و الفاونديشن يتوزع
بشكل حلو و سهل. حتى القشور تخف كتير.
بنات ترا
منتجات سيفورا اللي من نفس براند سيفورا تجي اسعارها حلوة ومناسبة.
الفاونديشن
اخترت
لكم اساسين لنوعين مختلفين من البشرة
اساس
لوريال المطفي
L’Oreal
infallible matte foundation
يناسب
البشرات الدهنية اكتر .. انا لمن تكون بشرتي طيبة يناسبها ،بس لاني جافة ماافضل
استخدمه بشكل يومي حينشفني زيادة.
كتبت عنه
تدوينة كاملة في موضوع سابق هنـــــــا.
اساس
بورجوا هيلثي مكس
Bourjois
healthy mix foundation
قديمك
نديمك ههههههه ، احلى فاونديشن درق ستور بلا منازع.
يناسب
البشرات المختلطة للجافة .. يعطي لوك ديوي و صحي ، ريحته حلوة و تغطيته متوسطة.
كلهم
تلاقوهم في سنتر بوينت و الصيدليات.
الكونسيلر
Sephora
concealer
الكونسيلر
اللي مرا احبه كاستخدام يومي هو كونسيلر اربان ديكاي .. قريب بدات استخدم كونسيلر
سيفورا و مراااا حبيته.
انا في
الكونسيلر اللي تحت العين احب النوع اللي يجي مرطب و سهل التوزيع لاني زي ماقلتلكم
جافة فكده افضل لي.
كونسيلر
سيفورا اتقل من حق اربان ديكاي بشووووية فسرت احط 4 نقط تحت كل عين واوزعه يعني
مااكتر ..
مرا حبيت التغطية تعتبر خفيفة لمتوسطة و تعطي تنوير و اضاءه جميلة لتحت
العين. بس لاتنسواااا انكم تثبتوه بباودر ولاحيخطط.
كونسيلر
العيوب والاثار
Soap and
glory kickass concealer
من سوب
اند قلوري . حلو لتغطية الاثار سميك و تقيل القوام .. في ناس يحبوه لتحت العين بس
انا احسه مرا تقيل لتحت العين.
يجي معاه
باودر كمان عشان تثبتي الكونسيلر .. استخدمي البودره لتثبيت الكونسيلر التقيل و
كمان الخفيف اللي حطيناه تحت العين.
عموما
اغلب منتجات سوب اند قلوري تعجبني .. مرا احبهم. تلاقوه في صيدلية بوتس.
الباودر
the balm Sexy
mama
من ذا
بالم اخدتها ايام تخفيض السايبر مانداي فنزلت لي مرا رخيصه .. استغلوا تخفيضاتهم
بنات لانه كل حاجة تنزل نص السعر .. تابعوا حسابهم في انستقرام دايما يعلنوا لو
بيعملوا تخفيض مفاجيء في الموقع.
نرجع
للباودر .. كشخص بشرته جافة مرا اخاف انه الباودر تبيني مغبره .. الحمد لله دي مرا
حبيتها مالها لون و احط منها فوق كل الاساس و خصوصا الانف .. تطفي اي لمعه و تثبت
الفاونديشن لوقت طويل .. مافيها اي تغطية ودا اللي ابغاه في الباودر.
انا
اخدتها من موقعهم زي ماقلتلكم .. لكن الان سارت متوفره عند دبنهامز.
نجي على
الهايلاتر والبرونزر
البرونزر
اخترت حق لوريال
L’Oreal
glam bronze
فكرته
انه مقسم بين برونزر مطفي وهايلاتر ،طبعا ممكن تستخدمي البرونزر لحاله و الهايلاتر
لحاله .. و ممكن لو تبغي برونزر بلمعة تدمجيهم سوا بالفرشة لمن تجي تحطي.
عن نفسي
احب استخدم كل لون لحاله .. البرونزر لونه جدا حلو و مناسب لو تبي تعطي تدفئة
للوجه .. مو كتير مناسب للكونتور لانه على اورنج شويه.
الهلايتر
كمان لمعته حلوة و خفيفة حلو كاستخدام يومي .. بس المزعج فيه انه مرا صغير فلازم
فرشاه نحيفة.
لوريال
موجودة في الصيدليات و سنتر بوينت.
الهايلاتر
اخترت من بوتس نمبر سفن
No7
shimmer palette rose
زي
ماتشوفوا من اسمها شيمر باليت ، الهايلاتر دا قوي و فيه قلتر بس جمييييييل.
انا
اخترت الدرجه اللي على روز اظن وقتها كان في الروز و البرونز.
من
صيدلية بوتس.
حبيبي
البلاشر .. بالنسبة ليا اهم شي في المكياج
اخترت
لكم واحد من سيفورا و واحد من سليك
حق سيفورا
زي ماانتوا شايفين زي العجلة فيها تلاته الوان برونزر، بلاشر مشمشي و هايلاتر ..
