كيف
حالكم ياحلوات
كل سنه
وانتو طيبين ،رمضان كريم والله يعيده علينا اعوام مديدة بصحة وعافية وفي احسن حال
اليوم
التدوينة عن مشتريات سريعه وخفيفة من بوبي براون ، بوبي براون من الماركات الجميلة
اللي للاسف مهي متوفره في جدة يعني اقرب فرع لنا في الرياض و دبي هههههه .
اغراضي
من فرع دبي و هي بسيطة بس كانت عندي من زمان في الويش لست ، قلت انزل تدوينه عنها
لانه كتيرين اعرفهم حيسافروا في شوال فممكن تفيدهم.
ببساطة
اخدت بلاشرين باودر و روجين ارت ستيك
مرا سمعت
مدح كتيييير عن بلاشراتهم كيف انها ناعمه ، سهله في الدمج و ثباتها عالي ، دورت
سواتشات في النت و استقريت على لونين كلهم طبيعيين و مطفيين يعطوا لوك صحي و
ناعم.
اللون
الاول هو
Sand pink
لونه
وردي على نتفة بني ، مرا مرا طبيعي اللون و يناسب كل الوان البشره.
اللون
التاني هو
Tawny
لونه
برضو وردي على بني بس تركيز البني هنا اكتر ، مرا متخيلة حيطلع حلو مع سموكي ايز و
روج احمر
هنا
سواتشات الدرجات من النت
نجي
للارت ستيك ، هي فكرتها زي القلم بس كبير ينفع يكون محدد و روج في نفس الوقت ،
عجبتني الفكره خصوصا انه تركيبته مرا كريمية وناعمة.
يجي مع
كل قلم براية ، مرا حبيت الاضافه دي وحببتني في المنتج اكتر.
الوانه
مو طبيعي كيف تحير شوفوا السواتشات اللي شفتها في النت
حاولت
امسك نفسي واختار الالون اللي اعرف اني حستهلكها اكتر فااخدت اول لون في الصورة
واخر لون و اسم الدرجات
Dusty
Pink
لونه
وردي طبيعي
Rose
Brown
لونه بني
على موف
وهنا
سواتشاتهم من النت
اتمنى
تكون التدوينة عجبتكم واستفدتوا منها ، نشوفكم على خير التدوينة القادمة
0 comments:
Post a Comment
تسعدني تعليقاتكم أو استفساراتكم :-)