طبعا ممكن تستخدميه كله سوا او كل درجة لحالها. جربته بالطريقتين و حبيت اني ادمج
كل الدرجات مع بعض ، تعطي لون بلمعه صحيه مرا حلوه.
حتى لو
استخدمتي كل درجة لحالها كلهم فيهم لمعه خفيفة و ناعمه. اصلا كل ماتشوفوا منتج
منفوخ كده كانه كيكه اعرفوا انه بلمعه.
والبرونزر
كمان حلو لو تبي ظل سريع و طبيعي للعين.
باليت
البلاشرات من سليك اسمه بمكن
Sleek
pumpkin blush palette
بلاشرات
سليك كلها حلوه .. الوانها قويه ، ثابته ... و تنوع في الدرجات جدا جميل.
في عندهم
بلاشرات مفردة و باليتات .. اخترت لكم الباليت عشان يكون عندكم اكتر من اختيار ،
لانه زي ماانتو شايفين حجمها مو صغير كبيرة ماشاء الله و بماانه لونها جدا قوي
حتطول معاكي .. اصلا ماادري اذا دا الشي يخلص ههههههه.
فيه من
الباليتات تجي مع بلاشر كريمي .. الاسرع لك الباودر لانه الكريمي لونه مرا قوي
يبغاله دمج و وقت .. ترا حتى الباودر انتبهي و انتي تحطيه لانه لونه قوي .. خليكي
خفيفة.
تلاقوه
عند صيدليات وايتس و في موقع سليك.
للحواجب
اخترت باليت سليك كمان .. الباليت عباره عن باودر و واكس .. جودته مرا حلوة و
الدرجة بيرفكت ، انا اللي عندي الميديم. اصلا باين الحب ماشاء الله محفور ههههه.
و الماسكرا
اخترت ذا فولسيس من ميبلين ..
Maybelline
the falsies
الكثافة
اللي تعطيها حلوة و مناسبة جدا كاستخدام يومي .. ناسبتني و اكيد حرجع اخدها تاني.
ميبلين
تلاقوها في الصيدليات و سنتر بوينت.
بما اننا
بنتكلم عن مكياج سريع هنا فاخترت للظلال النوع اللي يجي قلم كريمي. الاقلام
الكريميه جدا سهله وسريعة تحطي على الجفن و تدمجيه سريع باصباعك و شويه لخط الرموش
السفلي .. و خلاص.
طبعا اذا
تبي لوك قوي تحطيه كبرايمر و تحطي الشادو الباودر فوقه مرا حيخلي اللون قوي و
ثابت.
اخترت
لكم اقلام نمبر سفن والجمبو من ان واي اكس . كجودة كلهم حلوين .. كتعليب حقت نمبر
سفن مرا افضل لانه زي ماانتوا شايفين حق ان واي اكس الغطا بلاستيك شفاف و مع الوقت
والاستخدام ممكن يتكسر.
للاستخدام
اليومي والسريع انصحكم بالالوان الترابيه السكرية. حكتب لكم اسامي الدرجات اللي
اخترتها:
من بوتس
نمبر سفن :
No7 Coffee bean
لون بني
غامق
No7
glistening ray
لون سكري
بقلتر ناعم
نمبر سفن
موجودة بصيدليات بوتس.
من ان
واي اكس :
nyx 617
iced mocha
لونه
توبي ، بني على شويه سيلفر بس على خفيف
nyx 611
yogurt
لونه
سكري على شوية روز
nyx 625
sparkle nude
لونه
ذهبي
ان واي
اكس تلاقوها في سنتر بوينت و على موقعهم.
نجي على
اخر شي .. الأكحال
من
سيفورا الكاجال الجديد .. طلعوا لونين اسود و بيج ، البيج بنفس درجة سيفورا البيج
المشهوره.
Sephora
nuit kajal
طبعا
البيج لداخل مدمع العين عشان تعطي العين حجم اكبر و شكل مصحصح اكتر .. والاسود
ممكن داخل العين و ممكن كأي لاينر .. وعلى فكره الكاجال الجديد مستوحى من الكحل
العربي القديم بس طبعا بمكونات احسن.
وميزته
انه مايثبت على طول فتقدري تعدليه ، تدمجيه او تموهيه.
في نقطه
مااعرف اذا هي عيب في المنتج ولا انا مو عارفتله .. انه لمن البوز يروح مو عارفة
كيف ابريه ، انا استخدمته كذا مرا بس لسا محدد. اذا احد يعرف بليز يقلي كيف ؟
دي كانت
تدويتنا لليوم اتمنى تكون عجبتكم واستفدتوا منها ، نشوفكم على خير التدوينة
القادمة.
فكرة المنتجات صديقة للميزانية حلوة كثير ..والاهم انها متوفرة عندنا .. ياريت لو اضفتي الاسعار مع المنتجات عشان يكون عندنا فكرة عن الاسعار
ReplyDelete